عندي 46 سنة وزوجتي 40 سنة وعندي طفلين احدهم مولود باعاقة ” مبتور الذراع الايسر ” حياتي كانت ماشية عادي عايشين ولادي في مدرسة خاصة وشاطرين وامهم متباعاهم كويس وبعد كده لظروف معينة نقلنا من بيتنا القديم لبيت جديد ونقلنا الاطفال ورحنا لمدير المدرسة علشان نوجه عنايته للطفل اللي عنده المشكلة وهو راجل كبير 64 سنة وشكله محترم ..المهم مراتي كانت بتابع الولاد في المدرسة ودروسهم وانا مديها الثقة لابعد حد فيها وفي نفسي لحد ما جالي يوم على الماسنجر رسالة بتقولي مراتك على علاقة بمدير المدرسة .. في الحقيقة انا ما صدقتش وكلمتها وقلت لها بصي انتي بتعملي مشاكل مع المدرسين في المدرسة .. وحد اكيد حب يعمل لك مشكلة وهي وافقتني وقالت لي منهم لله عايزين يخربوا بيتنا وكده ومشي الموضوع وانا قلت ده كلام فاضي لحد ما اكتشفت فعلا بالصدفة انها بتكلمه وكتير جدا وشفت جزء من الشات بينهم .. حصل اللي حصل خناقة وضرب وجبت اهلها وهي بتحلف ان ما فيش حاجة مجرد انها بتجاريه علشان خايفة على اولادها في المدرسة وعلشان يخلي باله منهم هناك مع العلم ان ولادي متفوقين وانه كبير ومتصابي وما فيش اكتر من كده .. انا اتفقت مع اهلها على الطلاق بس الولاد طبعا عايزين يروحوا معاها ومش عارف اعمل ايه ؟ انا في كرب .. قريت اراء كتير لناس بتقول اغفر وناس طلق وناس اهجرها بس سيبها تربي عيالها في البيت وانتوا جوا البيت كانكوا مطلقين بس قدام الناس عادي علشان خاطر الولاد .. وانا مش عارف انام من التفكير وهل ده اخر الموضوع شات بس ولا فيه حاجة تانية طبعا هي بتحلف ان ما فيش اكتر من كده بس انا حموت مش عارف هل فيه اكتر هل فيه حد تاني كمان .. ما انا كنت مديها الثقة بلا حدود .. مش عارف اعمل ايه
خليها في البيت تربي ولادها بس
شوف يااخي ارى انك تسامحها على ماحصل منها علشان خاطر اولادك حرام لاذنب لهم فيما يحصل بينكم من مشاكل وخلافات واطلب منها تقطع علاقتها بهذا مدير المدرسة نهايا وللابد وخليك مهتم انت بالاولاد وبلاش تروح هي للمدرسة دول اولادك لازم تراعي ربنا فيهم وتعطيهم شي من وقتك والعفو والمغفرة من شيم الكرام سامحها واصفح عنها واعطيها فرصة اخيرة لاجل يتصلح حالها وتحرص على استقرار حياتها الزوجية وربنا يستر عليكم ويكفيكم شر شياطين الانس والجن ويبارك لكم في ولادكم ويؤفقكم ويسعدكم في حياتكم