مشاكل الزواج

حبتها من النت وفكرت بالزواج وامي رافضة

بسم الله الرحمن الرحيم
اخوانى الكرام واخواتى الفضليات/
ارجو منكم ان تساعدونى بارآئكم النيرة والمثمرة
انا مشكلتى تتلخص فى الآتى:
انا شاب مصرى وطالب بكلية طب بشرى بإحدى جامعات مصر من حوالى 3 سنوات تعرفت على بنت بشات مصرى وبمرور الوقت حبتها لدرجة الجنون وهى كمان حبتنى جدا
لدرجة انى حاولت اتركها اكثر من مرة لاسباب معينة ولكن لم استطع لشدة حبي وتمسكى بها وبرضه هى رفضت عرسان كتير اتقدموا لها عشانى
ولكن المشكلة تتلخص فى :
اولا انها غير مصرية وتعيش بالاردن.
ثانيا انها اكبر منى فى السن بحوالى سنة وشهرين
ثالثا انها ليست بكلية طب بشرى ولا اى كلية علمية ولكنها فى كلية تربية رياضية (فده عامل عدم توافق فى المستوى التعليمى وده لا يهمنى فى شيء ولكن امى مصرة على ان ارتبط بدكتورة فى نفس مستوايا العلمى)
رابعا : انها عنيده لاقصى درجة ممكنة ودائما ما تعاندنى فى اشياء كثيرة رغم انى بكون الصح ورايي بيبقى فيه مصلحتها ودايما تقولى انها مبتحبش تخلى حد يمشي كلمته عليها وان لازم يكون ليها حرية فى تصرفاتها.
فبعد هذه النقاط الاربع اريد ان اعرف رايكم فى مشكلتى هذه وكيف اتعامل مع كل نقطة من دول؟
انا فعلا بحبها بجد ونيتى خير والله العظيم واتمنى جدا انى اتقدملها بعد التخرج على طول وحتى رغم عندها الشديد وانى مبحبش العند الا انى مش قادر اسبها وفى نفس الوقت امى مش موافقة خالص لانها مش مصرية ولانها مش فى نفس مستوايا العلمى ولانها اكبر منى كما ذكرت.
فبالله عليكم افيدونى بارآئكم.
وشكرا جزيلا لكم

مشاكل وحلول ذات صلة

اضيف بتاريخ: Friday, August 12th, 2011 في 01:40

كلمات مشاكل وحلول: , , , , ,

7 رد to “حبتها من النت وفكرت بالزواج وامي رافضة”

  1. ابواميرة
    01/12/2012 at 11:17

    بص ياابني زواجك من البنت دي غيرمنطقي ولامتكافي لعدةاسباب 1 كونهامش مصرية اختلاف في العادات والتقاليد 2 كونها اكبرمنك في السن وذايوقعكمادايم في مشاكل خاصة بين الناس المقربين منكم 3كونهاعنيدةفي الراي وماترضى احد يمشي كلامه عليها ودي تسبب لكمامشاكل في البيت وتربية الاولاد وفي امورعديدة في الحياة 4كون امك مش موافقة عليها وذااهم عايق في زواجكما اكسب رضاامك فهي اكتر وحدة يهمهاحياتك ولاتغضبهاوتطلع عن شورها عمرك ماتلاقي السعادة في حياتك وتخسر اخرتك من اجل امراة عرفتها عبرالنت وفقك الله وهداك

  2. ندين
    25/10/2011 at 13:18

    اخي والديك هم سر سعادتك اوعك تتركهم مهما كان السبب
    حاول تفكر منيح كيف رح تصير حياتك بعدين

  3. valentino
    26/08/2011 at 06:51

    شوف انا راي من راي شمس
    انت حبتها علي النت حب النت ده مشكله
    قبل ما تاخذ قرار الزواج لازم تشوفها علي الطبيعه وانت نفسك اللي هتقول اه او لا
    انا يمكن حبيت علي النت في مرة وكنت راسم صورة معينه ليها ولما شوفتها عل ي الطبيعه اتصدمت والموضوع اتفركش
    وكمان حاول انك لما تختار اختار وحده اصغر منك علي الاقل 7 او 8 سنوات
    لان السيدات السن بيبان عليهم اوووي وبيكبروو وبيتغيري ودي مشكله هتقبلك علي المدي البعيد فكر في كلامي وحته في ودانك
    وربنا يوفقك يا دكتور

