انا اتكلمت مع بنت جارتي ع الفيس بوك وبعد مدة بسيطه زاد الاعجاب حتي وصل للحب اتكلمنا ف حدود شهر وبعد كدا اهلها عرفوا الموضوع انا ف اول كلامنا قولتلها عايزك بس معنديش اي استعداد دلوقتي للخطوبه المهم اول ماهلها عرفوا اتصلت ب والدها كان مسافر وكان لسه معرفش قولتوا عايز اتكلم معاك ف موضوع لما ترجع انشاء الله ومقولتلوش اتصل ف بيته وعرف الموضوع اول ماجه كلمته وقولتله انا ظروفي 1 2 3 ايه رايك مريحنيش مرفضش ولا قبل ساب الباب موارب بعد فتره كلمته تاني نفس رده الاولاني اتعاد انا عديته بس بعد فتره اتخنقت من كدا حسيت انو حططني ع الرف ولو جه حد احسن مني هيداهلو كلمته مره تالته وقولتلوا عايز اطلع اشرب معاك كوباية شاي ياحج قالي ماشي بالليل هو فهم قصدي جه الليل ظبط نفسي وطالع لقيته واقف ع الباب بيقولي ان في ناس عندهم لما ينزلوا ابقي اطلع فضلت مستني انو يتصل بيا ويعرفني الناس نزلت ولا لا ماتصلش حبيبتي كلمتني وقالتلي باباه مستنيك قولتله لا لما يتصل بيا هو هطلع ورفضت اطلع وماتصلش وانا الحمدالله سمعتي كويسه جدا ف المكان الل ساكن فيه واكتر من حد عايز يديني بنته وهما سمعوا اكتر من مره تلميحات جيرانا انا مش عارف اعمل معاه ايه كرامتي قبل اي حاجه وهو عنده مشكله ف الحته دي حتي معا اللي متقدم لأخت حبيبتي بيعمل معاه حركات مش حلوه حركات تقل من قيمته وهو مستحمل وجاب اهله اكتر من مره ومدهوش رد واضح حبيبتي شايفه ان هو مستحمل عشان بيحب اختها وشايفه اني مبحبهاش عشان مش عارف استحمل ابوها………..انا اسف طولت عليكم ياريت تساعدوني وتعرفوني اعمل ايه ابو حبيبتي
سبحان الله كأنك بتتكلم عن والدي كان بيعمل كدا مع كل حد بيتقدم لي لحد ماإتوفى ورحت أشتغل وأكد على نفسي وعلى أخواتي عمري ٣٩سنه لاإتجوزت ولا يحزنون
ياآباء إتقوا الله لو جاءكم من ترضون دينه وخلقه فزوجوه
اخي انت ضيعت الفرصة بنفسك طالما البنت قالت لك ان ابوها منتظرك ليه ماتطلعتش عنده وتكلمت معه في الموضوع مافيش حاجة اسمها كرامتي في الزواج عموما لوكنت عاوز البنت بجد توكل على الله وخد احد من اقاربكم عم اوخال اواخ كبير وخطبها من ابوها رسمي وربنا يجعلها من نصيبك ويسهل لك الامور ويسعدكم في حياتكم القادمة
طالما البنت قالت لك ان ابوها منتظرك كان المفروض تروح مافيش حاجة اسمها كرامتي في الزواج..بعدين المثل يقول صاحب الحاجة معنى بالطلب مش معقولة بيتصل بك ويقول لك تعال اخطب بنتي .انتةضيعت الفرصة من يدك حتى لو كان من قبل ماطلك..كرر المحاولة والمرة دي خذ حد كبير من عائلتك أبوك أو أخوك أو عمك
ارى انك اتبعت الاصول وطرقت الباب ولم تلاقي الجواب من اهلها وهذا الشي هوالمطلوب من كلواحد عايز يرتبط بالانسانة اللي يراها الزوجة المناسبة له لا اريدك ان تتعقد اوتتحطم من تصرفات ابوها وتصرف النظرعن البنت وتتركها لا شوف احد من العقلاء الكبار من اقاربكم اواهل المنطقة اللي ساكن وله كلمة وتاثير على الاب عشان يتكلم معه ويشرح له طلبك ورغبتك في خطوبة بنته ويعرف منه الجواب على ذلك واتنمى ان يكون لك نصيب من البنت دي وتحقق رغبتك في الارتباط منها والله يتمم لكم بالخير ويوفق بينكما
شوف يااخي العزيز انت ادك العيب جيت حسب الاصول وطرقت الباب ودخلت البيت من بابه ونيتك سليمة وصافية عاوز الحلال والنصيب من البنت دي اللي انت بتحبها ومسالة تصرفات ابوها ومافعله معك فممكن الراجل معذور ماحدش عارف ظروفه ايه هيا مايمنعش انك تاخد معك ابوك اوخالك اوعمك راجل كبير في السن وله احترامه وتقديره وتروح تقابل ابو البنت صدقني لمايشوفك مع واحد كبيرفي السن هيحترم نفسه ويقدر الناس اللي جايه له ويقعد يتكلم معاهم وانت خليك ساكت وماتتكلمش الا لماهويسالك او الكبار يخلصوا كلامهم دي هي الطريقة الصحيحة للشخص اللي يتقدم لخطبة بنات الناس واذا ماحصلش نصيب يااخي لاقدرالله وشفت ان ابو البنت يتحجج اويتهرب من مقابلتكم فانسى كل شي يربطك بالبنت دي وانسحب بهدوءلاجل كرامتك وعزةنفسك وربي يكتب لك مافيه الخيروالصالح ويوفقك تحياتي لك