مشاكل الخطوبة

المشكلة فيا مش فى خطيبى بعد الخطوبة

اضيف بتاريخ: Saturday, February 19th, 2011 في 17:32

كلمات مشاكل وحلول: الخطوبة, بنت, خطيب, شبكة, فرق التعليم, مشاكل الخطوبة

16 رد to “المشكلة فيا مش فى خطيبى بعد الخطوبة”

1. ابواميرة

   

   05/01/2013 at 13:55

   ايه يعني تعليمك جامعي دكتورةولامهندسة الزواج قسمةونصيب ارضي بالراجل داولاتضيعه من يدك انابعرف دكتورة كانت جارةلنافي الحي كانت ترفض الزواج بحجةاكمال دراستهاوابحاثهاالعلمية لغايةماصارعمرها45سنةوفي الاخرتزوجت تفتكري تزوجت من مين دكتورلامهندس لااستادجامعي لامديربنك لاتزوجت من سايق تاكسي غلبان ماعندوحتى الابتدايية وخلفت منه ولد وعايشه سعيدةومتهنية
2. tit

   

   15/11/2011 at 01:21

   ما هو ممكن يدخل الجامعة المفتوحة ويحصل على مؤهل عالى كدة هيكون مناسب دة مش سبب
3. ابو عمر

   

   24/05/2011 at 12:25

   لا تنسي ان في كثير بنات معها مؤهلات عالية وتتمنا شخص مثل هذا باين من كلامك عنه انة محترم ويحبك ويتمنا يجبلك القمر لو يطول
   لا تفتكري ان المؤهل هوا يعبر عن فكر كل انسان في ناس عندهم مؤهلات عالية وعقلهم فارغة
   حاولي تحبية وتعرفيه وتفهميه وحاولي يكون قريب منك من خلال الكلام بالايمل عالنت
   وبالاول والاخر صلي صلاة الاستخارة فما خائب من استخار
4. سوما

   

   22/02/2011 at 00:05

   انا رائى انك لازم تحبى اولا علشان لو مش بيتحبى هدورى على الحب بعد الجواز
5. صاحبة المشكلة

   

   20/02/2011 at 22:44

   متشكره اوى يا جماعه على نصيحكو الغاليه واكيد انشا الله هاعمل بيها
6. etqan54

   

   20/02/2011 at 09:14

   اولا من حكايتك عن خطيبك هو انسان ملتزم وسوف يحفظك
   ثانيا موضوع المؤهل ليس مشكلة واظن انه انسان مثقف وذكى جدا طالما انه ينصحك بالخير والصواب
   قال رسول الله صلى الله عليه وسلم اذا جاءكم من ترضون دينه وخلق فزوجوه الا تفعلىوا تكن فتنة وفساد كبير
7. مصري بالخارج

   

   20/02/2011 at 06:47

   هو هو مش جاهل هو مؤهل متوسط وبعدين لو من ضمن مميزات حضرتيك ان انتي تثقافي اولادة يعني رجل بيقدار العلم يعني هو فرق التعليم مش في مشكلة عنده يمكن عند حضرتيك يعني بالنسبة للبنات معاكي في الجامعة بتنكسفي ان خطيبك مش مؤهل عالي 0فاكر بس بصراحة اهم شي في الشخص الدين والخلاق وحضرتيك بتقولي انهم في ،ومعلش يعني انا اسف هو خريج الجامعة دلوقتى في مصر بيفرق كثير عن المتوسط
8. ميرناا

   

   20/02/2011 at 00:24

   اولا انتى اللى محيرا نفسك وزى ماقولتى فى البدايه المشكله فيكى مش فى خطيبك
   هو علشان الراجل عايزك ومصمم عليكى يبقا لازم يكون علشان التعليم والثقافه ماهو فى بنات كتير متعلمين ومثقفين مش انتى وبس يعنى
   وبعدين معنى كلامك انك ماعندكيش ثقك فى نفسك خالص لانك مش شايفه مميزات فى نفسك غير التعليم
   تانى حاجه ايه يعنى ماتكونيش متفاهمه معاه علشان فرق التعليم
   اسمحيلى انى اقولك برغم تعليمك لكنك تفكيرك سطحى
   الفرق مش كبير هو مش (امى) يعنى علشان ماتعرفيش تتفاهمى معاه مش لازم يكون تعليم عالى علشان تقدرى تعيشى معاه وماهو يامى فى معاهم مؤهل عالى ودماغهم وحشه جدا والله عن تجربه مثال اناخريجه تجاره وحاليا محاسبه وخطيبى معاه ثانويه فقط ولما بحكى معاه بلائيه مثقف جدا برغم انه ماكملش بسبب سافره
   المهم دلوقتى انه كا بدايه اللى عرفتى عنه اخلاقه كويسه وملتزم طيب كويس حاولى بقا تقربى منه اكتر علشان تقدرى تفهمى كويس وطبعا تليفونات مش هاتنفع وهو مسافر
   خاليه يشترك فى النت هناك واتكلمو من خلاله افضل كتير من التليفون على الاقل يكون فى فرصه اكبر تعرفو بعض لو كل يوم ساعه مثلا
   انتى اللى مدايقك انه سافر بعد الخطوبه علطول ومالحقتيش تحسى انك مخطوبه اصلا
   وعلى فكره لو انتى خطيبك سافر بعد اسبوع انا ياحبيبتى سافر تانى يوم الخطوبه والموضوع ده خنقنى جدا علشان كده حاسه بيكى لو كان موجود ماكنتيش حاسيتى بكل ده
   عموما ربنا يهديكى ويحببك فى ويجمعكم على خير
9. ايمان المصرى

