السلام عليكم بعد التحية… مشكلتي يا جماعه انا نفسيتي مدمرة بسبب اني خاطب من حوالي سنة خطيبتي علي قدر من الاخلاق والاحترام الكبير. وبتحبني جدا جدا. المشكلة فيا انا… من ساعة من خطيبتها حاسس بنفور من ناحيتها من ناحية قلبي مش عارف احبها ولا ارتحلها.. بس عقلي مقتنع بيها كبنت ناس ومحترمه وتعيش في البيت.. حولت اسيبها اكثر من مرة بس هي متمسكه جامد بيا وخايف اسيبها بالعافيه.خايف يحصلها حاجه بضغط علي نفسي كتير علشانها متنجرحش.. بس تعبت بجد نفسي اكمل معاها بس قلبي مش مطوعني … اعمل ايه انا عارف اني قدامي حل من الاتنين اسيبها او اكمل معاها.. بس بجد مش عارف اتعايش معاها. نفسي احبها ونعيش اجمل ايام حياتي اللي هي الخطوبه.. والله عارف ومتاكد اني لو سيبتها هظلمها بس اعمل ايه .. القلب مش بايدي والله.. وعارف اني انسان وحش بس نفسي اكون حلو معاها هي جوهرة واي حد يتمناها بس انا مش عارف اتاقلم … ارجو الرد بس ياريت مخدش يجي عليا انا تعبت بجد.. عارف اني متاخر في الرساله بس حولت كتير اتاقلم معرفتش…
استخير ربنا وربك يفكها من عنده
اول حاجة اسأل نفسك سؤال واحد ماهي الأسباب الي تخليك تنفر منها هل مثلا سبب يمكن اصلاحه فتبدأ تصلحه خاصة انك تقول انها جوهرة، لأنه أكيد في حاجة مخلياك تنفر، لكن اذا شفت إنه مافيش سبب معين، فصل صلاة الاستخارة وادع ربنا لأنه أحيانا أفضل الإفتراق في الخطوبة على أن تفترقوا بعدالزواج والأولاد بس ماتستعجلش الابعد الاستخارة لأنه قرار الفسخ صعب جدا على البنت