مشاكل الخطوبة

انا مخطوبة ولكن احب شخصا اخر

السلام عليكم ورحمه الله وبركاته انا مخطوبه وكنت بحب خطيبى جدا بس انا عمرى 21 وهو عنده 31 بس ما كنتش فرحانه بالخطوبة علشان بابا ما بيرضاش ان انا اقعد معاه او حتى نخرج مع بعض وبعد مرور سنه على هذه الخطوبة فكرت انى ادخل على النت واتعرف على صديقه احكيلها على هذا الموضوع بس ملقتش واتعرفت على شاب محترم جدا وهو عمره 24 سنه واعتراف لى بحبه ليا فاقلتله انى مخطوبة بس هو مصدقش كان فاكرنى بهزر بس فى الاخر صدقنى واضايق اوى وانا حيبته لسبب واحد انه كان بيهتم بيا وخطيبى ما كانش بيهتم بيها خالص ولا كان بيتصل وله حاجه لانى مكنتش بشوفه كتير بس انا عايزه حل للمشكله دى مع العلم ان خطيبى يبقى ابن عمتى ياريت تلقولى حل لانى تعبت كتير من الوضوع ده وفكرت اسيب خطيبى بس مقدرتش شكرا

مشاكل وحلول ذات صلة

اضيف بتاريخ: Tuesday, February 15th, 2011 في 04:16

كلمات مشاكل وحلول: , , , , ,

10 رد to “انا مخطوبة ولكن احب شخصا اخر”

  1. محمد
    17/02/2015 at 09:58

    على فكره اللى مترضيهوش على نفسك مترضهوش على خطيبك
    فى شباب كتير على النت بتعيش جو الرومانسيه بس مجرد كلام
    ولو مش عايزه خطيبك ممكن تسبيه بس يا ترى روميو التانى دا هيخطبك ولا عنده مشاكل هتتخلق لحظه خطوبتك

  2. احمد بدوى
    30/03/2013 at 19:09

    على فكره اللى بتكلميه على النت انتى متعرفهوش اذا كان كويس ولاوحش والشيطان هو اللى مزين ليكى انه هذا الشخص احسن من خطيبك لكن احساسك بعدم الاهتمام من خطيبك هو البعد بينك وبينه لكن هو اكيد بيحبك وعشان كده هو عايز يكمل معاكى

  3. صاحبه المشكله
    16/02/2011 at 21:11

    اشكركم على هذه النصائح الغاليه واوعدكم ان شاء الله اعمل بيها

  4. DaRwasha درش
    16/02/2011 at 19:24

    طيب مادام اهلك منعينك من انك تخرجي معاهـ او تكلمية ما انتي عرفتي تكلمي غيرة اقولك علي حل خلي الطريقة اللي كلمتي بيها شاب الانترنت اللي عندة 24 سنة دا كلمك بيها خطيبك يكلمك بيها وانتم هتتقربوا لبعض وهتفهموا بعض وهتشوفي قد ايه هو مهتم بيكي متخليش الشيطان يغلبك انتي في ايدك خطيب ومحترم جدا رغبة اهلك في انكم متكلموش بعض ودا شئ يخليكي تعرفي ان الشاب دا محترم جدا وبيخاف عليكي واحد غيرة ممكن كان قابلك مقابلات من وراء اهلك وكان اتصل عليكي بدون علمهم ويبقي كل شئ في السر بس انا شايف انه صانك جدا وخاف عليكي جدا جدا واحترم رغبة اهلك عموما حاولي تقربي لخطيبك مادمتي محتاجة الحب والحنان وخلية هو يديهملك احسن من غيرة لان دا خطيبك واكيد انتي عرفاة كويس ولو انتي شايفة غير كدة وعايزة تفضي الخطوبة يبقي صارحي خطيبك عشان ميبقاش حرام عليكي

    في امان الله وان شاء الله تتحل مشكلك
    اتمنالك السعادة

  5. ايمى زملكاوية
    15/02/2011 at 22:47

    بصى اى واحدفى بداية علاقتة مع اى واحدة بيبقا مهتم والاتصال على ودانةوالرسايل وعايز اسمع صوتك وكلمتين مسافة ما بس اسبوع اسبوعين يكون شاف او اتعرف على حد تانى او كصداقة يوم بعد يوم بيجر وهكذا وبعدين انتى مخطوبة يعنى لو بتحبى خطيبك قوليلى زعلان من اية فيك حاجة مدايق من اية كلمية اعرفى الا فية مش طالما مشغول او فية حاجة يومين نسيبة ونشوف تعارف من النت خليكى مع خطيبك احسن الا تعرفية احسن من الا متعرفهوش وكلام بس كمان من غير حاجة خليكى معاة وكلمية وشوفية ومتكلميش الجديد الا من النت تانى

