لا استطيع نسيان خطيبى

انا كنت مخطوبة لواحد معرفة من بعيد وعمرى ماشوفته فى حياتى واهله شافونى وطلبونى للجواز وهو كان مسافر برة مصر وفعلا كلمته على النت واتعرفنا على بعض ونزل مصر وخطبنى والشهر الى نزل فيه كان احلى شهر فى حياتى بس هو كان على طول شديد معايا ومبيتصلش بيا كتير وعلى الرغم من كدة استحملته وكنت بحاول ارضيه وكنت انا ساعات الى بتصل بيه المهم سافر ولقيته بعد سفره بشوية ابتدى ميسالش عليا الا كل اسبوع مرة واهملنى كتير وعلى قولة استحملينى وفعلا كنت بستحمله وبعد مرور ثمانى اشهر لقيت المشاكل بتزيد من اهله وهو كان بيجى عليا عشان يراضى اهله مكنتش بزعل وبطنش وحبيته فعلا عشان لقيته انسان محترم لكن كنت دايما بحس انه مبيحبنيش وعنده جفاء عاطفى ليا بالرغم من انى رومانسية جدا المهم الخطوبة اتفسخت من غير ماعرف ايه السبب اتصلت بيه وحاولت اعرف انا عملت ايه لقيته معندوش استعداد يكمل معايا وعمال يشكر فيا ويقولى انتى تستاهلى الى احسن منى بكتير قولتله بس انا عيزاك وبحبك وبالرغم من كدة فضل عند موقفه انا الحمد لله راضية بقضاء ربنا بس فعلا مش قادرة انساه ولا قادرة اتخطب لحد تانى ومش عارفة لو فكر انه يرجعلى اقبل ولا لا انا تعبانة ارجو المساعدة

مشاكل وحلول ذات صلة

• حبيبي تركني وصديقتي ستفضحني
• سابني لاني خدعته وانا بطلت اروح شغلي
• خطيبي متسلط اسلوبه بيخنقني
• اخويا بيغير عليا من خطيبي
• بحب خطيبى وعاوزه اسيبه
• متزوج وغير راضي ولا بحب مراتي
• حاسة اني بخون خطيبي وظلمت الانسان اللي حبيته