انا كنت بحب انسان عرفتة من ع النت حبينا بعض 3 سنين هو من سوريا وكنا بنحب بعض جدا وكان بيرفض انة يشوفنى بدون حجاب وانا كنت متأكدة من حبو ليا بس حصلت مشاكل وافترقنا بالرغم انى لسة بحبة يمكن اكتر من اهلي واتقدملي عريس وانا عشان انساه وافقت ع العريس لان متأكدة اننا مش لبعض انا والشاب السوري وبدون تفاصيل المهم وافقوا اهلي ع العريس وانا كمان وافقت هو انسان جدا محترم وعائلتة كلها مناصب وكبيرة جدا وهو رومانسي لابعد الحدود ومتدين لكن….انا بجد مش عارفة اتعامل معاه مش عارفة اعمل اية لما بيقولي بحبك مش حساها ولما يغازلنى مش احساس بنت مبسوطة مع خطيبها انا الحمدلله رضيت بنصيبي بس بطريقتى معاه جافة جدا وبجرحة كتير وغصب عنى بعمل كدة ..وع فكرة جوازى بشهر 6 الجاي نفسي احبة اعمل اية وازاى اتعامل معاه وازاى اخلية يحس انة اول انسان بحياتى…..ياريت حد يجاوبنى وكتير بشكركم
عايزى تغشيه يعنى وتحسسيه احساس كداب انا مش معاكى فى ده ومش معاكى كمان فى انك تقبلى عريس علشان تنسي واحد تانى دى مشاعر يا فندم مكانها القلب بس على العموم علاقات النت كلها مثالية كدابه ووشوش مزيفة ربنا كرمك بشخص محترم يبقى تفرغى حياتك علشانه وتدعى ربنا انه يرزقك حبه وربنا يوفقكم
بصى يا حبيبتى لو انتى مش قادرة تحبيه سيبيه لان بعد الجواز المشكلة هتكبر اكتر وهتظلميه معاكى ميصحكش تبقى مع واحد وقلبك مع واحد تانى