انا كنت متزوجة قبل كده وبعدين حصل مشاكل وعرفت واحد تاني حبينو اوي وهو كان بيقول ليا انا بحبك وبيحبني اتجوزته رغم المشاكل الي قابلتنا بعد كده رضانا الله بمولود ولد وبدء يتغير مش زي الاول وبدأ يشتمني ويقل ادبو عليا وانا كنت بستحمل اهاناتو ليا من اجل الطفل بعد ذلك بدأ يخوني وأكتشفت الامر وقلت ليه انا عرفه كل حاجه لاكنو عادي بنسبالو يا ريت وكمان اهلو اتدخلو في حياتنا وبوظوها اكتر ما هيا بيظه ارجوكم شوفولي حل بصرعه وشكرا ليكم
مشاكل الخيانة الزوجية
الخيانة الزوجية بكل انوعها وظلم زوجي
اضيف بتاريخ: Monday, January 3rd, 2011 في 19:03
كلمات مشاكل وحلول: الحياة الزوجية, الخيانة الزوجية, متزوجة, مشاكل زوجية, مشاكل زوجية, مولود
سيدتي هل تريدي ان تكوني مطلقةللمرةالتانية في حياتك وهل تقبلين بكل كلام الناس عنك وانك ست مش ناجحةفي حياتك وانك فاشلة في التعامل مع ازواجك السابقين وانك وانك الخ —–دول ممكن يطعنوافي شرفك انت ويحطواللوم عليك لانك ماعرفتيش تحافظ على زوجك والعيش معه فكري بتروي وحكمة واوزني الامور جيداقبل الاقدام على شي تفعليه لتخسري حياتك وتهدمي بيتك وفي الاخرتكوني الخاسرةالوحيدةمسالةخيانةزوجك ده مرفوضةتماماولاحديتقبلهااطلاقا لكن ابحثي عن الاسباب التي خلت زوجك يخونك جايز تكوني انت مهملة في حقوقه الزوجية ومقصره فيهايعني مش مهتمه في لباسك وتجملك وتزينك له ماتعطيه وش حلو اوكلام رومنسي وعاطفي اوماتخليه يستمتع معك في الجماع ودايمانفسك مضايقة معه اثناءالمعاشرةالزوجية وغير مهتمه باكله وملابسه وتنظيم البيت اوكثيرة السرحان والتفكير امامه اوالخروج من البيت بدون علمه اوزياراتك للاهل والاصدقاءبكثرة كلهذةالحالات لوهي موجودةفيك من حقه التضايق والتفكير بامراةاخرى يجدعندهامالم يجده عندك انت يازوجته وتاكدي لوانك عرفت العيوب فين والخلل موجودفين وعالجتيه بسرعةوغيرتي من نمط حياتك الزوجيةمع زوجك للافضل صدقيني تقدري تحفظي زوجك ويرجع لك احسن من الاول وتلاقي السعادةوراحةالبال اللي تدوري عليهاوربي يهديكم ويسترعليكم ويديم عليكم السعادةالزوجية
أنا مع رأي الأخ فارس جازاه الله كل الخير .. الطلاق ده منفكرش فيه الا لو لجأنا لكل الحلول الممكنة ولم تكلل المحاولات بنتيجة وإنتى مشكلتك بسيطة.. إبدأى بنفسك أولا وحاسبى نفسك بمنتهى الصدق هتلاقى فى أكيد تقصير تجاه زوجك.. مش هنضحك على نفسنا أي ست ربنا بيرزقها بمولود بتديله اهتمام اكبر من الزوج وحتى نفسها.. لكن الست الذكية هى اللى تحاول تدى لنفسها ولزوجها ولو ساعة فى اليوم او كل يومين، تشوف هو بيحب أيه تعمله وايه بيكرهه متعملوش علشان لو هي مش مقصرة ناحيته تقدر تقول وتتكلم وتحاسبه.. ولو شايفه انه بيبص لغيرك إملى عينه وشوفى أيه اللى عجبه فى الست دى وضيفيه لنفسك .. هو لو شافك كده هيتكسف من نفسه وضميره هيأنبه لو فكر يعاملك وحش او يعمل غلط.. صدقينى بأيدك تخلى زوجك ده كالطفل مش هيرتاح غير فى حضنك.. أحتضنيه زي ما بتحتضنى طفلك وأحتويه وصاحبيه خلى يحكيلك لو حاجة مضيقاه والله هتبقى حياتكم مفيش أجمل منها.. أي راجل فى الدنيا مش بيطلع برة بيته إلا لو مفتقد الحضن.. الحنيه.. الاحتواء والدفئ وبالتالى بيدور عليهم برة .. أختى فى الله أسأل الله أن يهديكم ويصلح مابينكم آمين يارب العالمين
