السلام عليكم ورحمة الله وبركاتة انا سيدة متزوجة من 4 سنوات
عندى ولد وبنت زوجى اول الزواج فضل معايا فترة حوالى سنة وبعدين سافر وسابنى محدش معايا خالص اهلى على مسافة بعيدة عنى وماليش اختلاط بحد قد كدة مالقيتش غير النت وزوجى بيكلمنى مرة واحدة فى الاسبوع لانة مش فاضى دخلت شات واتعرفت على ناس وشباب مش عارفة عملت كدة ازاى واتصرفت كدة ازاى شوفت ناس وشافوا صورتى وفتحت كام وفى ناس قولت لهم على بيانتى الحقيقية وبعت لة صورة ليا بس هو حلف ليا انة مسحهاومستحيل يعمل بيها حاجة حتى لو كانت عندةوقابلتة الشاب شوفتة مرة بس كنا برة وكنت فى المرة دى رايحة المكان الا هو فية عشان اخلص ورق لاختى من الجامعة وطلب منى يشوفنى وشافنى بس وحياة اولادى بالله عادى لما شوفتة ولا حسيت باى حاجة ناحيتة ولا اى حاجة لا مسك ايدى ولا اى حاجة الموضوع كلة كنا برة وراح الجامعة معايا سحبنا الورق ورجعت معرفش حتى انا عملت كدة اازاى بقيت جاية مصدومة من الاحصل روحت اتعالجت عند دكتورة نفسية اخدت فترة كبيرة علاج وجلسات محدش يعرف غير اقرب صديقة ليا المهم بطلت شات وبطلت نت وغيرت رقمى توبت وندمانة كتيير يا رب يقبل توبتى ومش يفضحنى مش بقا كل همى الا بيتى واولادى وبالرغم ان لسة النت موجود بس الحمد لله بستنى اليوم الا زوجى يتصل بيا فية لكن دايما يجيلى هاجس ان ربنا هيفضحنى باى طريقة ان زوجى يعرف الشاب دة صدفة ان حد يعرفنى او ان ربنا يكشفنى ساعات بفكر اعترف لزوجى على الاحصل وطبعا لة حق فى اى رد فعلة يعملها ان بحبة اوى اوى اوى ومعرفش عملت كدة لية خايفة حياتى تدمر فى اى وقت بسبب الا حصل مع انى والله ندمانة الموضوع بقالة فترة بقالة تقريبا سنة منتهى بس تعبانة وخايفة ربنا ينتقم منى بسبب الا عملتة حتى لو ندمانة وتوبت لة ارجوكم حد يساعدنى ويطمنى ان كل حاجة هتبقا تمام ولة اقول لجوزى ولة انسى ولة اعمل اية ميرسى ليكم على اى رد!
مشاكل الخيانة الزوجية
دايما يجيلى هاجس ان ربنا هيفضحنى
اضيف بتاريخ: Friday, April 27th, 2018 في 05:37
كلمات مشاكل وحلول: الجامعة, الزواج, النت, بنت, زواج, شات, صور, متزوجة
لو ملمسكيش توبي لربنا وربنا هيحفظك لكن لو خنتي شرفك وزوجك والامانة اللي ربنا اعطهالك كما تدين تدان وربنا يستر عليكي وعلينا
إذا ربنا سترك وأراد لك الستر،، حتفضحي حالك ليه!!!؟
ولا تقولي لجوزك ولا لنفسك حتى ،، انسي اللي حصل وعيشي حياتك طبيعية ولا
كأن شيئ حصل …. وثانيا : الله يسامح جوزك فالخطأ خطأه انه يسافر عنك فترات طويلة
وهذا في الاسلام لايجوز …لا يجوز ان يترك الرجل زوجته فترة طويلة فالمرأة لا تطيق ذلك.
حيث ورد ان عمر بن الخطاب سأل ابنته حفصة: كم أكثر ما تصبر المرأة عن زوجها؟ فقالت: ستة أشهر، أو أربعة أشهر، فقال عمر: لا أحبس أحداً من الجيوش أكثر من ذلك.
وعليه، فلا يجوز له الغياب عن امرأته أكثر من المدة المحددة في حديث عمر إلا بإذن الزوجة.
الاخت العزيزة طالما انك تايبة توبة صادقة لله عزوجل ونادمة على ماحصل منك فالله عزوجل هو التواب الرحيم يقبل توبة عباده وهو الغفور الرحيم استري على نفسك ولاتخبري احد بماحصل لك وحافظي على حياتك الزوجية وبيتك واولادك وصوني شرفك وسمعتك وسمعة زوجك واولادك وابعدي تماما عن النت فهو سبب خراب البيوت العامرة واياك والرجوع الى ماكنت تفعلي في الماضي والحمدلله انك عرفت غلطتك وتوبت ونادمة على ماحصل منك واهتم بزوجك وتواصل معه عبر النت والموبايل حتى تسعدي نفسك واصبري فالصبر مفتاح الفرج والمراة العاقلة تعرف تصون شرفها وبيتها وزوجها واولادها والله يسترعليك ويصلح حالك ويرد زوجك لكم بالسلامة ويبارك لك فيه وفي اولادك ويؤفقكم ويسعدكم ان شاءالله
من تاب تاب الله عليه. ،،،اوعى تجيبى سيره لحد نهايا. خلى الموضوع ده بينك وبين نفسك بس. اكبر غلط لو قلتى لزوجك ،،طووول عمره هيشك فيك. ىكمان ممكن يطلقك. ،،، انت غلطى. وندمت. وتبت. ، والحمد لله انك ممكن تكونى هتغلطى اكتر من كده بس ربنا. انقذك من الوساخه اللى كنتى هتدحرجى فيها. احسن حاجه تلغى النت خالص. وتخلى زوجك يكلمك من بره ع النت تليفون بس مش ع اى برنامج تانىى،،،