انا متزوجه منذ سنتان من شخص مطلق وله ابن وبنت
مشكلتى الاساسيه معه انه يريد ان يفنينى لراحته وهو نفسه يقول لى ذلك “انا عاوز مراتى تفنى نفسها فى راحتى”
ولكن انا اخر ما يفكر فيه
يحب ابناؤه كثيرا وخصوصا البنت يحبها بجنون ويمكن ان يفعل لاجلها اى شىء
بيجى عليا كتير اوى علشان خاطر اولاده او بمعنى اخر انا بحاول اجى على نفسى عشان ارضيه
طليقته مبهدلاه فى المحاكم وادام اقاربه وبتاخد منه فلوس بالهبل رغم انها رافعه قضية نفقه لاولادها
ومع ذلك هو بيقطع من نفقة بيتى وبيودى لبيتها
وبيودى كميات كبيره جدا
انا مش بقول انه بيبخل عليا لكنه بيخلينى انا اخر حاجه يعنى لو فاضلى حاجه مش بيبخل عليا بيها
انا بشتغل ومرتبى يعيشنى من غيره كويس وكنت بحوش منه كمان
بعد جوازى منه بقيت مديونه دايما لانه بياخد كل مرتبى
طبعا مش بياخده بالعنف ولا بالغصب لكن اللى بيطلبه منى بديهولو علشان ما يعملش معايا مشاكل
قبل جوازنا كان وعدنى انه ما ياخدش منى فلوس خالص وانه مرتبى ده ليا انا اعمل بيه اللى انا عاوزاه
وانا من نفسى كنت بساعده لما الاقيه محتاج اى حاجه ومش ببخل عليه باى حاجه حتى لو فلوس لاولاده ومش هتعود على بيتى
ربنا رزقنا بطفل وما حصلش نصيب انه يكمل وتوفى
انا استلفت فلوس كتير جدا عشان اعالج ابنى واصرف عليه وانتو عارفين يعنى ايه عمليات وحضانات لطفل حديث الولاده
وبعد ما توفى ابنى بتكلم مع زوجى ازاى هنسد الفلوس ده لقيت رده عليا انه مالهوش علاقه بالديون
ده ديونى انا ولازم اسدها
مش هكدب عليكم انا انهرت وثقتى فيه تكاد تكون معدومه دلوقتى
رغم انه بعد المشكله حاول انه يصلح صورته كتير وادانى فعلا جزء من الفلوس عشان اسد ديونى وانا برده سديت جزء من مرتبى وباقى الراتب بياخده زوجى
وحتى الان ماعنديش اى فلوس خاصه بيا
هو بيصرف ببزخ غير طبيعى على اولاده
وانا حاسه بعدم الامان
خصوصا انى حامل وعلى وش ولاده
انا مضايقه من نفسى اوى لانى بقيت سلبيه
يعنى بحوش فلوس الولاده من بدرى عشان ما اتزنقش واقع فى مشكله مع زوجى انه يقولى اتصرفى
عارفه انه ده غلط
وباجى على نفسى كتير اوى علشانه وعارفه انه ده غلط
بس البديل مشاكل ليل ونهار وقرف ما ينتهيش واهانه وبهدله وعيشه زفت
احساسى انى بروح كل يوم الشغل عشان فى الاخر ياخد مرتبى ويصرفه وانا برده محتاجه حاجات كتير رغم انه مرتبى ده يعيشنى كويس من غيره انا واللى فى بطنى
احساس بعدم الامان بيمتلكنى
مش عارفه اعمل ايه ولا اتصرف ازاى
وخيار الطلاق ده مش متاح اطلاقا لا اهلى ولا اهله هيسمحو بيه
انا كمشاعر بحبه مش هنكر بس بكره احساسى بالخوف وانا جمبه واحساس عدم الامان واحساسى انه بيخلينى اصرف كل فلوسى وهو بيحوش لاولاده
