مشاكل الخيانة الزوجية

خيانه زوجى وواكتشفت خيانه حماتى لزوجها

انا متزوجة وعمرى 22 سنه متزوجه من 3 اشهر جوزى هو ابن خالتى كان مسافر برا ورجع اتجوزنا على طول اتجوزت من غير اى حاجه وعشت عند امه وقعد معايا اسبوع وسافر والمفروض انو يبعتلى اسافر بعدها بشهر بس لقيته بيقولى ما بحبكيس وعايز يسبنى لانه بيحب واحده تانيه وفي نفس الوقت مش عايز يخسر حاجه سايبنى كدا متعلقه وجت مشكله تانيه انى عرفت ان حماتى بتخون جوزها ولما عرفت حماتى بقت توقع ومش عايزانى اعيش معاها ولمت هدومى وطردتنى ورحت عند اهلى وهو بيقول مش عايزها ومش هيطلق لحد ما اتنازل عن حقي وبصراحه مش عارفه اعمل ايه

مشاكل وحلول ذات صلة

اضيف بتاريخ: Thursday, March 24th, 2011 في 12:09

كلمات مشاكل وحلول: , , ,

21 رد to “خيانه زوجى وواكتشفت خيانه حماتى لزوجها”

  1. ابوالبتول
    22/09/2016 at 08:25

    اختي لو كنت صادقة في كل ماقلت عن هذي العائلة زوجك وحماتك امه وان زوجك خاين وامه كذلك تخون زوجها فمن الافضل لك ترك هذالبيت والذهاب لااهلك واخبارهم بكل الحقيقة حتى يجدون لك حل لهذة المصيبة وامك ادرى الناس باختها ولن ترضى لك بهذا الوضع المشين ومن حقك طلب الانفصال عنه لصون شرفك وكرامتك واحمدي الله انو مافي ولاد بينكم وتاكدي ان ربنا بيكرمك بحسن منه مليون مرة هتلاقي الزوج الصالح اللي فعلا يستاهلك ويصونك ويقدرك ويسعدك في حياتك نشاءالله تعالى

  2. الفهدالاسود
    08/03/2016 at 09:24

    معقولة كلده يطلع من خالتك اقرب الناس لك نحن سمعنامنك فقط ولم نسمع من الطرف الثاني عشان مانظلمش احد ولانستبق الاحداث مااقدرش اجاوب عليك حتى تتضح لي الصورة

  3. ثورة
    09/10/2011 at 12:20

    لابد من سماع الطرف الآخر لأن الناس أصبحت تلفق تهم لبعض

  4. الأخ
    21/08/2011 at 16:23

    استخيري الله

  5. اى حد بس عندى خبرة
    29/06/2011 at 11:40

    انا كنت قولت فى كذا موضوع انى مش بحب انصح حد بالطلاق لانه ابغض الحلال عند الله ولكن اذا كنتى مش حامل منه هتفيدك اية الفلوس او عدم التنازل على العيش مع واحد زى ده حاولى تخدى حقك معرفتيش اتنازلى ورييحى دماغك وربنا يعوضك بحد احسن منه انشاء الله

  6. مصرى
    27/06/2011 at 18:57

    اختيار غلط من الاول
    الحل الطلاق ثم الطلاق

  7. نرمين
    13/06/2011 at 12:39

    قولى لأهلك على كل شىء من الألف الى الياء وهما هيتصرفوا

    لأن أمك هى أختها وهى أكثر الناس دراية بالتعامل معها. فأتركى الكبار بتعاملوا مع بعض واسمعى كلام أهلك ونفذية. و مايقرروه فهو فى مصلحتك أكيد

  8. حبيبة الرحمن
    08/06/2011 at 02:34

    نصيحه اخلعي نفسك منه هاتخسري ايه في بيت الهم احفظنا فاسد اكده اطلعي بكرمتك لحسن حماتك تلبسك مصيبه وفي 60 داهيه القايمه والموخر بس بصراحه غلطتك من الاول لانك اتنزلتي عن حقك من الاول وربنايكرمك

  9. دودو
    09/05/2011 at 09:23

    اخلعيه وانت الكسبانة لأن ببساطة ده إنسان سافل وأمه أسفل منهومفيش فيهم أمل والشاعر بيقول إذا الإيمان ضاع فلا أمان ولا دنيا لمن لم يحي دينا والمثل بيقول إن لم تستح فاصنع ما شءت وطالما هم بالأخلاق دي مش بعيد يطلعوك انت الخاينة ويسوؤا سمعتك فقولي حسبي الله ونعم الوكيل والله المستعان

  10. mima
    09/05/2011 at 06:27

    يعني هي خالتك اخت مامتك تعمل فيكي كدا وطلعت سافلة كمان ربنا يعينك بجد وانتي اخلعية واتنزلي عن كل حاجة واعتبري ولا كان ال3شهور دول جم في حياتك واشغلي وقتك وواتمتعي بسنك وباذن الله هتلاقي الا يرضيكي ويحافظ عليكي بعيد عن العيلة الواطية دي

