أنا شاب عمري 27 سنة.. والدتي في الفترة الأخيرة بدأت تلح عليا كتير في موضوع الزواج لكني بقول أي أعذار وحجج عشان أتهرب من الموضوع لأني لسه ملقتش البنت اللي فيها المُواصفات اللي أنا طالبها، بالنسبة لأمي فيه بنات كتير في بلدنا كلهم مُحترمات ويصلحوا للزواج وهي عايزة تعجل بتزويجي خصوصًا إن شقتي جاهزة وأموري مُستقرة ومفيش حاجة تمنعني من اتخاذ الخطوة دي.. لكن أنا بدور على مُواصفات مُعينة وملقتهاش في أي واحدة لغاية دلوقتي.. نقطة تانية وهي إني عندي هاجس من المسؤولية ومُتطلباتها، مش حكاية إني مش قدها لأ ده أنا بس قلقان منها وحاسس إنها هتكون حمل كبير جدًا على عاتقي خايف مكونش أهل له.. نقطة تانية هل سني ده يخليني لازم وحتمًا أسعى جديًا في موضوع الزواج عشان العمر ميتقدمش بيا وألاقي نفسي كبرت والموضوع يكون صعب أكتر؟؟ ولا الأفضل متسرعش وأتعامل بحكمة عشان أقدر أوصل للي بدور عليه، والسن كده كده عمره ما يعيب الراجل مهما كان؟؟ نقطة كمان بقى وهي إيه رأيكم في جواز الصالونات؟؟ أصل عندنا هو المُنتشر في بلدنا وأنا بصراحة حابب إن البنت اللي هتجوزها أكون أعرفها كويس وأعرف صفاتها وطباعها ومُميزاتها وعيوبها وما إلى ذلك.. هل فيه طريقة لتحقيق حاجة زي كده وأنا في السن ده؟ ولا هتعب نفسي على الفاضي ومش هلاقي وأرضى باللي يختاروه أهلي وخلاص؟؟
بص ياصاحبى نصيحه لوجه الله اياك ثم اياك ثم اياك تتزوج وانت مش راضى عن الى هتتجوزها ولو بنسبه واحد فى الميه وكمان لو انت لسه شايف نفسك مش مستعد تكون قد المسؤليه دى بص ياصاحبى احساسك انك مش قد المسؤليه ده نتيجه انك لسه ملقتش الى قلبك يتعلق بيها اول بس ماتلقيها هتلاقى نفسك تقدر تفتح بيت وعشره وتكون زوج واب وتتحمل ضغوط الحياه فبلاش تتسرع حتى لو والدتك عاوزه كده بنمات الناس مش لعبه علشان تتجوز وبعدين تزهق منها وتطلقها ساعتها انت وامك هتتحسبوا قدام ربنا وكما تدين تدان فى المستقبل فبلاش تكسر قلب واحده اصل انت ممكن تتجوز من هنا وبعد فتره تلاقى الى انت بتدور عليها وده هيحصل فعينبع جواك كراهيه وهجر لزوجتك وهتقعد طول عمرك ندمان وتقول ياريتنى مااتسرعت واتجوزت واستنيت شويه اصبر وادعى ربنا بالعفاف مدام جاهز وان شاء الله تلاقى بنت الحلال الى تخطف قلبك
أشعر أنك متردد لذلك قبل اتخاذ خطوة الزواج صل الاستخارة وادعو الله كثيرا وهو سيدلك
بص يااخي العزيز امك عاوزه تفرح بك وتشوفك سعيد ومرتاح مع الانسانة اللي تستاهلك وتقدرك وعاوزه تشوف عيالك وده من حقها حرام عليك تمنعها وتحرمها من الامنية دي استهدي بالله واسمع كلام ماماتك واطعها تلاقي خيري الدنيا والاخرة وتنال رضا رب العالمين عنك ولاتؤجل الزواج مهما كانت الامور خير البر عاجله وانت والحمد لله كل الامور متيسرة ومتوفرة معاك الشقة موجودة والمال متوفر ايش يمنعك من الزواج توكل على الله عزوجل وافرح نفسك واسعد السيدة امك ربنا يخليها لك ويبارك لك فيها ولاداعي للتوتر والقلق ابدا وبالنسبة لمواصفات البنت فاهم حاجة فيها ان تكون على دين وخلق وتربية ومن عيلة كويسة ومحترمة ولاتنظر للامور الاخرى الجمال جمال الروح وليس الشكل والتعليم اهم شي انها تكون تعرف امور دينها ودنياها وتعرف تصلي وتقرا القران وتقدر الحياة الزوجية وتحافظ عليها اما تحمل المسوولية فانت سوف تتوعد على تحملها لماتكون مسوول عن بيت وزوجة واولاد في المستقبل ان شاء الله وموضوع سنك 27سنة مناسب جدا للزواج وعاوزك تعرف انوفي شباب اصغر منك بكثير متزوجين وعندهم ابناء ومتحملين مسوولياتهم بكل امانة واخلاص وموضوع زواج الصالونات ده موجود في كثيرا من البلاد العربية ولا فيه اي مشاكل طالما انو الاختيار كان جيدا للزوجة من قبل اهلك سوا الام او الاخوات او الخالات او العمات ولااظنهم يختارون لك الا الزوجة المناسبة والصالحة احسن من انك تختار وتتعرف عليها سوا من النت او الموبايل او من خلال احد الاصدقاء فاغلت تلك الزوجات غير ناجحة وفاشلة وانت لك حرية الاختيار وربنا يصلح حالك ويوفقك