  4. فآعل خير
    24/08/2011 at 08:43

    السلام عليكم

    آنصحك نصيحه ,, لآ تآخذ وحده مو داخله مزاجك

    اذا كآنت تسمع كلآمك .. ورآضيه عليك , ومعك كويس .. وما تعآندك وتعاند كلامك .. بهذه الطريقه خذها

    لكن المشكله تعآند .. ومو من مستواك ومو من مصر !

    الششي رآجع لك أنت .. حآول تفكر وصلي ركعتين وان شاء الله اللي فيه الخير بيكتبه لك الله

    وبالتوفيق لك

  5. mido
    12/08/2011 at 15:38

    يا عم بلاش الموضوع ده مش من مصلحتك واحدة بالمواصفات دى صحيح الحب اعمى

  6. sun
    12/08/2011 at 05:33

    3 مشاكل دول مش حيكونوا مشاكل غير لما انت تكون فعلا شايفهم مشكله بالنسبالك يعني اولا فرق السن ده انت لو مش حاسس بيه وشايف ان ده مش ماثر تاثير سلبي علي حياتكوا اوك وانك انضج منها في التفكير وسنها مش فارق معاك يبقي خلاص السن كده مفيش مشكله والمشكله الثانيه قصه التعليم انت قولت انه مش فارق معاك دكتوره زي مهندسه زي تجاره زي تربيه رياضيه عادي ان الكلام ده بالنسبالك ولا حاجه انت اللي يهمك حاجات تانيه يبقي خلاص مفيش مشكله في التعليم المشكله 3 وهيه انك من بلد وهيا من الاردن لو انت شايف انكوا متافهمين في العادات والتفكير او حتعرف تغير عاداتها اللي تختلف عن عادات مجتمعك وشايف انها معندهاش مشاكل في انها تعيش في بلدك خلاص يبقي كده اتحلت ومفيش مشكله فدي حياتك انت اوك ماماتك طبعا خايفه عليك ونفسها تتجوز دكتوره وتكون انت اكبر سننا وبنت بلدك بس دي حياتك في الاول وفي الاخر خد القرار بايدك وفكر فيه كويس اوي بس انا حقولك رائ انا شايفه ان اللي انت فيه ده مش حب بالشكل الكامل مش عشان نت وان مفيش حب عالنت والكلام اللي بتسمعه ده وحتسمعه كثير بس اي 2 كان فيه صدفه اتقابلوا علي بعض وانت كان النت يعني زي النادي زي الجامعه بس فيه حاجه عشان نقدر نقول ان ده حب مفيش حب غير مرئي يعني اوك اتعرفتوا عالنت واعجبت بيه اتعودت عليها عرفت حاجات كثير عنها وحكايات عنك بس مشوفتهاش عالطبيعيه مشوفتهاش وهيه بتتعامل مع اهلها واصحابها وحياتهاعالطبيعيه انت فاهم صدقني الا انت فيه ده مش حب عارف لو كانت عايشه في مصر دراسه او شغل مثلا كنت اقولك ده حب لاكن ده حب مش كامل مش ملموس ربنا يوفقك وبتمنالك حياه سعيده شمس

  7. m
    12/08/2011 at 03:38

    بص انا هقولك علي حاجه انا بحب وانا عنيده بس لازم اسمع كلام حبيبي مادام صح دي حاجه
    الحاجه التانيه انت هنا طباعك مختلفه عنها وبعدين مامتك لازم تقلق عليك علشان بتحبك وعايزه مصلحتك
    وحبيبتك اكبر منك بسنتين يعني تفكيرها في الحياه اكبر منك الموضوع مش بالكليه والدراسه
    حاول تفكر تاني كويس وتتكلم مع مامتك وتنقعها بس نصيحه اوعي تخسر اهلك مهما كان السبب

اترك رداً أو حلاً لهذه المشكلة