مشاكل الخيانة الزوجية

بعد حب السنين خاننى بالغربه

انا تزوجت زوجى بعد قصه حب من ايام الجامعه بالرغم اعتراض اهلى ع ظروفه الماديه وحيث انه لايمتلك شقه كان فقط يعمل باحد الدول العربيه تزوجنا ووعدنى انه سوف ياخدنى للعيش معه هناك مر ع زواجى معه تلات سنوات وانا متزوجه واعيش بمصر وهو بالغربه فقط اشوفه شهر كل عام طبعا حصلت مشاكل بينى وبينه بسبب الوضع ان كل واحد ببلد لانى نسيت انى متزوجه وهو مشكلته ان البلد غاليه جدا وهو راتبه ضعيف امام مستوى المعيشه هناك من اربع شهور بدا بتغير تام بعلاقته بيا اهمال ولا مبالاه وعصبيه وميسالش عنى مع انى حامل فوجءت انو ع علاقه بواحده اجنبيه معاه بمكان عمله وعلاقته بيها علاقه حب ومش قادر يسيبها الى الان ..ماذا افعل اطلب الطلاق وانا لسه حامل ولا اطالبه ينزل يعيش بمصر عشان يبعد عنها ولا اعمل ايه بالرغم ان كل كلامه انا السبب انو عرفها وانو مش عايز يسيب الغربه ومش حاسه انو باقى عالحياه معايا طبعا لانها ماثره عليه جدا

مشاكل وحلول ذات صلة

اضيف بتاريخ: Tuesday, April 28th, 2015 في 15:54

كلمات مشاكل وحلول: , , , , ,

6 رد to “بعد حب السنين خاننى بالغربه”

  1. مجنون نسوان
    03/01/2016 at 20:38

    اختي الخيانة محرمةشرعا ودمارلكل حياةزوجية عاوزك تعالج المشكلة مع زوجك بالحكمة والعقل دون عصبية ولاطلب طلاق لانك حامل وده ممكن يوثر على الجنين وعليك اطلبي منه يقطع علاقته بتلك المراة التي تعرف عليها فورا او يجي ياخذك للعيش معه وان رفض كلهذا يبقى لازم تدخل اهلك واهله في الموضوع عشان يجدوا لكم حل وان برضه تعذرت كل هذي الطرق معاه الافضل انك تطلب الطلاق منه وتعرفي انه شخص غير جدير بالعشرةالزوجية ولايقدريصونها ويتحمل تبعات اخطاءه وافعاله الغيراخلاقية ولانصحك باجهاض الجنين بل حافظي عليه حتى يخرج للنور وابوه مسؤل عنه يتحمل النفقة والصرف عليه وانت ربنايكرمك بخيرمنه هتلاقي ابن الحلال اللي يستاهلك ويقدرك ويسعدك

  2. دودي
    19/05/2015 at 10:32

    بما انه مش اد الزواج بيتجوز ليه؟؟؟
    حبيبتي ربنا يعينك مستحمله الوضع ٣ سنين والله انك جباره و ده دليل على حبك ليه بس هو حقير مع احترامي
    و عديم المسؤوليه لان الخيانه بتوجع اوي
    الحل الاول انه يرجع مصر و يدور على شغل و يعيش معاكي زي اي زوج محترم عنده طفل و زوجه بتحبه وباقيه عليه
    الحل التاني تسافريله و قوليلو انك هتشتغلي وان الرزق على ربنا واتمسكني على ماتوصلي هناك وبعدين تتصرفي معاه
    الحل التالت الي هو لو انا شخصيا بموقفك هعملو .. هستنى لما اولد بالسلامه و بعديها اتكلم معاه بحزم يشوف حل للعيشه الي عايشنها ولو ماعندوش حل يبقى الطلاق اريح ليكي وليه
    يلتزم بمصروف شهري للبيبي وخلاص .. وانتي ابدي حياتك من جديد لأن الحياه مابتوقفش على حد
    بتشوفيه شهر في السنه !؟!؟ يا لااااااهووووووي

  3. ابواميرة
    03/05/2015 at 11:35

    اختي العزيزة انت الان حامل ومنتظره مولود جايكم في الطريق ربنا يجعله من مواليدالسعادةويبارك لك فيه ماتفكريش الا بنفسك وباللي في بطنك ومسالة انو على علاقة بواحدةتانية ومتاكدة من كل ذلك اشترطي عليه ان يقطع هالعلاقة المحرمة نهائيا وينزل مصر ويصالحك ويدور على عمل في مصر الاشغال كثيرة والرزق عندالله ماحدش عارف فين رزقه وان رفض كلهذا فمن حقك ان ياخذك للعيش معه وين ماكان مثل بقية الازواج المغتربين في الخارج والا فلاخيارامامك سوى طلب الطلاق منه وهو ملزوم بالانفاق عليك وعلى اللي بطنك حسب الشرع والقانون وربنا يهدي ويصلح حالكم ويوفق بينكما

  4. بياض الثلج
    02/05/2015 at 15:11

    خلي عندك اصرار تكسبيه بالحنان وترجعيه مصر فورا

  5. قلبى دليلى
    02/05/2015 at 14:23

    حاولى تلاقى دخل بديل واستعملى العاطفه فى كسب قضيتك وهاتيه لبلده ويكون قدامك وحاولى تنسى ماضيه وواجدى له ولكى العزر وعيشى حاتك طبيعيه بدون فتح جراح واكيد ربك هيوفقك للخير وتحتفظى بحبك وحبه

  6. TH
    01/05/2015 at 13:25

    لو بتحبية وباقية عليه حاولي تخليه يخرج من العلاقة الحرام دي وهايكون ليكي ثواب عظيم انك انقذتي زوجك من الحرام. كلمية قوليله انك عايزة تعيشي معاه في اى مكان وانك ممكن تشتغلي وتساعدوا بعض في المعيشة علشان تقدروا تكونوا مع بعض. اي راجل مراتة بتسيبة لوحدة بيتعود على انة يبقى بعيد عنها وممكن تجت اى اغراء او لحظات ضعف انة يقع في الغلط. كلمية وروحيله واشتغلي معاه وساعدوا بعض علشان تقدروا تكونوا مع بعض وحاولي معاه واعمل كل مجهودك علشان ماتندميش على اى قرار ممكن تاخدية بعد كدة. الحياه مش سهلة وكلها مشاكل وابتلاءات واختبارات من ربنا واعتبري ان دة ابتلاء من ربنا فعليكي انك تحاولي تحافظي على بيتك وجوزك وللطفل اللي جاي يلاقي ابوة وامة مع بعض معلش انا عارف ان الكلام سهل وانا حاسس بيكي لاني مريت بتجربة مشابهه بس لازم تحاولي لاقصى درجة ممكنة وبعد كدة سبيها على الله واللي فيه الخير يقدمة ربنا.

اترك رداً أو حلاً لهذه المشكلة