السلام عليكم
انا بنت عندي 20 سنه لسه بدرس
من 3 سنين بالظبط حبيت واحد بس من ع النت واتعلقت بيه جدا
بس انا من المنصوره وهو من المنيا وكل ما يجي عريس كنت برفضه من غير ما اشوفه حتي لحد ف مره وامي صممت اني اقعد مع العريس اللي جاي هو بيقول يعرفني وكان دايما بيدعي ان اكون من نصيبه بس انا كنت اول مره اشوفه ف حياتي ومكونتش اعرفه خالص
هو محترم جدا وخجول وبيصلي واهله ناس محترمه وهما جيرانا المهم ان امي صممت وقعدت تزعق ومع ان ابويا كان رافض اقنعته وانا حاليا مخطوبه من شهر 3 اللي فات وبعت له رسايل وقولتله اني مش عاوزه اتخطب وان انت تستاهل بنت احسن مني وانا مش هقدر اسعدك والكلام اللي بيتقال دا
المهم انه قالي مالكيش دعوه عجباني
هو داخل ع 25 سنه لسه مش بيشتغل
المهم ان فيه حاجات كتير مش عجباني فيه
يعني مثلا يقولي رني عليا وعلطول بحس ان انا الولد مش هو انا معنديش مشكله اكلمه بس مش حلوه انه يقولي كده والله العظيم انا بكنسل عليه وبرن انا وبيرد عادي
انا عنيده شويه او كتير ف بكون حابه اعند وخلاص بس بغرض اني الاقي رد فعل قويه منه بلاقيه دايما ضعيف الشخصيه وان بيسمع كلام اهله واخواته اوووي بطريقه اوفر
وعايش ف عالم الاحلام
مش بحس انه بيغير هو بيقول انه بيحبني وانا فعلا مصدقاااه بس مش حاسها خالص ولما بيقولي وحشتيني بحس انه بيقولي ازيك
خايفه اسيبه واندم وخايفه اكمل واندم
صليت استخاره
وبردو مش عارفه
يمكن تقولوا علشان كنت بحب قبله ف دا مانع اني احبه بالعكس والله بس انا مش لاقيه فيه الحاجات اللي كنت بتمناها ف جوزي المستقبلي يعني لو اللي كنت بحبه دا اتقدم ليا والله هرفض بسبب انه شخصيته فظيعه وديكتاتوري بطريقه بشعه وقاسي وكلامه بتجرح بس هو فعلا راجل معايا جدا وبيغير جدا جدا جدا ودي حاجه بحبها اووي
انا عموما بحب الراجل اللي شخصيه اقوي من الست
المهم اني من ساعه من اتخطبت مالبستش الدبله وبيجيلي عرسان عادي بس انا بجد مش عارفه اعمل اي
ومش بفكر ف فكره الجواز خالص ولا الخطوبه عموما
بجد تعبانه اوووووي ومش عايزه اتخطب ولا اتجوز
كرهت حياتي جدا بقيت معقده جدا مش عارفه اخد قرار
وامي مش عارفه اكرهها ع اللي عملته فيا دا لان مفيش ام مش عاوزه مصلحته بنتها بس مفيش حد ف الزمن دا بيتهان ويضرب ويشتم علشان يوافق ع حد
انا مخنوقه اوووي ساعدوني بالله عليكم
مشاكل الخطوبة
مخطوبة ومخنوقة ومش بفكر في الجواز خالص ولا الخطوبه
اضيف بتاريخ: Sunday, September 23rd, 2018 في 06:02
كلمات مشاكل وحلول: الحب, المنصورة, المنيا, النت, بنت, حب, عريس, مخطوبة
أولا -انت لسه على علاقة بالواد اللي تعرفيه من النت ودي العلاقة المحرمة خلتك ماتفكري في خطيبك ولاتهتم به ولاتعطيه مشاعرك يعني الحرام عندك افضل من الحلال ثانيا – عايزك تعرفي ان الحب الصادق والحقيقي يأتي بعد الجواز مش قبله كما تظني انت وغيرك من البنات الاخرين ثالثا- دام اهلك شايفين انو عريس مناسب لك ومحترم وابن ناس كويسة فهم ادرى بمصلحتك اكثر منك ومن أي احد ثاني رابعا – رفضك له ليس سبب كافيا لاجل تستمري في خداعه خليك صادقة وقولي لااهلك الحقيقة قبل فوات الأوان ولااظنهم يجبروك على الاستمرار معه طالما انك رافضته ولاتكنى له شيء من الحب والمشاعر لاتظلمي نفسك او تظلميه معك وكل شيء قسمة ونصيب
عايزه الحل
بصى انا اتخطبت لواحد بحبه جدا اهلى كانو رافضين اقنعتهم و بعد شهرين من الخطوبه اتخنقت لانه قافل عليا و بيخاف بزيادة و قلتله مش قادرة اكمل و قلعت الدبله و اديتها لماما .. والدى قعد معايا و قالى هديكى فرصه اسبوع تفكرى و تقفلى موبيلك و متكلميهوش خالص و لا هو يكلمك و اقعدى فكرى الاسبوع دة .. فى الاسبوع دة شفت حجات فيه مكنتش شيفاها .. خلى علطول ربنا معاكى هينورلك بصيرتك انا قعدت قريت سورة البقرة كلها و متستكتريهاش عشان 3 اجزاء قسميها على 3 مرات فليوم 100 و بعدين 100و بعدين 86 هتلقيها خلصت .. بعد ما بتخلصيها بتحسي براحه نفسي و صلى بعد كل صلاه فرض صلاه استخاره ماعدا العصر .. و الركعه الاوله سورة الكافرون و الراكعه التانيه سورة الاخلاص و بعد متخلصى صلاه طلعى دعاء الاستخارة من على النت و ادعيه و انتى مواجهه القبله .. شوفى فى الوقت دة هيوحشك هتبقى عادى .. هتحسي بايه و على اساسه قررى .. مامتك مش حقها تعمل كد معاكى لان انتى الى هى هتتجوز انتى الى هتشيلى القرف .. طب يا فرحتى .. و بعدين انتى عندك 20 سنه مش 30 لسه العمر قدامك .. و اقعدى اتفاهمى مع والدتك و والدط و اطلبي منهم يسمعوكى و يفهموكى بقلب اب و ام مش بعقل و تفكير و كلام اناس .. احنا علفكرة اناس الى بيتكلمو كتير دول مش هيجو ياكلوكى و يشربوكى .. وربنا يوفقك و و بجد نصيحه خلى ربنا معاكى علطول هترتاحى