السلام عليكم
انا………. عندي 25 سنة متجوزة من سنتين وعندي بنت عمرها سنة و4 شهور بدأت مشكلتي لما اتخطبت كنت بدخل علي صفحة خطيبي ع الفيس بوك لقيته باعت رسايل تعرف علي بنات علي النت بس تاريخها قبل ما نتخطب وقتها كنا لسة مرتبطين احنا ارتبطنا شهرين قبل الخطوبة وا جهته انكر وقالي انه بيهزر مع صحابة وصحابة عاملين اكاونتات بأسامي بنات المهم عديت الموضوع عشان كنت بحبه ومش عايزة اخسره وبعد الجواز لقيته لسه بيدور علي بروفايل حبيبته الاولانية وعملت كذا مشكله بيقولي اذا كان ده مش اسمها وبعدها اكتشفت انه فعلا اسمها سافر بره بعد جوازنا ب 3 شهور بعد سفره بشهرين عمل اكاونت جديد غير اللي عنده اللي احنا اتفقنا انه ميضفش بنات عليه ده اكتشفته من فترة قريبة وضايف عليه بنات كتير وجروبات مش محترمه وبنات مش محترمه طبعا المشاكل كلها كانت بينا ومحدش يعرف بيها لحد ما فاض بيا وريت لبابا موقع ضايف عليه بنات وييقول ان دول صحابه ف المدرسة اللي بيتعلم فيها لغة البلد اللي راحها بابايا كلم باباه للاسف معملش اي حاجه لان اهم حاجه عنده ابنه يفضل مسافر ويجيب فلوس مش مشكلة هو بيعمل ايه وامه نفس الكلام نزل اجازتين ف فتره سفره اخرها نزل بسبب مشكله بردو عشان هو كان بيقنع اهله انه مش بيعمل حاجه لانهم مش فاهمين حاجه ف النت ومش هيلاقو حاجه وقبل ما ينزل بكام شهر لقيته بيقولي انا بقي هضيف بنات وهتصور معاهم كمان وفعلا عمل كده نزل اجازته الاخيرة واتفقنا انه مش هيرجع للكلام ده تاني وهيكنسل اي اكاونت تاني عمل كده اول يومين بس اللي فيهه داء مش بيبطله مسح انه متجوز ورجع الاكاونت تاني وطبعا عليه بنات وللاسف لسه بيكلم بنات بس خلاص مبقتش قادرة اتكلم لاني لو اتكلمت هيطلقني وانا عندي بنت مش عايزة اظلمها وكل ما يحصل مشكلة يهددني بالطلاق بطلت اعمل مشاكل بس انا تعبانة ونفسيتي متدمرة انا اجمل منه مليووون مرة وشيك جدا بس هو مريض ومعندوش ثقة ف نفسه عشان هو شكلا مش حلو بنتي نقطة ضعفي وخايفة من لقب مطلقة انا بشتغل ومش عايزة حد يبوصلي بنظرة ملهاش لازمة بجد مبقتش قادرة احترمه وخايفة ربنا يعاقبه ف بنته وتطلع زيه هموت من التفكير ومش عارفة اعمل ايه محدش يقولي ادعيله بالهداية انا بدعي عليه ليل ونهار ودعوتي مستجاابة الحمدلله كل شوية يحصله مصيبة ومستنية ربنا ياخده عشان يبقي بعدت عنه من غير كلمة طلاق وانتبه لحياتي وابدأ حياه جديدة علي فكرة هو خلاص راجع يستقر هنا بس انا من جوايا قرفانة منه وحاسة اني مش طايقة اقرب منه قولولي اعمل معاه ايه بالله عليكم
مشاكل الخيانة الزوجية
بدعي على زوجي ليل نهار ربنا ياخده
اضيف بتاريخ: Friday, November 23rd, 2018 في 01:45
كلمات مشاكل وحلول: الفيس بوك, المدرسة, النت, بنات, بنت, متزوجة, مطلقة
اولا- عايز ارد على المدعوة-شابة – الدعاء على الظالم جائز شرعا والمراة دي اتظلمت من جوزها الخاين وعلاقاته المحرمة مع البنات عبر النت مش ده ظلم وقع عليها واصبح ظالم لها فمن حقها تدعي عليه ثانيا- الى الاخت صاحبة المشكلة ليه خائفة من الطلاق مع انه نجاة وخلاص لك من الحياة مع شخص كهذا لايخاف الله عزوجل ولايقدر الحياة الزوجية ولايصونها وعمره لن يتغير او يبطل خيانة ولاعاد يجدي معه الكلام والنصح اصبحت حياتك معه جحيم لايطاق وابنتك الصغيرة سوف تتاثر بكل هذة المشاكل والخلافات بينكما فمن الاحسن انك تطلقي منه وربنا بيعوضك ويكرمك بحسن منه ان شاء الله
عزيزتي انتبهي لنفسك ولا تدعي عليه لأنه اعرف امرأة كان زوجها يضلمها فكانت تدعي عليه دائما بالموت، هل تصدقين أن ابنتها توفت بدل زوجها!.فلذلك عيشي حياتك واهتمي ببنتك واستمتعي باوقاتك واخرجيه من بالك.
شوفي يابنتي العزيزة انت واهلك من الاول غلطانين لما وافقتوا عليه من غير ماتاكدوا من دينه واخلاقه واهله وتسالوا عنه جيدا خلاص الان ماعاد يجدي اللوم والعتاب تزوجت منه وعندك بنت صغيرة ربنا يخليها لكم كل تصرفاته دي حرام في حرام وربنا عزوجل لن يؤفقه في حياته وانت فعلا مظلومة معه وربك لن يسامحه على كل مايفعله بك من خيانات زوجية متكررة مش بكيفه انو مايطلقك بعد كل البلاوى اللي بيعملها معاك لازم تعرفي الشئ ده وتقدري تروح للمحكمة وتطلب الطلاق منه لرفع الضرر عنك حتى لو تطلب الامر الخلع اخلعيه من حياتك وعيش حياتك عنداهلك حتى يكرمك المولى عزوجل بالزوج الصالح اللي تكمل حياتك معو وتلاقي الخير والسعادة والاستقرار معه طوال عمرك وتلزميه بالنفقة الشرعية لبنتك الصغيرة فده حقها اياك ان تفرطي او تتساهل معه في هذة الحقوق ومسالة الدعاء عليه فانت مظلومة ومن حقك الدعاء على من ظلمك ولاشئ عليك في هذا شرعا
لازم توقفي الدعاء على أي انسان بالشر لأنه سوف يمنع عنك الخير حتى أنتي ، مستحيل تدعي لإنسان بالشر ولنفسك بالخير وتشوفي خير الا زي ما تدعي به للناس ،ادعي دائما بالخير للناس ولنفسك، أو لا تدعي له بالهداية لو قلبك ظايق منه وكذلك لا تدعي عليه ،والديه واهله يدعو له ودعائك انتي لن يستجاب لك بالشر الا ولك بالمثل ودعائك عليه لن يضر احد اكثر منك ويمكن ينتقم منه ومن بنته ،اتركي الدعاء بالشر للأبد لن تنالي منه الا شر منه ،واذا كنتي وصلتي الى هذه الدرجة من كرهه واصبحتي لا تطيقيه لماذا باقية مرتبطة به اوتأتي لبيته وتدعي عليه انتي لست اخته مربوطه به بالدم والنسب والرحم انتي زوجته كل ما يربطك به ينتهي بكلمة وتصبحي غريبة عنه ،اذهبي لبيت اهلك واطلبي منه تطليقك ولا تدعي على انسان لا يعنيك من امره أي شيء،