مشاكل الزواج

خلافي مع اهل من احبها

كان ليا زميلى فى الكليه وكنت انا وهوه اكتر من الاخوات واكلين شاربين نايمين قايمين مع بعض هوه كان عايش فى ليبيا وجه من ليبيا دخل الكليه معايا وكان لينا انتيم تالت المهم صاحبى ده الاول كنت اعرف انه له اخت واحده وفى مره من زات المرات اللى كنت موجود فيها فى بيته فوجئت ببنت زى القمر نازله من البت من الدور التانى وبصراحه اتشديتلها وطبعا زى ماقلت انا عارف ان ليه اخت واحده وانا عارفها ومش هيه اللى نزلت من الدور التانى ده المهم معرفتش هيه مين الا فى يوم من الايام لاقيته بيقولى انا رايح اجيب نتيجة اختى من الكليه رديت عليه قولتله انت يابنى اختك لسه فى ثانوى قالى لا اختى التانيه المهم عرفت بعد كده انها اخته وبصراحه مقدرتش اكلمها لانه صاحبى لكن انا كنت مشدود ليها جدا وكمان اتضح انها كمان مشدوده ليا وبقيت بصراحه اتصل على بيته فى اوقات ميكنش موجود فيها عشان بس اسمع صوتها ومكنتش بكلم فى حاجه انا بس كنت بسال عليه اذا كان موجود ولا لاالمهم جيت بعد ماخلصت الكليه اتجرات وكلمتها واتضح ليا انها نفسها تكلمنى من زمان برده المهم حصل انى كلمتها على التليفون وهوه عرف انى كلمتها زعل منى وعاتبنى المهم لان حالتى الماديه مكانتش تسمح انى ارتبط رسمى روحت كلمت مامتها بينى وبينها وقالتى ان شاء الله انتو لبعض المهم سافرت واشتغلت وربنا كارمنى الحمد لله ولما طلبت اديها رسمى موافقوش وطلعوا فيا القطط الفاطسه وانا وهى بنحب بعض جدا ولسه بنكلم بعض الى الان ونفسنانتجوز ممكن تدونى حل للمشكله ده بسرعه جدا