  6. ايمان المصرى
    15/02/2011 at 21:10

    بصى بصى ياقمر لو خطيبك مش بيحبك ولو مش عايزك كان سابك بس قلة الاهتمام اللى انتى حاسة بيها انت لانكوا بعاد عن بعد ومش قريبيين من بعض وسيبك خالص من اللى انتى اتعرفتى علية على النت دة انت انتى متعرفيش اية حقيقتةوعلى فكرة دى خيانة لخطيبك ممكن هو يكون انسان حنين جدا وطيب بس انتى مشم مش عرفة دة لانكوامش قريبين من بعض وياما على فكرة ابهات مش بيرضوا ولادهم يقعدوامع خطيباتهم حال حاولى انتى قربى من خطيبك كلمية دايما على التليفون واسالى عنةولو فى حاجة مضيقاكى احكيلوا عليه عليهاهو كمان لما يحس اهتمامك بية هيقرب منك وهيكلمك دايماولو برضو هو مضايق هيبتدى يحكيلك ابابتدى انتى حسسيةباهتمامك بيك علشان هو يهتم بيكى وان شاءاللة تتجوزا وتكونوا اسعد اتنين ورب وربنا يوفقك ياحبيبتى

  7. ناصر الحكيم
    15/02/2011 at 19:33

    عندما تقدم خطيبك لطلب يدك، هل كنت راضية به، ثم تغيرت نظرتك اتجاهه بعد ذلك؟ وهل كانت لديك علاقة مع الشاب الآخر قبل الخطبة، أم أنك سمحت لقلبك بالميل له رغم أنك مخطوبة.. على كل حال ما نرجوه هو أن تحكمي عقلك قبل اتخاذ اي قرار، فلعل فسخ الخطبة لن يحقق لك السعادة التي تحلمين بها، المهم أن تفكري جيدا، وتعرفي أن الحب الحقيقي لن يظهر إلا بعد الزواج وتحمل المسؤولية، فالحب ليس مجرد مشاعر جميلة وإعجاب وانجذاب، وإنما هو أيضا مسؤولية وعطاء وتضحية من أجل الآخر.
    ما نخشاه هو أن تخسري الأول ولا تحصلي على الشاب الثاني، الذي ربما لا يريد الزواج، وأنه ليس شابا مثاليا يستطيع أن يحقق السعادة لك ويحفظ كرامتك ويملئ حياتك راحة وهناء، ويبني معك أسرة تنعم بالتفاهم والانسجام.
    ولكن هذا لا يعني القبول بخطيبك إذا لم يكن بينكما انسجام كاف، لأن عدم لانسجام قد يكبر في المستقبل، ويقود إلى الطلاق، المهم مصارحته والتفاهم معه حول كل الأمور، ولا ننسى أن على البنت المخطوبة الإخلاص لخطيبها، لأن عدم ذلك يعد نوعا من أنواع الخيانة.

  8. نونا
    15/02/2011 at 19:10

    انتى مش واثقة فى الى على النت دة يمكن مينفعكيش اصلا حاولى تقربى من الى انتى متاكدة منة دة احسن وربنا يوفقك

  9. سوسو
    15/02/2011 at 17:39

    بصى انصحك انك تبعدى عن اللى انتى اتعرفتى عليه من ع النت لان تعارف النت ده مش حب ولو سيبتى خطيبك هتندمى وعلى فكرة انتى لقيتى الاهتمام من حبيبك عشان انتوا بتتكلموا ع النت من غير علم باباكى اللى لو علم هيبعدك عنه ومش هتلاقى الاهتمام ده
    وخطيبك عشان انتوا مفيش فرصه تقعدوا حتى فيها لوحدكم فأنتى مش حاسه بحبه واهتمامه بيكى حافظى على خطيبك ومتكلميش حد ع النت لان ده ف حد ذاته خيانه ليه وربنا معاكى ويوفقك

  10. r.d
    15/02/2011 at 13:31

    السلام عليكم ورحمة الله وبركاته
    من الأفضل أن تحددي مسار حياتك شوفي عالم التعارف على الشبكات من وجهة نظري لا تتسم بالحقيقة وكلها سمات ( الذي لا يرى بالعين لا يعرفه القلب) لذا لا يصدقه العقل
    فأنا أنصحك في الله الحب شئ جميل بس قدري الشخص إلى معاكي وإن كان خام عوديه وإن كان مشغولياته كتير هوني عليه وبعد ذلك إن لم يتصف ويصل معك للإهتمام
    في الحالة دي إنك مش تظلمي نفسك واكبر جرم للشخص إنه يظلم نفسه
    مثل أخير خلي بالك إن إلى في إديكي حلو وكويس بس ديما إحنا البشر مش واخدين بالنا لأنه معانا بس لو راح نندم عليه

اترك رداً أو حلاً لهذه المشكلة