انا سيده عندى 28 سنه متزوجه منذ 6 سنوات ولى طفلان وزوجى رجل طيب وحنون ولكنه غير رومانسى انا عشت طول حياتى ما حاولتش احب وقلت ربنا هيعوضنى بعد الزواج فى الحلال ولكنى لم اجده انا حياتى عاديه خالص مابين شغل البيت وتربية الاولاد ولكن جوايا نفسى اشعر انى محبوبه وبيتقالى كلام في الحب وفى مره دخلت شات انا كنت عمرى ما دخلته قبل كده وفيه اتعرفت على رجل غير مصرى وتكلمنا مع بعض واتعرفنا على بعض وبقينا بنتكلم عن طريق التليفون هو عمره ما شافنى ولا انا عمرى ما شفته لكن حصل ارتياح ما بينا فى الكلام وهو بعد كام مكالمه اقسملى انه بيحبنى بجد رغم ان كان كل كلامى معاه بتحفظ شديد المشكله انى حبيت كلامه جدا وبقيت حاسه انى عاوزه اكلمه عل طول لكنى حاسه انى كده بخون زوجى ؟ اعمل ايه انا عاوزه استمر معاه وفى نفس الوقت انا مستحرماها انا محتاره جدا جدا بس لنا حاسه انى من غيره ناقصنى حاجه افيدونى ربنا يجازيكم خير وادعولى
مشاكل الخيانة الزوجية
حاسة طول الوقت اني بخون جوزي
اضيف بتاريخ: Wednesday, December 8th, 2010 في 08:45
كلمات مشاكل وحلول: التليفون, الخيانة الزوجية, الزواج, زواج, شات, كلام حب, كلام في الحب, مشاكل الخيانة الزوجية, مشاكل زوجية
طبعا انت متاكدة ان اللى بتعملية خلط
وعلشان كدة ضميرك بيانبك
بس انا احب اقولك ان اللى بينك وبين الشخص دة عمرة ماكان حب
هو بس انت عندك فراغ عاطفى حاولى تلفتى انتباة جوزك ليكى وابدائى بتعير اسلوب حياتكم
اهتمى بجوزك
وهو هايهتم بيكى
وبعدين انت بتقولى انة طيب وحنون
طيب انت عاوزة اية تانى
الرومانسية علميهالة انت
وطالما خو انسان حنون يبقى لازم تحافظى علية
احلقى جو حب ومودة بينكم
وانشاء الله ربنا يسعدكم
اختى الفاضله رجاءا قطع هذه العلاقه فوراابتغاء مرضاه لله فقط لانها محرمهشرعا وحاولى تعيشى مع زوجك واولادك بما يرضى الله وتاكدى كل ان هذا الرجل الاجنبى الذى تتحدثين معه لو انه يخاف الله ما كان يخرج من فمه كلمه بحبك الى انسانه متزوجه وعندها زوج واولاد وكما قلتى انه لا يراكى وانتى كذلك ويقول لكى ذلك وما هى عدد النساء التى احبها على النت وقال لها نفس الكلمه وعند اخذ مايريده منها ذهب الحب مع الرياح اتقى الله فى الزوج الذى يكاد ان يكون لم يتعود على كلمه احبك لا لكى ولا لغيرك وهذا ليس عيب فيه ولكن هناك رجال ثقافتهم مع الجنس الاخر قليله جدا وانتى بدورك ممكن ان تتحدثى معه وتصارحيه ربما ان يكون خجول هو ايضا فانتى ابتدى بكسر هذا الحائط بينكما وتاكدى ان الله ليس بغافل عما يفعل الظالمين فحاولى ان لاتظلميه معكى والا فانتظرى منالله من لاتحمد عقباه بسبب هذ الفعل المشين حاولى انتى ان تكونى فى مكان زوجك وهو يخونك مع أمرأه اخرى ماشعورك فى هذه اللحظه وللعلم فهو رجل ان فعل هو ذلك الناس فى بلادنا لاتنظر له النظره المشينه كما لو فعلتها المرأه والاكثر من ذلك مراعاه الله واهلك واولاد وفقكى الله فى عيشه كريمه مع زوجك واولادك وانظرى حولك الى النساء اللاتى لم يسبق لهم الزواج ويتمنوا الاقل من زوجك بكثير حتى ينعموا بما انعم الله عليكى به
اختى فى الله انت ضعيفة ومنساقة وراء عوطفك.انت ادمنت صوت الرجل لاقصى درجة حسب كلاامك .اتقى الله وارحمى نفسك وعلاجك عندك .اقطعى علاقتك بالتلفون معاه وشوفى زوجك وثقته فيك ان كنت مسلمة.
