السلام عليكم
في بنت عجباني من زمان ,شفتها ف مكان شغلها,سألت عليها مديرتها , قالت إنها مش متجوزة , بس كانت متجوزة لفترة ست شهور,
قعدت أفكر كذا شهر,و لقيت إنني متقبل للفكرة,رحت سألت تاني,عرفت إنها خلعت جوزها,و الناس شكرت ف البنت بشكل عام
فتحت الموضوع مع مامتي,و مقفلتش الباب معايا,و قلتلها تروح تقابل البنت,أنا كل ده ما كلمتش البنت,عشان موعدهاش,و بعد كده أهلي يرفضوا
مامتي ولا رحبت بالفكرة ولا رفضت الفكرة,قالتلي الأفضل تتجوز واحدة بكر,و حطت الكورة ف ملعبي,و أنا صاحب القرار
رحت قابلت البنت,و اتكلمت معايا,و في تجاوب إلي حد ما,بس مش عارف أفتح الموضوع مع والدي إزاي,و عايز أعرف أبعاد الموضوع عل مدي البعيد
شكرا
شوف يااخي الزواج من مطلقة ليس حرام ولاعيب وطالما ان الفتاة على دين وخلق ومحترمة ومن عيلة كويسة فلا يمنع انك تتزوج بها ومسالة انها مطلقة فدي سنة الحياة ولاحدش عارف ظروف طلاقها ربما يكون الزوج غير مناسل لها او في مشاكل بينهما ادت للطلاق وان كنت افضل انك تتزوج من بنت بكر عذراء فهذا هو الاحسن ولكن دي حياتك وانت صاحب القرار وتمنى لك الخير والسعادة معها طوال حياتك