السلام عليكم..
بدون مقدمات.. امي تخون ابوي.
ابوي من النوع اللي دوره بالعلاقة الزوجية بس انه يجيب فلوس، ما عنده موضوع الحب و هذا الكلام. لكن عنده موضوع الاحترام مقدس. يعني ما يحب امي او يبين انه يحبها بس يحترمها كثير، زي ما يحترم اي شخص ثاني!
وبالطرف الثاني امي، هي انسانه جدا حساسة، من النوع اللي ما يقدر يعيش بدون رجل يحسسها بانوثتها، الشي اللي ابوي يفقده.
امي عمرها ٤٠، ومن سنتين الى ثلاث سنين لاحظت انها تكلم شاب، الشاب اعرفو شخصيا لكن اعتقدت انها تكلمو كانو ولدها ، من باب العطف وكذا.. بس كان في صوت بداخلي وشك كبير حاولت قدر الامكان اتجهالهم.. مرت الايام وكشف الشاب شخصيته الحقيرة وهدد امي بالصور والفيديوهات ..الخ ، فهذاك الوقت امي قالتلي انه حصل عالصور من خلال تصليح جوالها بمرة من المرات مع العلم اني انا وامي مرة قراب من بعض.. حاولت قدر الامكان اضحك ع نفسي واصدق خصوصي ان الشاب بالعشرينات.
مرت فترة بعدين عرفت انها تحب صديق ابوي، كانت علاقة متبادلة وقالتلي عن الموضوع ، انا حاولت اكبر عقلي واعطيتها الاوك 🙁 قلت لنفسي ان ابوي مو معطيها حقها وانها انسانه ما تقدر تعيش كذا .. وصراحة اعتقدت انها علاقة حب عفيفة، لان الرجل تقريبا نسخة من امي، شاعر وحساس.. فتعاطفت مع الموضوع ..
مرت الايام وصارت تصير مشاكل بينهم، وانا كنت وسادة امي اللي تبكي عليا ، لدرجة حسيت ان انقلبت ادوارنا وصرت انا امها، تطورت المشاكل وتركو بعض. انا الصراحة فرحت داخليا وقلت الحمدلله معد يانبني ضميري.
والله ما مر شهر غير وهي تكلم واحد ثاني، من الفيس بوك! انا هنا بلشت اجن! يعني انا بالاول كنت متعاطفة معها لان كنت اعتقد انها تدور العطف والحنان.. بس اكتشفت انها ترسل صورها وتكلمه فيديو! ومو بس كذا ” كان في مكالمات +١٨” !!!!!
من بعد ما اكتشفت ذا الشي وانا الصراحة مو قادرة ابدا ابلعها، وجدا متقززة منها.. وحسيت انو انا السبب.
كان ممكن جدا اوقفها عن حدها من البداية بس الحين حتىما اقدر اقول شي لانه اولا ما عندي الجراة الكافية، ثانيا، صارت تفكر اني انا موافقة على هذا الشي، اول بالاحرى حيادية وما اتدخل بشؤون اي احد..
اسفة على الاطالة بس حسيت لازم اعطي الخلفية كلها ، مو علشان ابرر ليش اخذت صفها بالاول.. او يمكن عشان ابرر ما ادري.
ايش هو الحل السليم؟ هل اطنش واسوي نفسي ما اعرف؟
شوفي يابنتي الحبيبة امك وقعت في الخيانة ومشيت في طريق الحرام والشيطان اغواها واضلها وعمرها لن تترك هذة الخيانة مهما كانت الظروف اللي تخون مرة سهل عليها الخيانة عشرات المرة ولايمكن ان تتقبل منك نصح او ارشاد لانك ابنتها وفي نظرها صغيرة وماتعرفيش حاجة ولاتستمع لكل ماتقوليه لها ابدا الموضوع خطيرجدا ويترتب عليه سمعتكم وشرفكم جميعا انتو كعيلة واحدة لابد ان تشوفي احد من الكبار العقلاء من اهل امك جدة او خالة او خال وتصارحيه بالحقيقة حتى يجدوا حلا لخيانة امك وسلوكها المنحرف ويردعوها وتعود الى رشدها وتتقي الله عزوجل في نفسها وفيكم جميعا وتتوب الى الله وتقلع عن الطريق اللي هي سايره فيه وتحرص على صون شرفها وبيتها وزوجها واولادها وسمعتكم جميعا فاذا تعذر كلهذا ولم يحدي معها النصح او الترهيب فلاخيار امامك سوى اخبار والدك بكل ماتفعله امك من خيانة مستمرة له وهو الرجل المسوول عنها اما يطلقها فورا او يسامحها وهذا شئ يقرره والدكم اتمنى انك لاتتاثر بكل تصرفاتها المحرمة ولاتكوني مساعدة لها اكثري من النصح لها وتخويفها بالله عزوجل وتذكيرها بالموت وان الله عزوجل غاضب عليها لعل الله يهديها ويصلح حالها ولاحول ولاقوة الابالله العلي العظيم
الله المستعان الشكله كلها في شي واحد اننا ابتعدنا عن الدين قال الله وقال الرسول لواتبعنا امر الله ونهيه ماوصل بنا الحال لهذا الامر
ماان امك اصبحت تصارحك بكل شي
اقترح عليك ان تذكرينها بالله وان هذا الامر حرام
وقولي لها ياامي هل تحبيننا طبعا حتقول اكيد قولي لها طيب هل ترضي ان احدا من بناتك يسلكون هذا الطريق الخطاء طبعا لا قولي انت قدوتنا ونحنا برفع راسنا بين الناس بيك
وارشديها بن تحفظ القران وتحافظ على الصلاه
وترضى بماقسم الله لها
وحاولي قدر الامكان ان تكوني لها المستشاره الخاصه وبإذن الله سترجع الي رشدها