انا شاب مصري عندي27 سنه ومسافر الخليج و اثناء اجازتي السنويه خطبت واحده شفت فيها الطيبه والاخلاق الحسنه وكتبت كتابي عليها وثم سافرت وفي اثناء سفري حصل احتكاك بين زوجتي واهلها و اهلي فشوفت من امي غضب ورفض قاطع و مصممه جدا اني اسيبها ولاسباب انا شايفها غير كافيه زي مثلا انهم مش زينا خالص في التعامل والمستوي الفكري لاننا من المدينه وهم من القريه ولانها ردودها علي والدتي تخلو من الزوق وجافه وحاده وعنيده (هكذا حكم والدتي عليها) ومن ناحيه تانيه البنت لو سبتها هتكون مطلقه و كده ممكن يكون فيه ظلم ليها بالاضافه انها بتحبني جدا جدا وانا كمان بحبها واهلي بيقولولي انها هتكون زواجه غير ناجحه لاختلاف الكبير وعدم التوافق والتفاهم و ان الحب ده بيروح مع الوقت ..انا مش عارف اعمل ايه لان اهلي بيهددوني انهم مش هيحضروا فرحي و هيقاطعوني لو اتممت زواجي منها .واحيانا احس انهم موافقين علي مضض وغير سعداء اعمل ايه واتصرف ازاي……. اطيع اهلي واسيبها ولا اتمم الموضوع وزي ماتكون وهل طاعتي لامي وابي واحبه في هذا الشأن؟؟؟ انا متردد ومحتار ومش عارف اعمل ايه؟؟ساعدوني
شوف يااخي عاوز تخسر اهلك علشان البنت دي كون عاقل واتقي الله عزوجل في نفسك وفي اهلك واعلم ان طاعتهما ورضاهم من رضا الخالق عزوجل وواجبة عليك الاهل عمرهم مايتعوضوا لكن البنت تتعوض وتلاقي احسن منها مليون مرة وكل شئ قسمة ونصيب وربنا بيبارك فيك ويكرمك بخير منها ان شاء الله لانك اطعت ابوك وامك ولاشئ عليك ان تركت البنت دي طالما ان اهلك غير راضين عنها ولاعن تصرفاتها معهم
حاول تصلح بينهم وكلم مراتك وفاهمها براحها انها تعتبرها زي والداتها وانشالله خير وانا شايف انك لو سيبتها يبقي كدة انت بتظلمها