فى البداية انا خطيبتى لسه صغيره فى السن يعنى 17 سنة فى بداية خطوبتى هى كانت موش حاسه بيا او بمعنى اصح كانت مكسوفه منى او محروجه منى او انا بالنسبة ليها حد غريب عنها بحكم ان ماكنشى فى كلام بينا قبل الخطوبه هى كانت بتقول فى بدابة الخطوبه انها موش عايزه تكمل معايا و انا بحكم انى اكبر منها كنت بقول لنفسى عشان هى لسه فى سنة المراهقة او لسه متعرفتشى عليا ممكن كانت بتقول كدا المهم بدأت اعرفها بيا و اكلم معاها و اخليها ماتبقاش محروجه منى و بدات اتعامل معاها زى اى اتنين مخطوبين يعنى كنت بأقدم ليها كل ما تتمناه اى بنت فى مرحلة الخطوبه من كلام حب و رومانسية و هزار و جد و دلع و غزل و هكذا لغاية ما خليتها تحبنى و هى فعلا حبيتنى و بقيت بالنسبة ليها حاجة كبيرة عندها و مابقتشى مكسوفه منى او محروجه منى و مبقتشى انا حد غريب عنها زى الاول و بتسمع كلامى الى حد ما يعنى 75 % المهم هى اعترفت لى انها بتحبنى و انا حاسس بكدا فهى فجأتنى فى يوم من الايام بانها بتقول لى انها موش عايزه تكمل معايا و عايزه تفسخ الخطوبه بس كانت بتضحك او بتكلم بهزار بس انا موش بحب الهزار فى الكلام ده فانا سألتها انتى ليه بتقولى انك موش عايزه تكملى معايا و عايزه تفسخى الخطوبه فقالتلى انا هكلمك بصراحة زى ما احنا اتفقنا مع بعض اننا نكلم بكل صراحة المهم قالتلى انها بتحبنى اوى بس بتحس فى ساعات كدا انها موش عايزه تكمل معايا او موش عايز تجوزنى فانا قولتلها طب ليه بتقولى موش عارفه بس بجد انا بحبك بس موش عارفه انا بحس بكدا ليه و قالتلى انها قالت لامها . فامها قالتلها انتى شكلك معمولك عمل . انا بعد ما قالتى لى كدا انا قولت لنفسى ممكن عشان لسه سنها صغير شويا و بحكم انها فى سن مراهقه فهى بتفكر كدا لانى انا مشوفتش منها اى شئ يدل على انها موش عايزانى يعنى انا لما بكلم معاها فى تليفون حاسس بيها و حاسس انها بتحبنى و هى بتكلم معايا كما يجب ان يكون و حتى لما بنخرج مع بعض و حتى لما بزورها فى بيتها موش ملاحظ عليها اى شئ يدل على انها موش بتفكر فيا او موش معجبه بيا او موش بتحبنى فانا محتار موش عارف اعمل ايه افسخ الخطوبه عشان هى قالت لى كدا ولا اخد كلامها بكونها لسه صغيره فى السن و موش فاهمه اوى معنى الكلام ده ايه و على فكرة هى بجد خام اوى فانا اكتر حاجة شددنى ليها انا لسه خام فانا موش عارف اعمل ايه اريد منك المساعده ؟؟؟ و اسف على الإطالة !!!….
اخي الظاهر انو فعلا البنت لسه صغيرة وفي سن المراهقة ومش عارفة تعبر عن مشاعرها لك وكمان انت قلت انها بنت خام يعنى مالهاش تجارب او علاقات مع الشباب وده كويس ويدل على انها فتاة على خلق وتربية ومحترمة انصحك بالاستمرار معها ومع كثرة الزيارات بينكما والتقارب سوف تتغير للافضل وربنا يسعدكم ويوفقكم في حياتكم الجاية