بصى حاولى معاه بانك تخليه مش محتاج يبص لواحده غيرك يعنى دلعيه وامتصى غضبه لو زعق وحاولى تعملى كل اللى تقدرى عليه عشان ترجعيه حضنك تانى ولو لاقتيه خاين ومدمرك نفسيا ومش لاقيه حل ميهمكيش من كلام الناس خدى موقف وسيبيه محدش حينفعك لو جرالك حاجه من زعلك وهو حيجيب غيرك تربى ابنك بصى لمصلحتك ومتفكريش فى الناس
شوفى اياكى والبحث عن الطلاق لانو هيكون للمره الثانيه وبكده هيتقال عنك كلام كتير وكمان متدخليش حد باسرارك الزوجيه اعتمدى على ذكائك فى التصرف ارغبى زوجك فى انوثتك خليه يعمل الى هو عايزو فى الاخر هيجيلك انتى بس لازم تحسسيه انك بتحبيه كتير مش بالكلام بتصرفاتك بافعالك باعتنائك بيه اياكى من مواجهتو بافعالو الغلط والى فيها خيانه الك دى فتره وهتمر لو حس باعتنائك بيه واهتمامك بيه وقتها هيعرف ان سر النجاه بين احضانك انتى المراه الذكيه الى تتعامل فى الامور دى بحكمه وموضوعيه ومتتخيليش انو الى بيدخل بين الزوج وزوجتو بيصلح بالعكس بيزيد المبله طين وزوجك واضح انو من النوع العنيد فصعب يكبر لاحد الى زي ده بيتاخد بالحكمه والتروى حتى لا تكونى عرضه للطلاق الثانى والله اعلم الى جاى هيكون ايه وشكرا
لو ماقدرتي تعيشي معاه خدي قرار بالانفصال لانه العيشه اكده هاتبقه صعبه جدا جدا وانتي من نحيتك حاولي معاه وشوفي ناس تدخل بالخير ولو مافيش فايده يبقه اخرجه بالمعروف
حبيبتي أنا رأي إنك تحببيه في حكايه إننا عائله ولنا خروجتنا وبنحب بعض أوي وبنلعب مع بعض واليوم دة لينا وبكرة ليك إنت وأصحابك وكدا ودايما قصري زيارتك لبيت أهله يعني السلام ونطمن وكدا بس عزومه ملهاش داعي مش لازم لأنهم حيأثرو كثيير عليه وحاولي تخرجي معاه في مول وكذا حببيه في المسؤليه إذا مرض الواد مش تأزمي المسأله عادي إنشالله يخف وكدا
خليكى ست ذكية والجئى لحيل الثعلب مثلا اكسرى عينو فى السرير وخلية قدام نفسو مبيعرفش وبينيلو انه مقصر جدا وانتى لسة مش استكفيتى وان شاء الله هتنكسر شكيمته الى حد ما
كما تدين تدان
اكيد ظلمتى زوجك السابق
الله يمهل ولا يهمل
اتقى الله وعليكى بالاستغفار
اتكلم معاه وحولي تجدبيه ليكي خدي وقت مناسب وتكلمي معاه دكريه ايمك الجميلة وكل شيئ اعرفي السبب الدي جعله يتغير معكي ومن تم راح تعرفي الحل ممكن تكوني قصرتي فتعملك معاه وكان كل همك هو الطفل بدي ادكرك ان الازواج في بعض المرات يغرون من ابنائهم والله عشان بيشوفو ان كل شغل الزوجة فقط على الابنائها
المهم الله يوفقك
السلام عليكم يااختي يمكن انتي اتغيرتي مع المولود بطلتي تهتمي بيه علشان كده هو اتغير حولي انتي تهتمي بيه اكتر وفكريه بالايام الحلوه والزكريات الحلوه واديه كل حقوقه وغيري من نفسك علشان ما يابس برا والله يوفق
السلام عليكم اولا ربنا يهدية ليكى ان شاء الله ويبارك فى طفلك ثانيا طالما بدء فى اهانت ابداى حذرية انك هتعرفى حد من اهلك وتدخلى كبير لانك لليكى ظهر واهل يقدروا يدافعوا عنك طول ما شايفك ساكتة ومش بتكلمى هيزيد خصوصا انة متاكد انك بتحبية ومش هتقولى لحد انا رايى انك تكلمى حد من اهلك يتصرف معاة دة لو ان محاولاتك كلها نفدت فى تغييرةيبقى لازم يعرف ان ليكى كبير ويقدر ياخد حقك ودة من تجربة حصلت قدامى وبعدها الزوج دة بدا يتردع ويعمل حساب لاهلهاوالافضل تروحى عند اهلك شوية وهما بيتصرفوا معاة عشان يعرف قيمة بعدك عنة وعن بيتة وربنا يهدية ويوفقكم يا رب