كثيرا ما يهمل الرجال زوجاتهم والنساء داما تجب الكلام الحلو من زوجها….
ولكن يمكنك أن تتفاهمي مع زوجك في تلك النقطة…..
أما المحادثات عبر الإنترنت فغير جائزة نهائيا….
سواء لك أو للشخص الآخر…..
فغير جائز التحدث مع شخص من جنس مختلف عبر النت أو التليفون أو غيره طالما في شيء غير ضروري…
أنت بهذا تخونين زوجك ونفسك ودينك وتخونين ربك……
ابتعدي عن الي بتكلميه واوعي تقولي لزوجك لانو عمرو ماحيسمحك والله ستر عليكي استري على نفسك وارجعي الى عقلك وعوضي زوجك كل خير عن الي عملتيه فيه
انا هقولك تعملى ايه ولو هتقدرى تعمليه يبقى انتى صح لو مقدرتيش اعرفى كويس انو انتى غلط والى بتعمليه هو الغلط والحل سهل انو اتكلميه بحضور زوجك هتقدرى ؟؟؟ هو ده الحل *** انتى مبتخونيش زوجك زي مانتى بتقولى بالعكس انتى بتخونى نفسك وبتخونى ضميرك وبتخونى كرامتك وبتخونى الامانه الى زوجك اعطاكى اياها وهيه حرصو على وجودك داخل منزل وهو لا يعلم ما يدور من خلفه تخيلى انتى دلوقتى لو زوجك بنفس مكانك بالله عليكى كنتى هتكونى سعيده تخيلى كمان لو زوجك عرف كده واكيد فى يوم من الايام هيكتشف لانك بتخونى عرضو وقتها هيكون مصيرك فين اكيد الشارع ووقتها اقسملك بالله انو العالم كلو هيتخلى عنك مش الانسان الى بيتصل عليكى وبس هقولك اخر حاجه وبكره تعرفى ان كلامى صادق اول ميتصل الراجل الى بيتصل عليكى قليلو انو انتى انفصلتى عن زوجك وانت لازم تنزل من بلدك وتتجوزنى لانى بحبك انتى بنفسك هتكتشفى الحل ومش هتحتاجى لتدخل من اى اراء لانو وقتها هتكون كلها وعود زائفه مره هيقولك مش عارف اخد اجازه من الشغل ومره هيقولك انو فيه عقبات فى تاسيس منزل ومره ومره يعنى بصراحه انتى عايشه وهم فى وهم استغلى الوهم ده فى تقدير الانسان الى ائتمنك على بيتو وعلى اولادو مش كتر عليكى فزي مربنا خلقلك قلب كمان خلقلك عقل تفكرى بيه وشكرا
إن ما تبحثين عنه هو ظاهر الحب وليس باطنه اصغره وليس اكبره ادنه وليس اعله وهذه هى مشكلة معظم المحبين انهم ليسو محبين ولا يعلموا حقيقة الحب .
فالحب اختى الكريمة افعال وليس اقوال إن خروج زوجك يومياً للعمل ليأتى لكى بالمال لتيسير امور الحياة فهو يعبر لكى عن حبه او عندما تمرضين ويترك كل شئ وراء ظهره ويذهب بكى إلى الطبيب ليطمئن عليكى فهو يعبر عن حبه او عندما يستمع اليكى سواء وهو فى العمل يترك العمل عندما تقومين بالإتصال به او عندما يعود من العمل منهك فهو يعبر عن حبه عندما أختارك دون نساء الأرض لكى تحملى اسمه وشرفه واسئمنك عليهم وعلى ماله فهو يعبر عن حبه حين تحمل مشاق الزواج من نفقات ووقت للحصول عليكى فهو يعبر عن حبه حينما يأتى الليل ويأخذكى فى حضنه ليشعرك بالأمان فهو يعبر عن حبه حينما أخذ بالأسباب واقدم على الإنجاب منك دون غيرك فهو يعبر عن حبه حينما ينظر إليكى دون حديث فهو يعبر عن حبه حينما قلتى انه طيب وحنون فشهد شاهداً من اهله انه يعبر عن قمة حبه فبالله عليكى بعد كل هذا تجعلى من نفسك خائنه وهل جزاء الإحسان إللى الإحسان وحتى وإن كان الزوج اشر خلق الله ولكنه مسلم فلا يستحق منكى هذا لقول الرسول صلى الله عليه وسلم ( لو أمرت احد يسجد لغير الله لأمرت الزوجه تسجد لزوجها ) صدق رسول الله صلى الله عليه وسلم .