  11. عازب لسوء الاحوال الجويه
    04/05/2011 at 06:01

    الواد طلع واطى وامه اوطى منه
    انها حقا عائلة محترمه على راى مسرحية فؤاد المهندس
    اخلعى يا بنتى انتى بتفكرى فى ايه …. وحاجات ايه اللى هو مش عايز يخسرها دا على اساس انه معيشك فى فيلا وعندك حساب فى البنك … اخلعى وسبيله كل حاجه واشترى عمرك وكرامتك وحياتك انتى لسه صغيره … وربنا يسامحنى ان كان راى غلط

  12. كيمو
    09/04/2011 at 11:45

    متسيبيش حقك وخديه بالطرق القانونية ارفع علية قضية طلاق قبل ميرفع عليك قضية طاعة ويبقه ملكيش اى حقوق لو منفذتيش لان متامنيش نفسك معاهم تانى لو متاكده من الكلام اللى انت قولتيه

  13. eee
    08/04/2011 at 16:13

    هدديه بفضح مامته مادام هو مفيش اخلاق ولا مباديء كده و البادي اظلم

  14. اختك اللى خايفة عليكى
    04/04/2011 at 15:18

    لاطبعا ماتسيبيش حقك هو طلع راجل زى ما هو لكن انتى طلعتى ست اوعى تنسى كدة شوفى محامى شاطر وبهدلية هو وامة واوعى تخلية يعيش سعيد نكدى علية

  15. رجل عاقل
    04/04/2011 at 05:44

    اطلبى الطلاق احسن واتنزلى

  16. رشا
    28/03/2011 at 23:50

    ما تخبيش ولا حاجة عن أهلك و تحركي قبل فوات الاوان

  17. Hoss
    28/03/2011 at 09:14

    اطلبي الطلاق وسيبيه بأي ثمن قبل ماتخلفي وتبقى وقعة اتنازلي عن اي حاجة وانفدي بجلدك من البيت الموبوء ده وانتي الكسبانة

  18. مرام
    27/03/2011 at 12:41

    اختي العزيزه كان الله في عونك والهمك الصبرمعلش هما الرجاله كده خونه الامن رحم ربي بعدين ربنا يعوضك اللي احسن منه والحمدلله انهابانت من اولها يعني ماحصلش حمل وترتبطي بيه اكتر ده لان ربنا يحبك وعايزلك الخيروخلي ربنامرجعك الوحيدفي الدنيادي ماتقوليش بشاور الناس واشوف رأيهم قولي بدعي ربنا اللي خلقني وخلق الناس دي وربنامعاكي ياحبيبتي وخلي فبالك انك لسه في عمر الورد

  19. wawa
    25/03/2011 at 21:31

    اطلبى الطلاق ولا تترددى واتنازلى له عن اى حاجة هو عاوزها كان كاتبها ليك طالما طلع واطى وندل وربنا هيكرمك باللى احسن منه ان شاء الله لانك لو كملتى نسبة اتجاهك للخيانة هيبقى كبير وانت شايفة انه ما بيحبكيش ومهملك وشايفة حماتك خاينة هتسيب عندك رواسب ان الخيانة موضوع عادى
    ربنا يكون فى عونك ويكرمك باحسن منه

  20. زائر
    24/03/2011 at 22:19

    الاخت السائله الحل فى ايدك
    أول حاجه لازم تشرحى الموضوع لأهلك بالتفصيل وأكسبى نفسك حتى لو اتنازلتى عن حقوقك أحسن ما تخسرى كل حاجه فالعيله دى عيله فاسده ومفيش فيها خير بدليل زوجك بقولك انه بيحب واحده تانيه وحماتك بتخون زوجها يبقى فاضل ايه تانى تبكى عليه اكسبى نفسك وربنا هيبعتلك اللى أحسن منه ولكن لا تتسرعى فى الزواج وبعدين هتشوفى ادام عينك عدل ربنا واللى حيحصل مع حماتك الفاسده الخائنه للأسف.

  21. سيدة الورود الراقية
    24/03/2011 at 21:44

    بجد مش عارفه اقولك ايه الله يكون في عونك بصي حبيبتي حاولي تتكلمي مع أهلك بهدؤ وفهميمهم بس بلاش تجيبي سيرة خالتك في حاجه علشان متخديش ذمب عليها وهي متستاهلش ولاكن من ناحية زوجك هو الأهم اتكلمي معاه تاني قبل اهلك ولو ملاقتيش حل وان مش عايزك يبقي الأحسن الأنفصال قبل ما تجيبي اولاد وتبقي مشكله أكبر وانتي لسه صغيرة وربنا سبحانه وتعالي هيكرمك ويعوض صبرك كل خير اللهم آميـــــــــن

اترك رداً أو حلاً لهذه المشكلة