السلام عليكم.ان شاء الرحمن تكونوا بخير دوم يارب.ومعلش ان هطول عليكم شويا.بس ياريت تساعدونى بسرعة .وتعطونى خبرتكم ورايكم.اناشاب اتعرفت على بنت من خلال الفون..وكنا على اتصال عن طريف الفون والنت لمدة سنتين.من دون من نشوف بعض.الاصور لانها فى بلد غير بلدى وفى الفترة دى حصلت حجات كتير بنا.طبعا حبينا بعض واتعرفنا على بعض قوى.لدرجة انى كلمت اهلها انى عايز اتزوجها لانى فعلاكنت عايز اتزوجها.انما فى الفترة دى حصل موقف اننا زعلنا واتعصبنا وهيا بعدت عنى.و انا كلمتها عن طريق النت على انى واحد تانى بس معرفة من العائلة.وفوجئت بالصدمة كبيرة جدا جدا.انها كلمتنى وتجاوبت معى قوى.بعد مكانت تقولى استحالة تكلم غيرى اواصلا تسمح لحد يكلمها ولا تفتح قلبها.لما واجهتها انهارت وبكيت وكلمت اهلها كلهم انهم يرجعونى.وقالت انها ما حبتة ولا كلمتة طب ازاى ماانا اللى كلمتك هوا هوا.تحلف وبس وتبكى فى الفون لدرجة انها حاولت تنتتحر.بجد والله اناشاب متعلم ومعى ماجستر.يعنى مش للدرجة ما افهم فى الناس.بس انا حبيتها فعلا. ولمارجعنا تانى حلفتنى انى انسى ومرت سنة وما عرفت انسى وضاعت ثقتى بيها وانا اتغيرت ناحيتها.. ولكن هيا بقيت حساسة وتخاف علياوبتحبنى قوى ولو غيبت يوم تتصل الف مرة وتقولى هموت من غيرك.كملت معاهارغم انى لحد ها الفترة لسة خايف منها علشان كلمت غيرى .المشكلة ان اناطلبتها من اهلها فى الفون وهما منتظرينى.فى بيتهم قريب.لانى ارتبطت معاهم بكلمة.بس ما حد يعرف ان بنتهم خدعتنى مرة ولا كانت قاسية معى زمان. وانا مش عارف ابعد عنها خايف اكون خاين وبايع رغم انها باعتنى زمان وخايف من .داين تتدان. قوى.رغم انى ما قربت منها لانى ما شوفتها فى الحقيقة.وكمان من كلامها انهارفضت عرسان علشانى.طيب اناعايز اخد رايكم هل ابعددعنهاوانساها واغير فونى وميلى بعد سنتين مع بعض.ولا اكمل واتزوجها.رغم اللى عملتوا معايا مع العلم انها دلوقتى بقيت حنينة جدا وحساسة بس انا من جوايا خايف ومش مرتاح وقولتلها وهيا تقولى ما هقدر ابعد عنك وانت تبقى خاين وبايع.هل ياجماعة ابعد واغير فونى وادوس على قلبى وهل دة مش حرام .و لا اكمل معاها مع العلم انى قايل لها مش مرتاح وعايز ابعد لانك خونتينى زمان تبكى وتترجانى.هل الزواجة دى هتكون ناجحة رغم انها من بلد تانى بس من نفس الدولة بس بلد اخرى وعادات اخرى وثقافة غيرحتى هياجميلة بس مو فى نفس مستوايا الثقافى كمان هتكون بعيدة عن اهلها وانا قولتلها وعرفتها بكدة.ولا اتزوج من محافظتى وافكر بنفسى بدل المشاكل بينا فى المستقبل وابقى فى نظرها ونظراهلها خاين وبايع وا وا وا .مع العلم ان والدها متوفى ويتيمة.بس كل اهلها واخواتها عارفينى وواثقين فيا جدا.لانى بعرف ربى.اة الحل رجاء ساعدونى انا فى محنة وتعبت من التفكير يارب تفيدونى برايكم بسرعة جدا.والله يديمكم بخير يارب. ومشكورين للمساعدة مقدما.
السلام عليكم ورحمة الله وبركاته
أخي الكريم نصيحتي لك على خطوتين: خطوة بينك وبين ربك وخطوة اخرى بعدها تكون بينك وبين البنت وأهلها.
فالخطوة التي بينك وبينك ربك هي أن تستخير الله تبارك وتعالى، استخره بقلب مستسلم ومعترف بالذنب ومحتاج للرحمة .. ضع مشكلتك بين يديه واعزم على الرضا بما اختاره الله لك. نعم هذا هو سر الاستخارة: أن تعزم على الرضا بما اختاره الله لك مهما كلفك الامر.
الخطوة الثانية بينك وبين البنت وأهلها، وتفعلها بعد الاستخارة، وهي أن تفي بوعدك لهم وتتقدم لها بما يرضي الله، تتقدم لها وقلبك معلق باستجابة الله لاستخارتك .. فإن تيسرت أمور زواجك فابدأ معها زواجا يرضي الله ولا تظلمها وانسَ صفحة الماضي، فكما هي أخطأَتْ، أنت أيضا أخطأْتَ بتواصلك معها .. وكما سامحت نفسك، وجب عليك ان تسامحها وتصلح حالك وحالها.
إما إن تعسرت أمور زواجك بها بعد أن تتقدم لها فاعلم ان الله تعالى اختار لك ولها طريقين منفصلين عن بعضهما.
وفقك الله ووفقها لمرضاته.