مشاكل الزواج الثاني

جوزى تزوج عليا ومش راضى يطلقنى

تزوجت منذ 7 سنوات واتزوجنا عن حب وكنا بنتخانق كثير زى اى اتنين متزوجين وبداء يتغير من ناحيتى فى السنه الاخيره دى وكنت حاسه بحاجه بي كنت بكذاب نفسى لغايه ما اكتشفت ان فى رسائل فى محمول عنده وسائلته قالى ده زمليلتى فى الشغل وبنا شغل وبس ويعلم الله انى لم اقصر معه فى اى شئ وكنت بحبه جدا ولا كنا بنتخانق انا اللى كنت بروح اتأسف له وعيبه الوحيد انه متكبر ومغرور جدا ودايما مش حاسه معه بالامان ولا عمرى حسيت انه بيخاف عليا وبحس كثير انى مش فرقه معاه مع انى استحملته كثير ووقفت معاه من تحت الصفر فى بدايت حياتنا ومحدش وقف معاه خالص غيرى انا واهلى حتى فى بدايت جوزنا اتأخرنا فى الانجاب 3 سنوات وكان السبب منه وبرضو استحملت وكنت بقول لاهلى ان السبب منى انا الى ان رزقنا الله ببنت منذ 4 سنوات . المهم اتخانقنا فى شهر 8 اللى فات خناقه جامده اوى وشتم فيها اهلى كلهم بطريقه وحشه جدا وبقيت مستغربه جدا من الكلام اللى بيقوله كأن مش هو اللى بيقوله لان اهلى وقفوا جنبه كثير ومستهلوش منه كده وحسيت انه واحد بايع سكت وما رديتش اقول لاهلى حاجه وانا اللى روحتله علشان اصلحه ومرديش ابدا مع انه هو اللى غلطان وسبنى وراح عند اهله ولقيت في يوم جواب جالى من مأذون انه تزوج من زميلته اللى كان بيبعت لها رسائل وكان بيقولى كان شغل وبس وطبعا هى معاها فلوس كثير واتجوزها علشان فلوسها وقولتله لى عملت كده قال اصل ده هتحقق لى كل اللى انا عاوزه طلبت منه الطلاق وهو مش راضى وبيقولى انا بحبك وعايزك واهله تدخلوا فى الموضوع وترجونى انى استنى شهرين وهو هيطلقها وفات شهر ونص ولسه مفيش جديد وبقاله 4 شهور هاجرنى وسيبنى انا وبنتى لوحدينا من غير راجل يحمينا وعايش عند اهله ولما بسأله انت ليه مش عند مراتك التانى بيقولى انه كاتب كتابه عليها بس وملمسهاش مع انها مطلقه وعندها ولد افيدونى اعمل ايه استنيه اكثير من كده ولا أطلب الطلاق واصمم عليه لانى انا استنيته كثير وتعبت وزهقت وده اخر طلقه ليا

مشاكل وحلول ذات صلة

اضيف بتاريخ: Saturday, January 12th, 2019 في 20:11

كلمات مشاكل وحلول: الزواج, الطلاق, بنت, حب, رسائل, زواج

2 رد to “جوزى تزوج عليا ومش راضى يطلقنى”

البرنس

07/08/2019 at 02:57

لاحول ولاقوة الابالله يااختي القرار بيدك انت ودي حياتك لكن عايزك تفكري في مصير ابنتك الصغيرة التي لاذنب لها فيما يحصل بينكما لاشك ان جوزك كداب ومخادع وناكر للجميل لك ول اهلك ونسي كل ماعملتوه عشانه فان كنت قادرة على تربية ابنتك وتحمل مسوليتها فطلب الطلاق منه فورا وان كنت غير قادرة على ذلك فلازم تاخذي راي اهلك في هذا الموضوع ومسالة هجره لك طوال 4شهور فده حرام عليه ولايجوز شرعا ومن حقكي تطالبي بحقوقك انت وابنتك وربنا يسترعليك ويكرمك بكل الخير ان شاء الله
من كتر ماجرالى بيصعب حالى على حالى

16/01/2019 at 23:46

أرجو أن تتقبلى مرورى ياعزيزتى لاننى شعرت ان مشكلتكتشبه مشكلتى قليلا وهو غدر الزوج وايضا دخول حياتهانسانة معدومة الضمير خرابة بيوت وتعلق زوجك بها وانى أستغرب معاملتك معه رغم انه غدر بكى الا انك تتحدثى معه طبيعيا وتساليه عن الاخرى مع العلم انه اكيدكاذب انه يتركها لانه لو لم يهتم بها ماكان باعك وهجرك من الاساس انا اسفة على صراحتى معكى ولكنه من اجل تنبيهك بانكى لا تخضعى لاكاذيب زوجك وأهله عليكى ويا اختى الرجل ال من النوع ده بيكون انانى كتير مثل زوجى تعرف على فتاة واهملنى وهجرنى وحسسنى وقتها انه بايعنى وانى من الممكن انى انفصل عنه بهدوء اهم شئ انى مقفش فطريقه من جوازه منها وبالفعل اخذت عهد منه انه لو تزوجها يطلقنى بهدوء ووافق ووتأكدت قتها انى مش فارقة معاه وعندما تزوجها طلبت منه الطلاق ورفض بانه يضحكعليا بكلمتين وانه بيحبنى بعد ماطبعا عمل ال عاوزه واتجوز عليا لانه انانى عاوز كل حاجةمش حب فيا ولا حاجة بالعكس ده كل المواقف ال حصلت معايا منه من يومماعرفها اكدت ليا انه بايعنى ومش بيحبنى اختى انا مقصدش خراب بيوت ولكنى مجربة كل هذا سوف يزداد سوءا معك عندما تسيطر عليه {خرابة البيوت} ويهجرك اكثر خوفا منها وكمان انتى حالتك اكتر منى يعنى ساعدتيه انتى واهلك والاخر عمل كده سامحينى فى ال هقوله زوجك رجل غدار وناكر للجميل والعشرة وخسارة فيه اى تنازل منك متعمليش زيى وتضيعى عمرك مع واحد انانى بيفكر فى نفسهوبس وانفصلىعنهوربنا اكيد هايعوضك انا بعانى من يوم ماتعرف عليها ال ان تزوجها يعنى ضيعت من عمرى عشرى سنوات وكنت منتظره انه ينصلح حاله ويرجع
ولكنمع الاسفانجب منها وسيطرت عليه وهجرنى تماما وانا الان اكرهه وابغض رؤيته وبتمنى موته لاستعيد حريتى