مشاكل الزواج الثاني

زوجي حبيبي هيتجوز عليا

السلام عليكم ورحمة الله وبركاتة \\ دلونى اعمل ايه مع جوزى انا متزوجه منذ 4 سنوات وعن قصه حب من سنه 2000 .وربنا مرزقناش بالاطفال حتى الان كان عندى شويه مشاكل واتحلت الحمد لله بس الموضوع عاوز صبر وفرج من ربنا بايده الحل وعايشين كويسين وفجاه جه فى يوم وقالى انه عاوز يتجوز وعرفت بعدها انها معاه فلشغل وكلم اهله كمان تانى يوم واهله كلهم مش موافقينه لدرجه ان ابوه حلف عليه انه لو خرب بيته هيكتب كل حاجه باسم اخته وهو لا عشت فى معاناه كتير اللى خلاه كلم اهله هو عشان يساعدوا فى الجواز التانى عشان شغله مش موفرله الدخل انه يجهز من تانى وصحيح مرتبه حتى مش بيكفى الشهر وبيكمله من ابوه ومستحمله معاه على الوحشه قبل الحلوه ومصاريف علاجى كان اهلى واهله اللى بيدفعوا المصاريف كلها .
انا الحمد لله حلوه ومهمتمه بيه وبنفسى وبيبيتى جدا لدرجه انه مبيعرفش ياكل غير من ايدى دلوقتى حتى لو هنروح عند مامته يقولى اعملى انتى الاكل عشان اعرف اكل مع العلم انى اللى هو عاوز يتجوزها مش حلوه وتخينه جدا ومبتعرفش تطبخ . وهو معترف بده وبيقولى انتى احلى منها بكتير فى كل حاجه عملت كل اللى يتعمل معاه مفيش فايده قلت يمكن عاوز يعيش قصه حب ورسايل وكدا بقيت ابعتله رسايل كل يوم واتصل بيه واطمن عليه اكتر من الاول بقى كويس شويه ورجع تانى وبيكدب ويقولى مش بكلمها وهو بيكلمها جوز خالتى معاه فى الشركه خليته فصلهم وكل واحد فى ورديه بقى يحلفلى خلاص انه هيفتح صفحه جديده وخلاص رجع لبيته ويرجع تانى اكتر من الاول واهانات بقى ومعايره بعدم الخلفه مع انى مليش زنب فيها وعرفت انه كلم اخوها واتقدمله اصل اخوها معاهم فى الشركه اخوها قاله طلما اختى موافقه عليك ماشى بس تجيلى بطولك ومعاك شقه وهو عاوز يخلينى اسبله الشقه؟؟؟… بابايا قاله || يابنى احنا تعبنا معاك لو خلاص مصمم ادى بنتى حقها واعمل اللى انت عاوزه وعلى فكره انا من يوميها مسبتش البيت ابدا ولا من ساعت ما اتجوزنا سبته مثلا وروحت اعدت اسبوع برا ولا يوم حتى لانى مامتى ومامته جمبىهو عاوزنى بقى اخد حاجاتى اللى جيبها وهو ياخد حاجاته عشان يتجوز بيها وهو معهوش فلوس يجيب تانى ومحدش هيساعده ولا موافقه على الجواز وبيقولى مش عاوز اتجوز عشان الخلفه !
فى الاخر عرفت ان فى مره كان جى متعصب وبكلمه اتنرفز عليه قلتله كلمه زعلته عارفه انى غلطانه بس مش سببب يعنى واتصالحنا من ساعتها وخلاص وعدت شهور معتقدش ان دا سبب للجوزا التانى ولو حد هيقولى يمكن مش بيستمتع معاكى ؟؟؟ لا واخد حقه وزياده وهو معترف بكدا بيقولى عمرى ما طلبتك وقلتيلى لا  مش عارفه اعمل معاه ايه انا تعبت جدا معاه وجربت كل الطرق وبالمناسبه فى وسط المشاكل روحت غيرت لون شعرى مع انى بعمله كل سنه لون ورسمت حنه على ايدى ورجلى وكل يوم طقم شكل فى البيت ويبقى كويس شوي ويرجع لنفس الكلام تانى بعد وعود كتير بيقولها ويرجع تانى ويكدب عليه قولولى اعمل ايه معاه . واتصرف ازاى هل هيطلقنى فى الاخر ويتجوز بردوا ايه الحل ارجوا رايكم وجزاكم الله كل خير

مشاكل وحلول ذات صلة

اضيف بتاريخ: Friday, August 18th, 2017 في 22:29

كلمات مشاكل وحلول: , , ,

2 رد to “زوجي حبيبي هيتجوز عليا”

  1. ابوالبتول
    19/08/2017 at 22:37

    شوفي يااختي العزيزة مسالة ان زوجك عاوز يتزوج عليك بااخرى علشان الخلفة فده مايخليك تزعل او تحرميه من ان يرى له اولاد في حياته طالما انك ماتخلفيش دون ان يعيرك بعدم الخلفة او يجرح كرامتك ومشاعرك وكمان قولك انها تخينة ومش حلوة فلاتعيب خلقة الله لعباده فقد تكون احسن منك في اخلاقها ودينها ومعاملتها للناس ارى ان كنت تحبين زوجك ومتاكدة انه يحبك فعلا فلا تعترضي على زواجه من تلك المراة بشرط ان يعدل بينكما ويتقي الله فيكما وان كنت غير راضية عن زواجه وتشعري بالمهانة لكرامتك معه فمن الافضل طلب الطلاق منه وكل منكما يذهب لحال سبيله واتمنى انك ماتتسرع في طلب الطلاق اتركيه يتجوز وتمنى له الخيروالسعادة من كل قلبك وربنا فضله كبير ورحمته واسعة بيكرمك بالخلفة الصالحة التي تسعدي بها في حياتك ويستر عليكم ويصلح حالكم

  2. كريم نور
    19/08/2017 at 09:34

    غلطتي لم رفضتي مبدا انه يتجوز ممكن هو محتاج الخلفة .. لو كنتي وافقتي من البداية كان ممكن حس انه اتسرع لم فكر يتجوز عليكي وممكن الفكرة انتهت من حياته .. وبتقولي انها تخينة ومش حلوة دي خلقة ربنا مينفعش تعيبي عليها او تقارني نفسك بيها ممكن هو شايف فيها مزايا احسن منك دي عيبنا كبشر كل واحد بيشوف نفسه احسن واجمل … حل مشكلتك تقوليله بصوت هادي لو مش عاوزني اكون زوجتك وهتهني كل شوية بموضوع الخلفة وتجرح كرامتي خلاص طلقني انا عاوزاك تكون سعيد ف حياتك انا عارفة انك كنت بتحبي وانا بحبك لحد دلوقتي واللي بيحب حد بيتمناله الخير والسعادة دايما وربنا يسعدك

اترك رداً أو حلاً لهذه المشكلة