السلام عليكم
بصراحة انا ثقتي في زوجتي اتدمرت بعد ما اكتشفت انها محتفظه بالاكونت القديم بتاعها عالفيس بوك وفيه شباب تعرفهم في الجامعة والشغل القديم وغيرهم… ودا كان بالصدفه, ولما قولتلها افتحي الاكونت دا رفضت تماما بداعي ان في واحده صاحبتها بتستخدم الاكونت دا… وهنا كبر الموضوع وكلمت ابوها وحلفت طلاق انها لازم تديني الباسورد… وفعلا اديتني الباسورد … وكان قلبي بيتقطع وانا بشوف مراتي بتكلم الشباب دول وتقول لدا ياحبيبي ولدا يا روحي وتقول لواحده صاحبتها اديني رقم فلان عشان محتاجه اتكلم مع اي راجل 🙁 عشان جوزي برا طول النهار والليل.
اكتشفت الموضوع دا من حوالي 3 شهور وكل ما يجي الموضوع على بالي او يحصل اختلاف مابينا , عايش دايما في دوامه من الشك في المشاعر الشك في كل رنة موبايل … وصل الشك حتى في ابني اللي عنده شهرين بس … مش عارف افرح بيه من جوا قلبي بسبب اللي حصل.
بصراحة مش عارف اعمل ايه مع انها قطعت علاقتها بالنت تماما الفترة اللي فاتت وغيرت رقم موبايلها واعترفت بذنبها وقاليتلي ان السبب كان بعدي عن البيت الفترة اللي فاتت, وان الملل والفراغ كان هوا السبب .
مع العلم اني طول عمري ما صاحبت واحده متجوزه وكنت بعتبر اللي بيعمل كدا دا ملعووووون وخسيس … مش عارف ايه الحل.
أولا ماتتسرعش في اخد قرار.. زوجتك مازالت ست محترمه محافظه علي شرفها واسم جوزها وأحمد ربنا ان الموضوع مافيهوش خيانه .. هي كل اللي عملته كلام شفوي وان كان فيه تعدي للحدود بس لازم تفهم أن اي راجل وامراءه بيحتاج اللي يملئ فراغه العاطفي ونظرا لبعدك عنها جعلها تحاول انها تسمع كلمه حلوه او إعجاب من اي راجل حتي الراجل بيحب يسمع الكلام ده فما بالك بالانثي هي بالفعل أخطأت… لكن الخطأ مش كبير وماتهدش البيت بسببه وحاول تقعد معاها واقولها انك لو شفت حاجه تاني بالشكل ده هاتنفصلو كنوع من التهديد ولازم تغير حياتك معاها يعني تملئ فراغها العاطفي وتخليها تحبك بالبلدي كده تدلعها وربنا يهدي سركم
اخي ارى انك تسامح زوجتك وتصفح عنها لاجل خاطر ابنكم الصغير اللي لاذنب له فيمايحصل بينكما وانت تقول انها اعترفت بذنبها وقطعت علاقتها بالنت وغيرت رقم موبايلها وهذا شي حسن ويوكد انها تابت واتصلح حالها فمن الافضل انك تشجعها على التوبة وصلاح حالها وتحرص على عدم تركها في البيت اوالانشغال عنها بامور اخرى نعم المراة بحاجة للحب والعاطفة والحنان من زوجها واذا لم تجده عنده تقع في المعاصي والمحرمات بسبب الملل والفراغ وابتعاد الزوج عنها اتمنى انك فهمت مااقصده وتحاول تفاديه في حياتك الزوجية وتتقرب من زوجتك ام ابنك وتهتم بها اكثر من اي وقت وربي يصلح حالكم ويسترعليكم ويسعدكم في حياتكم الزوجية
اسلام عليكم ورحمة الله وبركاته
علاج الشكك في وطفلك او ولدك هو عمل تحليل بيظهر ويبين هذا ولدك او لا
بيتعمل عند دكتور
ام مرتك كان عليك طلاقه عند اكتشاف الخيانه
ام الان عليك ان تستعذ من الشيطان
وترض بما قدر الله لك فلا تطلقه
ان كتشفة هذا الطفل مش ولدك بعد التحليل طلقه
اخى الكريم أصلح الله حالكم . طبعا مفيش جدال ان زوجتك مخطئة بس أحب أنصحك نصيحة قرب من زوجتك متبعدش عنها وتتركها وحيدة وتكون انت بالنسبة لها مجرد وسيلة للاموال فقط لانها سوف تبحث عن اخر يحنو عليها ويهتم بأمورها ويسمعها كلام معسول اهتم بزوجتك وراعيها وتقرب من الله عزوجل اتمنى من الله ان يصلح ذات بينكم وحفظ لكم ابنكم وجعله ذرية صالحة