   

   19/02/2011 at 23:09

   بصى اناهقولك راى بالنسبةان تعليمة متوسط وانك خايفة متكونوش متفاهمين اناشايفةان بكلامك انة انسان كويس جداداحتى بيقولك صلى وبيذكرك بالاذكار يعنى احسن مايقولك كلام تانى ميرضكيش وعايزة اقولك على حاجةانامتهيالى انة شاريكى انتى بتقولى انة اتقدملك 7مرات وبعدين فى بنات كتير برضو متعلمين ومثقفين يعنى اكيد مختركيش لذاتك زى مابتقولى وعلى فكرة انتى ممكن دة يكون افضل من ناس تانية ممكن تكون معاهاشهادات عاليةممكن يكون اللى مؤهلة عالى دةمش كويس يعنى مش شرط انة يكون معاةمؤهل عالى علشان تكونوا متفاهمين اهم حاجة انة انسان يعرف ربناادى لنفسك فرصة تقربى منةيمكن تكونى كمان مش حساةلان عقلك رافض انك تتجوزيةعلشان خايفة تكونوا مش متفاهمين وبعدين انتى بتقولى انكوا لسةهتتجوزا بعدسنتين يعنى ممكن تقدرى تفهمى اذاكنتوا هتبقوا متفاهمين ولالا وباذن اللة هيكون كويس ربنا يحميكى ويتمم ليكى على خير
10. نونا

    

    19/02/2011 at 21:04

    واللة ياحبيبتى انا زييك بالظبط انا بردو كنت مخطوبة وكنت حاسة فى الاول انى معجبة بية وبعدين سافر كنت بقولو بحبك وعمرى ماحستها بس الفرق انو شهادتوا جامعية واتخطبت سنتين وهو مسافر وبعدين سبتوا وحبيت واحد بنفس ماصفات خطيبك دة بالظبط وشهادة اقل منى كنت حاسة انى بموت فية وفجاة رجع خطيبى ومخلى كل الناس تتحايل عليا عشان ارجعلة واول مارجع خات بالى ان الى بحبة اوى دة معاة شهادة اقل منى وكنت بموت فية معرفش دة احساسى ساعتها مش انا اصلا حبيتة ولا لا بعدت عن الى حبيتة ودلوقتى بفكر ارجع لخطيبى معانى بردوا مش بحبة زى الاول بس فكرت بعقلى ان مين اللى هيحبيك اكتر ويخاف عليكى اكتر ونصيحتى لو انتى حاسة انو اقل منيك اوعى تاخديةعشان هتعيشى طول عمريك شيفاة قليل لاكن لو مش باين علية عادى وبعدين لوخريج صنايع وبعدين معهد غير لو ثانوى وهو خد معهد سينتين بس بردوا نصيحتى زى ماهلى قلولى خدى الى يحبيك ومتاخديش الى تحبية وبعدين هو مش جاهل يعنى انا دة راى ودة الى عملتوا مشيت ورا كلام اهلى وبفكر ارجع للى هيموت نفسة عشانى مش عارفة انا صح ولا غلط اقنعتيك ولا توهتيك اكتر مش عارفة
11. ايمى زملكاوية

    

    19/02/2011 at 19:57

    يعنى انتى كنتى عايزة من الاول وبعد ما تمت الخطوبة بتتكلمى بصى يا روحى طلما هوة مكلمكيش على موضوع التعليم خلاص يبقا هوة شريكى وحبك بعيوبك ومميزاتك خليكى معاة متسبهوش وبعدين التعليم مش قبل راحة البال
12. ميرو

    

    19/02/2011 at 19:29

    اولا صلي استخارة علي هذا الشخص وشوفي ربنا كاتبلك ايه معاه وبعد كده قرري لكن متسيبيش الموضوع كده عشان ميتظلمش معاكي وبعدين انا حاسه انه انسان كويس والموضوع مش بالمؤهل في ناس كويسة كتير قوي ومعندهاش مؤهلات كويسة فكري كويس قبل ماتقرري اي شيئ والله الموفق لخير الامور
13. DaRwasha درش

    