اخيراً وليس بأخر …
الكلمات العزبه لا تبنى البيوت السعيدة فلا تغرقى فى بحر الأوهام فزوجك يحبك حباً لن تجديه ابداً
وذاك الشخص الذى تتحدثين إليه فما هو إلى لص منتهك لحرمات الله فما بالك برجل قد خان الله واقام علاقة غير شرعية عن طريق الهاتف بإمرأة متزوجة والله يا أختى ما هو إللى شيطان .
وفققى الله إلى مايحبه ويرضاه .
وكل من قراء الرد ارجوا ان يدعو معى اللهم عافى كل مبتلى مسلم اللهم استر نسائنا ونساء المسلمين اللهم ردهم إلى دينهم رداً جميلا اللهم اغفر للمسلمين والمسلمات والمؤمنين والمؤمنات الأحياء منهم والأموات إنك سميع مجيب الدعوات .
انا يشكركم جدا بس والله حاسه انى عاوزه اتكلم معاه وكل كلامنا والله ما فهوش حاجه وحشه وان هو حاول يعرف حاجه انا مش عاوزه اعرفهاله عمرى ما بقوله عليها بس هى المشكله انى بحب اتكلم معاه ومش عارفه هو ايه بالنسبه لى مجرد شخص عادى بتكلم معاه ولا صديق ولا ايه بالظبط بس انا حاسه انى مشاعرى ناحيته مش حب هو بس ارتياح وهو كمان عارف كده المشكله الكبيره انى مش عارفه اسيطر على نفسى وماطلموش وهو قالى لو انتى مش عاوزانى اكلمك انا عمرى ما هاكلمك علشان ما خربشى عليكى لكن المشكله انى عاوزه اكلمه اعمل ايه فى انا؟؟؟؟؟؟؟؟؟؟؟
انا بشكركم على كل رددودكم دى وانا والله كل الحاجات دى خطرت ببالى بس والله انا حبيته بجد وعلى فكره هو كمان متزوج وتقريبا عنده نفس المشكله المهم دلوقتى انا حاسه انى عاوزه اقول لزوجى على اللى حصل ده. وانا عارفه انى ممكن اطلق فيها وعارفه كمان انى مستحيل اكون للشخص التانى ده علشان اكيد مش هيكون فى ثقه بينا بس والله انا حبيته والشعور ده اول مره احسه بس حاسه ان اولادى هما اللى هيدفعوا التمن
عايزه اقوله لكى يرتاح ضميرى بس خايفه من العواقب اعمل ايه بالله عليكم
ابعدى عنه فورا
وابدأى مع جوزك
قال رسول الله(تعرض الفتن علي القلوب كعرض الحصي علي الحصير فايما قلب اشربها نكتت فيه نكته سوداء وايما قلب انكرها نكتت فيه نكته بيضاء)اعلمي يا اختي وانتي تتحدثين مع هذا الرجل فانتي لاتشعري بالسعاده لانك حاسه بتانيب الضمير..غير ك الحب عالنت ده بيبقي حب ظاهري بس ومش حقيقي زي المراهقه كده..ارجعي لزوجك وربي عياله وسيبك من الشيطان ده اللي هيخرب بيتك..وحاولي تغيري من زوجك وتكلميه بصراحه وماتسمحيش لحد يتغزل فيكي كده عيب وحرام .اهمتي بعياله وربيهم تربيه صحيحه يا اختي
لا حول ولا قوة إلا بالله
لازم تقطعي صلتك بهذا الرجل وحافظي على بيتك وأولادك قبل ما يتحول الموضوع من الشات والتليفون إلي الزيارات المنزلية ووقتها مش هينفع اي ندم وهتخصري بيتك وأولادك وفي نفس الوقت الشخص ده هياخذ ألي عاوزه ويدور على واحده تانيه على الشات ده من رابع المستحيلات ان يحبك هو عاوز غرض معين وبعدين يشوف غيرك توبي إلي الله واهتم بتربية اولاد وطاعتك لربك
