انا طالب في السنه الخامسه من طب القصر العيني وعايش في القاهره .. المشكله اني حبيت و عشقت واحده من صيدلة بني سويف في سنه تالته حاليا .. عرفتها من 3 سنوات و بتكلم كل يوم اكتر من 4 ساعات و بنزلها نظرا لظروف الدراسه و المسافه من 4 الي 5 مرات ف السنه اشوفها و بكلمها على الفيس بوك او الموبايل .. المهم مامتها و اخواتها عارفين اني بكلمها .. اول ماعرفتها حكيتلها ظروفي اني مش هعرف اخطبها قبل ما اخلص 6 و اتجوزها بعد لما اخلص بسنتين اكون رتبت حالي و استلمت التكليف دا اول ماعرفتها بس انا دلوقت مش قادر اقعد معاها اكتر من كدا من غير حتى قراية فاتحة و تلبيس دبل وللاسف اهلى مهتمين اوي بموضوع الدراسه و مش موافقين ع اي حاجه قبل ما اخلص 6 يعني كمان سنه و نص (مدة الدراسة) وهي مش هتصبر ولا انا في الوضع دا ان كلامنا و مقابلتنا كلها من ورا اهلنا و بصراحه ان نفسي ابسطها حتى لو بدبلتين احسسها ان في امل اكون ليها بدل الاوهام والاحلام اللي معيشها فيها .. المهم امي رافضه تماما اخر السنه دي و ابويا مليش كلام معاه اوي لانه بيرفض من غير مايعرف الموضوع وشايل ايده من اي مصاريف او فلوس زياده .. دا اللي خلاني انزل اشتغل مع الدراسه والله ماتتخيلو الوضع صعب ازاي طب و شغل مع بعض بس انا بحبها و نفسي نتجوز ف اقرب وقت و مخليهاش تستناني 5 سنين كمان والحمد لله بس اهلها مش هيقعدوا معايا من غير اهلي وانا نفسي اروح لباباها احكيله عن ظروفي قريب بس لو قالي احنا عازمنكم عشان نتعرف ع اهللك .. اجيبهم منين ؟؟ نفسي اقنعهم بتلبيس دبل لحد ما اخلص الامتياز بعد 6 ونبدا خطوات ايجابية في فرش الشقة وتجهيزها .. نفسي اخطوبها ف العيد الجاي دا .. اعمل ايه؟
شوف يااابني انت شاب كويس ومحترم جدا ومكافح وطموح وربنا هيوفقك ويكرمك ان شاء الله طالما انك تريد الحلال وترغب فيه مع البنت دي مش عاوز الياس والاحباط يخليك تتركك البنت اللي تحبها حاول اقناع اهلك بانك لقيت بنت الحلال الصالحة اللي تسعدك في هذة الحياة وترجوا منهم يرحوا يخطبوها لك ولااظن اهلك ابوك وامك يعارضوا او يقفوا في طريق سعادتك ياابنى دي الامنية اللي يتمناها كل اب وام ان يشوفوا ابنهم عريس وسعيد مع بنت الحلال اللي تستاهله وان تعنتوا شوي في الموضوع فشوف احد من اقاربكم عم اوعمة او خال اوخالة لهم كلمة وتاثير على اهلك حتى يقنعوهم بخطوبتك من البنت دي وربنا يسهل الامور ويجعلها من نصيبك ويتمم لكم بالخير ويؤفقكم ويسعدكم ان شاء الله تعالى