    19/02/2011 at 19:17

    والله لو انتي شايفة ان فرق التعليم بالنسبة ليكي عقبة يبقي بلاش من اولها وكل واحد يروح لحالةعلي فكرة مبقاش فية بنت دلوقتي في الزمن دا بتبسط للتعليم كله بيبص للانسان اللي قدامة من وجهة نظري وبعدين يعني الراجل باين انه مخليكي منتظمة وبيخليكي تصلي طبعا سبب في دا بكلامة يعني شكلة متدين بعض الشئ وباين علية بيقدر يشيل مسؤولية ومن كلامك باين عليةانه رجولة انتي عايزة ايه تاني عموما صلي صلاة استخارة كدةوشوفي ربنا هيوريكي ايه ولو حاسة انك مش عايزاة يبقي صارحية ومن دلوقتي احسن عشان متعيشهوش علي امل وفي الاخر تدفني امله بالحيا
14. تائب الى الله

    

    19/02/2011 at 18:18

    اولا الف مبروك على الخطوبه
    بس لو زى حضرتك ما بتقولى كده اتقدم اكتر من 7 مرات يبقا اكيد بيحبك لنفسك ولشخصيتك
    مش علشان خاطر انك واحده متعلمه ومثقفه وكده زى ما بتقولى وبعدين حضرتك بتشكرى فيه انه جميل ووسي ووحيد مامته ان شاء الله حتكونو متوافقين مع بعض بس انتى تنسى موضوع فارق التعليم ده ومش تحسسيه بالفرق ده طيب شاب كويس والله العظيم وملتزم خليكى معاه ولما ربنا يرجعه بالسلامه صدقينى حتحسى بكل حاجه حلوه يمكن الاحساس ده جالك علشان خاطر هو بعيد عنك ان شاء الله خير وخليكى معاه وربنا يصلح ويوفق بينكم
    اتمنالك حياه موفقه ان شاء الله
    اخوكى فى الله
15. لله الامر من قبل ومن بعد

    

    19/02/2011 at 18:18

    يا بنت الناس فى مثل بيقول خدى اللى يحبك مش اللى انتى بتحبيه وانتى قولتى انه اتقدملك 7 مرات يعنى راجل شاريكى وجابلك شبكه كويسه وراجل من كلامك بيخاف ربنا عايزه ايه تانى يا بنت الناس الانسان مش بشهادته الانسان باخلاقه ورجولته يا ما فى ناس واخدين باكلوريسات وتكلميه تلاقى مخه فى فرده جزمه من جوه وفى ناس حاصله على الاعداديه وبتفهم وعندها اخلاق التعليم ليس مقياس فى الرجل او الست وبعدين انتى بتقولى انتى خايفه تظلميه بالعكس انتى حتظلمى نفسك انتى نصيحه من اب الى بنته ايكى والظلم والتبطر احسن ربك مابينمش ولا بيغفل انتى ربنا بعتلك انسان بيخاف ربنا عايزه ايه تانى ربنا يوفقك يارب
16. محمد

    

    19/02/2011 at 17:51

    اهلا بيكى يا فندم
    اسمحيلى بالرد عليكى

    انا شاب و مثله راح ارد بتفكير اى شاب

    الواحد مننا يبغى البنت المحترمة مثلك
    ولما يلاقيها يظل متمسك بيها لأخر العمر

    وانتى شفتى حاله لما اتقدملك سبع مرات
    يعنى الشاب هذا رايدك ويبغاكى
    و كمان ملتزم يعنى راح يعاملك بالحلال و مش هيئذيكى بأى شكل من الاشكال
    و هيراعى ربنا فيكى وفى اولاده

    و المثل يقول

    خد اللى بيحبك مش اللى تحبه
    و طالما هو حابك و بيشتغل فى الغربة و طالع عين ابوه
    كل ده عشان يوفرلك حياه كريمة
    المهندس نفسه مش هيقدر يوفرهالك

    انا شايف انه انسان محترم و انه جدير بالزواج منك كمتعلة و مثقفة

    و بعدين راعى ان فى كتيييييييييير كملوا تعليمهم ة مش عارفين يجيبوا ربع جنيه

    ففرق التعليم مش فارق طالما الشاب متفهم و ملتزم
    لأن العلام الدينى احسن من علام المدارس

    فمتظلميش نفسك و ترجعى تندمى انك سبتيه

    و صدقينى لو سبتيه هتندمى لما تشوفيه بيتقدم لبنت تانية و تجرى تبوس رجليه
    لأنه واضح انه راجل بجد
    و كمان ملتزم

    و ان كان على الرومانسية اللى نفسك فيها

    فكتير من الناس بتعيش قصص حب خيالية زى الاحلام بالظبط
    و لما يجوزا يطلقوا

    لأن الحب الحقيقى ينبع فى ان الانسان عايز واحد كويسة و محترمة و اخلاقها كويسة

    و الحب المعمر هو المعاشرة بالمعروف و الطيبة و مراعاه ربنا فى التعامل

    فربنا يكرمك
    و فكرى فى امرك كويس جدداااااااااااا

    و صلى استخارة
    واكلمى مع والدتك

    و فكرى ثم فكرى

    و ربنا ان شاء الله يوفقك للخيار الصحيح

    دمتى بود سيدتى

    والسلام خير الختام