انا عمري 21 سنة . من 6 شهور تعرفت على بنت 16 سنة . حبيتها بجد . تقدمت لخطبتها . ذهبت أنا ووالدي . وتقدمت رسميا . وتم رفضي بحجة ان البنت (لسة صغيرة) . أخوها حبسها فى البيت . ولم تخرج الى الشارع منذ شهر تقريبا . وتم سحب التليفون منها . ولم نعد على تواصل الا عن طريق الجوابات . أخوها هددني ان لم ابتعد عنها . وشكلي داخل على مشكلة كبيرة معاه . بس أقسم بالله مهما عمل . ما رح أبعد ابدا . ابن خالتها تقدم لها .. ودلوقتي بيضغطوا عليها عشان توافق . لكن هي لحد دلوقتي موافقتش ورفضاه . ودايما تقولي موش هسيبك وموش هوافق . بس أنا موش عارف اتصرف ازاي ولا أعمل ايه . انا معملتش حاجة غلط . والله انا حبيتها بجد . وعملت الصح . اتقدمتلها لتكون زوجتي . معرفش ليه رفضوني . انا عايز اعرف ايه غلطي . ونفسي حد يساعدني ويقولي اتصرف ازاي . بس من غير ما حد يقولي سيبها .
شوف يااخي الزواج قسمة ونصيب وماحدش ياخذ الا نصيبه في هذة الحياة انت اداك العيب عملت الصح ورحت مع ابوك لاجل تخطب البنت من اهلها ولكنهم رفضوا بحجة انها صغيرة في السن هذا مايمنع انك تكرر المحاولة مرة اخرى وان كان ردهم الرفض فمن الافضل انك تصون كرامتك وكرامة اهلك وتنسحب من حياتها للابد هذا هو التصرف الصحيح اللي ممكن انت تخالفني فيه لانو من غير المعقول انك تتزوج من الفتاة واهلها رافضين لا الدين ولاالعادات تقبل بهذا دي الحقيقة التي لزوم تعرفها ومسالة ابن خالتها تقدم لها واهلها بيضغطوا عليها لاجل توافق عليه فهذا شي يخصهم ولادخل لك فيه هم احرار يزوجوا بنتهم بمن يشاؤ استهدي بالله عزوجل والبنات بعدد الرز في هذة الدنيا هتلاقي نصيبك مع وحدة منهن وربنا بيكرمك باحسن من البنت دي مليون مرة والف من يتمناك يابو الشباب كبر دماغك واشترى كرامتك والمثل يقول- اللي مش عاوزنا مرة حنا مش عاوزينه الف مرة –