بسم الله
انا مقري فاتحتي بقالي شهرين لابن عمتي وبصراحه وافقت عليه لاني كنت مفكره انه بيحبني وهيحافظ عليا لانه انسان عارف ربنا وبيصلي
بس المشكله اني من ساعه ما اتخطبت ليه واهله مش بيدخلو عليا خالص هو بس اللي بييجي وحاسه بالاكتر ان ابوه هو اللي رافضني وفيه حجات بتثبت كدا لان بعد م اتخطبت بحوالي 10 ايام مسك في عمتو وحصلت مشاكل وخلاها تغضب وتروح علي بيت ابوها اللي هو بيتنا وهي ماكنتش راضيه تيجي علي البيت ولا تغضب بس هو اصر عليها معني كدا انه عاوزني اخاف وافسخ الخطوبه
وعالعلم هو مش بيدخل ليا خالص ولا بيتصل عليا وحتي يوم العيد ماتصلش عليا ولا ايجالي ولا هو ولا عمتو
عمتو مش ايجاتلي الا رابع يوم العيد وجت ماكملتش حاجه في القعده واتصل عليها بيقوللها تعالي ولا قاللها اديها تليفون اطمن عليها وقولها كل سنه ونتي طيبه ولا حاجه خالص
دي بالنسبه لابوة
خطيبي لما بييجي مش بيدخل عليا بأزازة بيبسي ولا حتي بيديني فلوس حتي انا والله العظيم ما عاوزه حاجه خالص بس دا بيدل انههم مش مقدريني وكانهم خاطبين واحده من الشارع ومش معبريني وطالما مش معبريني دلوقتي مش هيعبروني بعدين
وبعدين خطييبي فين وفين لما بيتصل عليا ومرة انا وهو مسكنا في بعض وهو اللي غلطان وقولتله انا هقفل سلام وانا زعلانه قالي ماشي تصبحي علي خير ومصالحنيش بعديها وخلاني انام زعلانه وماتصلش عليعا بعديها الا بعدها ب يوم
ومش بيشحنلي رصيد بيقوللي هاتيلك كرت
استفسار بس
يعنني ممكن كل اللي بيحصل دا عشان هي عمتي وبالنسبه لكدا مش تجيلي وعادي ولا دا بجد مش تقدير وهم مش عاوزيني
انا دلوقتي زهقت وقررت افسخ الخطوبه وكلمت خطيبي وقولتله انا مش مرتاحه للخطوبه وصليت كتير وماارتحتش اكتر بعد الصلاه الاستخاره وربنا يبعتلك احسن مني
هو مكلفش يسالني ليه. دانا بحبك وعاوزك لا مش قاللي حاجه من دي خالص قالي ربنا يوفقك ويبعتلك الاحسن مني
هل كدا انا ظلمته وغدرت عليه ولا انا ليا الحق في كدا لاني بجد تعبت وصبرت بس ماعنتش قادرة
وصليت استخاره كتير. والناس كلها بتقوللي فركشي
بالله عليكم قولولي انا ظلمته كدا ولا حاجه ولا لا وكل واحده تقول رايها ومش هزعل خالص والله
لنا شايف انك ماتتسرعيش وافهمي من خطيبك واتكلمي معه ولو حاجة بسيطة مثلا انهم مش واخدين عليكي حاولي تتقربلهم وتسألي عليهم ولو حاسيتي ان كلهم مش مقدرينك خلاص كل شي قسمه ونصيب وحاولي انك متجيش ع كرامتك وانشالله خير