مشاكل الزواج

امى عايزة تجوزنى واحدة اكبر منى ب 10 سنين

انا شاب فى اول العشرينات و كأغلب الشباب لسه فى بداية الطريق و لسه بدور على شغل و عندى مرض منذ الطفولة بس حالتى مستقرة و الحمد لله و المرض بيرتد عليا لو اتنرفزت بس و امى عايزة تجوزنى واحدة تعرفها اكبر منى ب 10 س لانها معتقدة انها انسب واحدة لى لانها بتحبنى و حتتحمل مرضى و فقرى و حترضى بالزواج مع امى و حتحب امى و انا البنت دى احيانا بحس انها بتحبنى و احيانا بحس انها شايفانى مجرد عريس لقطة و حنتشلها من بئر العنوسة ال واقعة فيه و خاصة انى شاب بدل ما تتجوز كهل عنده 50 س و سبق له الزواج و ممكن تربى له ولاده كمان.السؤال هنا:انا بصراحة مستخسر نفسى فيها لأن ان كان على الفقر فانا لسه فى بداية الطريق بحكم صغر سنى و بكره اكيد حبقى جاهز للجواز و ان كان على مرضى ففيه اصخم منى و بيتجوزوا و يتشرطوا كمان و كون انها بتحبنى او بتحب امى و حتستحملنى و مش حتنرفزنى فهى ممكن تكون مبينة لنا كده انما ممكن تكشر عن انيابها بعد الجواز و هى صحيح طيبة انما مش هينة و ما بتسكتش عن حقها و ده حال البنات الكبار وهى دى مربط الفرس و نقطة خوفى منها و امى بتقول لى حد طايل عشان ما توجعلكش دماغك بحاجة بحيث لو حد أتعرض لها تبقى هى ال تقف له انشله تعمل له محضر و لو ولادكم دخلوا المدرسة و طلبوا استدعاء ولى الأمر تبقى هى ال تروح.مع العلم هى شخصية قيادية و بتحب هى أل تعمل كل حاجة.فهل اتجوزها و اسمع كلام امى و للا استنى شويه و أمى بتقول لى لو استنيت لحد ما عمرك يبقى 30 فحتى أل زى دى مش حترضى بك لأنك حتبقى كبرت و شكلك أوحش و هكعت شويه و ممكن تكون ما كونتش فلوس كمان فجاذبيتك دلوقتى فى صغر سنك مع العلم انا صحيح ما بحبهاش بس ما بحبش حد و متهيأ لى مش ححب حد لأنى عمرى ما حبيت واحدة لأنى شخصية عملية

مشاكل وحلول ذات صلة

اضيف بتاريخ: Friday, December 15th, 2017 في 15:01

كلمات مشاكل وحلول: , , , , , ,

4 رد to “امى عايزة تجوزنى واحدة اكبر منى ب 10 سنين”

  1. Dr-aaa
    21/12/2017 at 12:39

    في مشكلة معروضة تحت باب مشاكل الحب وفرق السن بعنوان انسة فوق الثلاثين وأحب شخص اصغر مني بعشر سنوات،،ياترى هل كاتبة القصة هي من رشحتها لك والدتك،،شوفالمشكلة المعروضة وتقدر تخرج بحل

  2. taha
    17/12/2017 at 15:51

    هل امك بتحبكظ؟طبعا جدا جدا هل امك بتفكر كويس ؟ بحكم السن طبعا طبعا وجدا اذا هي عرفاك وحالك وظروفك وواضح انها عارفاها وحالها وظروفها اذا اختيار موفق وهايل ما تضيعوش تزوجها تزوجها تنجح بفضل الله وباختيار ست الحبايب

  3. ريماس
    16/12/2017 at 22:23

    مسأله انك مش بتحبها دى فممكن تحبها ف فتره الخطوبه بس لو انت مش عاوزها فبلاش احس تتجوزها والفقر مش عيب معظم الشباب حالتهم المديه مش تمام فده مش عيب فيك وبعدين ف بنات كتير سنهم صغير بيقبلوا بأى حاجه مدام شايفين ان الشاب محترم ومتقبلش بحاجه انت مش عاوزها بحجه فقر او مرض ويعنى ايه مش هتنرفزك مفيش اى حياه من غير مشاكل اصبر وادعى ربنا يشفيك ويغنيك بالحلال ومتحطش الفقر او المرض عائق انت ماشاء الله عليك احسن من ناس كتير اوى كفايه انك قادر على الحركه والكلام ووبعدين هي هتبقى مسيطره اوى وانت هتحس قدامها بالضعف لانك هتحس انها عاوزه تسيطر على حاجه وصدقنى في بنات كتير محترمين وجمال ويقبلوا بوضعك بس انت ضور ومتسأسش ابدا ومتتنازل بسبب مرضك وبعدين مرض ايه بس منت كويس اهو وفقر ايه بس ياعم صلى ع النبى هو حد لاقى ياكل مش لوحدك اطمن

  4. ابوالبتول
    15/12/2017 at 23:29

    ياابني مش حرام ولاعيب انك تتزوج وحدة اكبر منك في السن الرسول الكريم تزوج من سيدتنا خديجة رضى الله عنها وهي اكبر منه ب 25سنة وانجب منها الابناء والبنات وكانت نعم الزوجة الصالحة وقفت معه وساندته باموالها حتى توفيت والرسول راضي عنها وصدقني امك تحبك وتريد لك الخير تعرف عن مصلحتك اكثر منك اسمع كلامها واطعها طالما انو البنت كويسة ومحترمة وعلى دين وخلاق وطيبة وبالعكس سوف تكون سعيد بزواجك من هذ الفتاة احسنلك من زواج بفتاة مراهقة ماتعرفش تتصرف ولاتحسن التعامل للزوج وانما دي عندها صارت امراة مكتملة الانوثة وناضجة وعاقلة وتحسن التصرف والتعامل طوال حياتهاالزوجية ومن الناحية الجنسية سوف تكون مرتاح وسعيدجدا معها احسن من غيرها لانها بتكون عارفه كيف تكون العلاقة الحميمة وعندها من الخبرة والمعرفة الكثيلر من اي فتاة في سن المراهقة ومسالة انها ذات شخصية قوية فهذا كويس انو زوجتك تكون بهذا الشكل وتقدر تدافع عن نفسها وعنك وعن بيتها واولادها ولاتنسى انها تحبك وتحب امك وامك ايضا تحبها وده يخلي حياتكم مستقرة وسعيدة وخالية من المنغصات والمشاكل ارى انك عايز تحجج والسلام برفضك الزواج من الفتاة وتضع العقدة في المنشار منذالبداية وتتوهم امور واشياء بعيدة اذا كنت فعلا مش قد الزواج سوا منها اومن اي بنت اخرى فاخبر امك بالحقيقة وصارحها وبلاش تظلم بنات الناس معك هذا هو الحل الصحيح وحرام تظلم البنت معاك

اترك رداً أو حلاً لهذه المشكلة