كلمة واحدة بس اتقى الله فى عرضك وشرفك وزوجك ال إنتى فيه دا حراااااااااااااااام وذنب يستحق توبة ومن أهم عوامل قبول التوبة أولا توفر الندم ال ملاحظة منكلامك بإحساسك بالخيانة لزوجك ويتبقى أهم عامل هو قطع الشات مع هذا الرجل ولازم تبعدى عن محادثة الرجال لأن حرمانك العاطفى هيوقعك فى مثل ذلك مع غير ذلك الرجل ان استمريتى فى محادثة الشات واتقى الله لأنك بإيدك سعادتك.إ بحثتى فى مميزات زوجك مش مجرد البحث عن عيوبه لأن مفيش راجل فى الكون يقدر يرد حنان متدفق من أنثى فما بلك إن كانت زوجته وأم أولاده اتقى الله واقلعى عن ذنبك
بسم الله الرحمن الرحيم والصلاة والسلام على خير الخلق سيدنا وحبيبنا محمد صلى الله عليه وسلم احب ان ابلغك بانك وقعتى بين براثن ذئب بشرى يستغل نقطة ضعفك ليصل الى غرضه الدنيء فقط واليك ان تحكمى عقلك كيف يحبك وهو يعلم بانك زوجة وام لاطفال ولا ينصحك هو بالابتعاد عنه اين هذا الحب وهو يعلم بانه بفعلته هذه يخون اخ مسلم له اين الحب وهو يسير فى تدمير اسرة امنة ليس للزوج او الاطفال ذنب فى قصة الحب الوهميه هذه ارجعى الى صوابك وتذكرى ربك وحافظى على صلواتك والجائى للقران واطلبى من زوجك كل ما تردين فهو وكما ذكرتى انسان طيب والطيبون للطيبات والله الموفق
فكرى فاولادك اهم شئ هل انتى كدة زوجة صالحة تستحقين انهما يقولولك يا ماما
انت فعلا ناقصك حاجه ناقصك انو ايمانك يزيد بالله وخوفك منه احمدي الله ان زوجك لا يخونك ومع الاسف انت تخونيه هي يااختي تبدا بمكالما ت وتنتهي للهاويه الله يستر عليكي تعقلي وارضي الله انت كوني رومانسيه مع زوجك واجعلي حياتك جميله هناك مشاكل قويه ونكبات تقف فيها الزوجه مع زوجها ولا تفكر مثلك انت ناضجه احمي بيتك واطفالك وزوجك الي يثق فيكي فكوني عند حسن ظنه وارضي الله به
اتقى الله
فانت مع رجل محترم زوجك
وابتعدى فورا عن هذا الشيطان وغيرى رقم هاتفك وحافظى على اطفال وزجك وحاولى تكونى انتى وزوجك اصدقاء
لا اله الا انت سبحانك انى كنت من الظالمين
اختى ارجو منك الاستعاذة باللة من الشيطان الرجيم ومهما الانسان التانى دة بيحسسك انة بيحبك فاعرفى انها علاقة محكوم عليها بالفشل لانة عارف انك متجوزة وعلشان ان جوزك مش بيحسسك بالحب يعنى تعملى شات وتليفون لاء طبعا مش هو دة الحل حاولى تقربى من ربنا وتستغفرى ربناواتكلمى مع جوزك بالراحة وبهدوء وحب وتفاهم وحافظى على بيتك وربنا يهديكى واللة المستعان
سيدتى لا يوجد شئ فى الدنيا لايمكننا الاستغناء عنه و التكيف مع حياتنا بدونه ، تقولى انك تريدى الاستمرار معه فى هذه الحالة اطلبى الانفصال عن زوجك و افعلى ما تريدى اما انتى تريدى الاثنين الاستقرار و المظهر الاجتماعى و الاولاد و الزوج المحترم و لكنك لا تكتفى بذلك بل تريدى العشيق ايضا كونى شجاعة و اختارى الذى تريديه و تحملى تبعاته مهما كانت و التى فى اغلب الظن ستؤدى بك الى فقد كل شيء فهذا الحبيب لايريد الا علاقة جنسية بلا التزام و لن تكونى يوما محل ثقه منه ليتزوجك توبى الى الله قبل ان تقابليه وانتى زانية
ايتها الام الفاضله ؟ ايهتا الزوجه المخلصه؟؟ تفتكرى انت تستحقين هذه الالقاب ؟ انت على الشات والموبايل (انت مع الشيطان ) الذى جعلك تخونين زوجك والامانه الزوجيه التى فى عنقك – عاملى زوجك وتكلمى معه نصف كلامك مع هذا اللص الذى تتحدثين معه – صدقينى ستجديه انسان اخر ولكن فى الحلال وبرضا الرحمن – ربنا يهديك
