السلام عليكم
انا شاب احب زوجتي وهي تحبني لايخلو الحياة من مطبات ومشاكل تحدث بين الازواج إلى ان وقعت في محادثة مع امراة اخرى دامت خمسة أيام عبر التواصل الاجتماعي واغواني الشيطان بمحادثتها لي وانا بالغت معها وقلت احبها وهكذا واكتشفت أمري زوجتي واصبحت حياتنا جحيم وطلبت الطلاق بعد مشاجرة وهي تعلو صوتها ذهبت لبيت ابيها ولأني احبها واغار عليها ولااريد ان ادمر بيتي فأنا أب لطفلين منها فعلت المستحيل لارجاعها وبعد ايام رجعت وطلبت بشروطها انه ليس لي حق عليها فعودتها لأجل الاولاد انا قلت مع نفسي زعلانه وانا غلطان معلش حتى تهدى تنسى، لكن ما ان عدنا للبيت اصبحت لا تنظر الي وتتجاهلني ولاتطيقني حتى ان حاولت لمسها تنفر بقوة واصبحت تنام مع الاولاد بدات اعطيها كلام معسول واتفنن بالغزل وهي تطلب مني ان لااكمل حاولت لاسبوع ونصف ان اكون الانسان المثالي بالأخلاق والمعاملة والطيب ووعدتها ان لاتتكرر الغلط فأنا نادم واعتذرت لها لكن الجفاء واحد جاء يوم مازحتها وقدمت على حملها واتجهت لغرفتنا وبدات اقبلها حتى بدات بالبكاء الشديد وتقول لي توقف واياك ان تكررها توقفت لان الامر كان بشعا …انا اعترف اني غلطت وماكانت الا نزوة وتبت لله لكن ما حل قضيتي هذه فالأمر متعب لي جدا ومرهق ويجعلني افكر انني ساخسرها بيوم ما العمل يااهل الدين افيدوني.
مشاكل الخيانة الزوجية
زوجتي مات قلبها تجاهي
اضيف بتاريخ: Sunday, November 12th, 2017 في 17:16
كلمات مشاكل وحلول: الحب, الزواج, حب, زواج, شاب, متزوج
الحل بسيط بس محتاج صبر واثبات انك ما زلت بتحبها وعاوزها فعلاً لانها دلوقتى اسمحلى اقولك انها هتكرهك لو مقدرتش تلم الموضوع 😀
اولاً انت كل يومين (كل يومين يعنى كل يومين) تجيبلها هديه او حاجه كانت عاوزاها وحاول دايماً انك تخليها تصلى معاك ومعاكم الأولاد (هيبقى احساس زى الفل) من الاخر حاول تحسسها انك بتتغير
بعد ما تعملها 3 مفاجئات بالظبط اعملها مفاجئه رابعه وهى انك تاخدها وتروحوا اسكندريه (اسكندريه بالذات الستات بيحبوها)
وتقعدوا هناك اسبوع والاحسن من غير الولاد بس لو خدتوهم عادى مش مشكله
هناك بقى تفسحهم يومياً وكل دقيقه وكل ثانيه ومتحاولش تقرب منها (فاهم قصدى طبعاً +18 لانها مش طايقاك فمتزودش الطين بله)
فى اليوم التالت فى اسكندريه خودها لمكان نضيف ويستحسن المنتزه لان هناك فيه شجر وخضره وهدوء ولو حاولت تفرج عليك الناس مش هيبقى فيه ناس أساساً وهناك تقولها ده بس بطريقتك انت بقى او بنفس الطريقه (انا عاوز اقولك حاجه واسمعينى للاخر من غير مقاطعه ،، انا غلطان؟ اه غلطان وندمان وبطلب من ربنا انه يسامحنى كل اللى قولتهولها كانت سخافه منى انا محبيتش غيرك انا معرفش ليه انا عملت كده ،، بعيد عن اننا لو فضلنا منقسمين كده مش هنقدر نربى ولادنا كويس هنبقى كأننا مطلقين بس انتى برضو تهمينى وانا مش قادر اتحمل اشوفك وانتى رافضانى انتى من حقك ولكن دى اول غلطه ليا ومش هنهدم كل حاجه علشان غلطه انا معترف بيها ومتأكد انى مش هكررها ومش كلام لا! انا هثبتلك ده مع مرور الأيام تانى ، انتى عارفه انى بحبك والا مكنتش اختارت انى اكمل حياتى معاكى)
بعد ما تقولها الكلمتين دول تديها هديه ممكن خاتم او دبله فضه او دهب مش هتفرق او سلسله (هتبقى قيمتها بالنسبه ليها عاليه) وقولها ده عربون محبه مثلا 😀
المشكله انها مسكتك متلبس فطبيعي يطلع عينك علشان تصالحها 😀 صالحها ولم الدور يا عم الحج الواحد ما بيصدق يلاقى واحده كويسه بتحبه بكمل معاها باقى حياته وقبل ما تفكر فى ده كله فكر فى عواقبه
كل ده نتايجه اثبتت نجاحها وبامتياز
يااخي لاشك انك اخطات في حق زوجتك وام اولادك بوقوعك في الخيانة مع تلك المراة عبرالنت ودي تعتبر خيانة زوجية حتى لوكانت بدون علاقة لمجرد كلام فقط والحمدالله انك توبت لربك وعرفت غلطتك ونادم على ماحصل منك وربنا هو الغفورالرحيم بيقبل التوبة من عباده ويغفرويسامح عايزك تتقرب من زوجتك اكثر من الاول وتهتم بهاجيدا وتحرص على ارضاها واسعادها ولاتزعل منها او تتضايق اصبر ويستحسن انك تاخذها لقضاء اجازة في احد الفنادق او احدالمنتجعات السياحية بعيدا عن هموم البيت والاولاد وصدقني سوف تروق مراتك ويزول الخلاف بينكما وترجع احسن من الاول وربنا يسعدكم ويوفقكم ويصلح حالكم ولايحرمكم من بعض ويبارك لكم في الاولاد ويسترعليكم طوال حياتكم الزوجية
ربنا يصلح حال زوجتك
مش هقلك غير اصبر عشان انت اللي غلطت ولازم تتحمل واكيد زعلها الشديد بسبب حب اشد
ولولا انها بتحبك ما كانت زعلت لهذا الحد
ربي يهديكم وحاول ان لا تعود مرة اخري لهذا الشيئ