علما انه دايما بيقولى العيل اللى هيجى ده انتى تصرفى عليه انا مامعاييش فلوس مصاريف لحد
ممكن نكون كويسيين اوى ومافيش بينا مشاكل ولمجرد موقف احس فيه انه بيفضل اولاده عليا او بيودى لطليقته طلبات بزياده بحس انه بيستخسر فيا عشانها
وانا مش بتكلم عن احتياجات اولاده
مش بضايق لما يجيب لاولاده لبس مثلا او حاجه خاصه بيهم
لكن بضايق اوى لما يجيب اكل ويوديلهم اكل كتير جدا وهو عارف انه اولاده عمرهم ما هياكله وانه طليقته هتطفحه بالسم على قلبها
احساس ظلم فظيع وخصوصا انه معيشنا حياه على ادها اوى لانه عنده ديون كتير جدا
انا اسفه طولت عليكم
وعارفه انه ماليش حل
لا هعرف اطلق منه ولا انا حمل انى اعيش فى مشاكل ولا حتى هقدر اجى على نفسى طول الوقت
ياريت اللى مش عارف يقول على حل يدعيلى انه ربنا يخفف عنى ويصبرنى
مشاكل الزواج الثاني
مش هعرف اطلق منه ولا حمل العيشة معاه
اضيف بتاريخ: Tuesday, October 18th, 2016 في 20:33
كلمات مشاكل وحلول: الزواج, الولادة, طفل, مطلق
اختي الفاضلة قرات مشكلتك بالكامل وتالمت جدا لكل مايحدث معك من قبل زوجك اللي مفروض انه يكون راجل بمعتى الكلمة ويتحمل اعباء ومسووليات الحياة الزوجية على عاتقه ولايجوز له شرعا ان ياخذ من مالك اوراتبك شي الا اذا اعطيته بطيب خاطر حتى لوكنت امراة ثرية وعندك مال قارون لايحق له ان يطلب منك الصرف والانفاق على البيت اوالاولاد وموضوع طليقته السابقة ده شي يخصه هو اذا كانت رافعة عليه قضايا في المحكمة يحل مشاكله معها بعيدا عنك وعن اولادك ولايدخلكم فيها لازم تجلسي معه وتصارحيه بكل هذا وتطلبي منه ان يتقي الله فيك وفي ولادك ويقوم بوواجباته الزوجية نحوك ونخو الاولاد من النفقة والمصاريف وتحمل اعباء المعيشة وان رفض الاستجابة لمطالبك فاشركي احد من اهلك اواهله في هذا الموضوع ولاانصحك بالطلاق او التفكير به انت الان ام وحامل وعليك مسوولية كبرى تجاه اولادك ارفضي تعطيه فلس واحد من راتبك ودعيه يتحمل مسوولية امره فهو رجل يقدر يتصرف ويدبر شوون حياته ويحل مشاكله مع زوجته السابقة واهتمي بنفسك وباولادك وبيتك وحافظي عليهم جيدا وايضا عملك لاتتركيه فهو باب رزقك انت واولادك واسال الله ان يهدي ويصلح حال زوجك ويحنن قلبه عليكم ويوفقك ويسعدك في حياتك ويبارك لك في زوجك واولادك وفي عملك ويجعلك مخرجا مماانت فيه ويرزقك من حيث لاتحتسب
كل واحد يبقي ليه ذمة مالية لوحده مدام هو مدخل الامور كلها في بعضها و لو جه طلب منك فلوس متديهوش اكتر من ربع مرتبك تحت اي ظرف و خليه هو يتصرف في الباقي
هو عامل زي العيل الصغير اللي اتعود انه ياخد حاجة معينة و اول ما يتحاش منه الحاجة دي يقعد يخبط و يعمل دوشة كبيرة و في الاخر شغلك ده حقك انتي و انتي ملزومة منه ماديا انتي و ابنه