السلام عليكم ورحمة الله وبركاته
أختى الكريمه أنتى ذكرتى انك مستحرمه العلاقه دى فميش داعى انى أذكرك بجرم وحرمانيه اللى بتعمليه ولكن للأسف شيطانك مسيطر على تفكيرك فحاولى ان تطردى الوساوس اللى فى دماغك واحب اقولك حاجه الانسان الغير محترم اللى بيكلمك لازم طبعا يقولك كلام حلو عشان تتعلقى بيه ويستمتع بيكى ولكن لو انتى زوجته مش هتلاقى الكلام بالشكل ده لكن هو بيسعى انك تتعلقى بيه عشان يتمتع بيكى لفتره وصدقينى دلوقتى بيكلمك بكره هيقولك عايز اشوفك على الكام بعدها هيبدأ يطلب حاجات تغضب ربنا
فلذلك عليكى بالاستعاذة من الشيطان وتذكرى الله سبحانه وتعالى واتقى الله فى زوجك وأولادك
وانا بعتب عليكى انك مش بتصارحى زوجك باللى انتى محتاجاه اتكلمى معاه واطلبى منه أى شىء بدون خجل لانكم اقرب اتنين لبعض (ولا تجعلى الله أهون الناظرين اليكى)
أرجوا التواصل
عزيزتى احمدى الله على النعمة اللى انتى فيها انصحكى بأن لا تنساقى وراء الاوهام اتقى الله فى نفسك وفى اولادك وفى بيتك وفى زوجك
واحمدى ربنا على كل ذلك
من الواضح انكى انسانه محترمة جدا ولكن لم تعيشى فترة مراهقتك ارجو ان لاتكونى مراهقة فى الكبر
وحافظى على زوجك
وفقكى الله لما فيه الخير
الأخت العزيزة بصدق أتقى الله في زوجك وبيتك واطفالك لا تحاولي ان تبرري تصرفك هذا بشتى الطرق
الحمدلله والصلاة والسلام علي سيدنا محمد وعلي آله وصحبه وسلم :-
اقسم بالله أنا متأكد أن ده مو حب ده أخرته متعه جنسيه فقط ؟؟؟ وليا طلب عندك غستمري معه وشوفي هيمارس معاكي الجنس تلفونيا ولالا ويتمني يحضر ليكي علشان يمارس حقيقي المتعه الحرام 00 اتقي الله في نفسك وفي زوجك؟؟ هذا ليس حب هذا متعه وانا متأكد والايام بيننا
أختي الفاضلة :
اعلمي أن الحلال بين وأن الحرام بين فأنت اسألي نفسك لو أن زوجك هو الذي يفعل ذلك مع امرأة أخرى ماذا تفعلي كما اعلمي ان زوجك ليس له ذنب في مدى اسائتك لنفسك وله واعلمي أن هذا الرجل الذي أنت مرتاحة له ما هو إلا شيطان رجيم يحاول استغلال سذاجتك وطيبة قلبك ويحاول استغلالك أسوأ استغلال فاحذري من تلك المكالمات واقطعيها فورا واشغلي نفسك بعيد عن هذه المكالمات المحرمة فالله لا يرضى بذلك وأنت سيدة محترمة ولك أولاد فانشغلي بتربية أولادك وبطاعة الله تعالى ولا تقربي تك المكالمات المحرمة التي سوف تؤدي بك في النهاية إلى الفضيحة في الدنيا والعذاب في الآخرة هداك الله إلى ما يحبه ويرضاه .
أختاه اتق الله في نفسك أولاً وفي زوجك أولادك ، واعلمي أنا الشيطان يزين لك هذا العمل حتي تقعي في المعصية ومن ثم يفرق بينك وبين زوجك ويضيع الأبناء ، فعليك أن تقطعي صلتك فوراً بهذا الرجل فهو لا يتقي الله فلو كان يتقي الله لما أقدم على فعله هذا ، ويجب أن تمتنعي تماماً عن الدخول على الشات فهو مصيبة كبري ، واعلمي أنه ممما طال عمرك فلابد من لقاء الله واعلمي أنك مسئولة بين يده عزوجل فلتعدي للسؤال جوابا ولتعدي للجواب بيانا ، هدانا الله وإياك .