السلام عليكم ورحمة الله وبركاته انا شاب عندى 25سنة خاطب وبحب خطيبتى جدا وبموت فيها ومقدرش اعيش من غيرها كانت راجعة من الكلية وحدث لها حادث سيارة وهى الوحيدة التى نجاها الله من الحادث ولكن باصابة فى اعلى قدميها وكسور فى المفصل العلوى سبب لها اعاقة مستديمة وقلت لها لن اتركك ابدا مها كنت قالت لى ان الدكتور قالها انها لن تستطيع الحركة بعد اليوم وانها مصممة على الا اتزوجها ابدا بحجة انها لن تنجب بسب الحادث وحاولت انى اقنعها انى بحبها هى مش جسدها وكل يوم بذهب ليها فى المستشفى واطمن عليها والان هى رفضت حتى انى اشوفها وبتقولى ان هيا خلاص انتهت ومش هنقدر نكمل مشروع الزواج انا مستعد واتمنى والله انى اخدمها واشيلها فوق راسى مدى الحياه بس تتراجع عن قرارها المفاجىء ده ونتزوج انا معاها بحس انى بملك الدنيا كلها مش قادر انام ومش هقدر اتزوج غيرها وقلت الكلام ده لاهلها وكلموها كتير اوى وكل يوم بروح للمستشفى ونفس اقابلها عايزها توافق اعمل ايه وببعت ليها جوابات مع مامتها كل يوم وهى بتزورها مش قادر اتخيل حياتى من غيرها انا مش عايز اطفال وانا هخدمها والله ساعيش لها طول حياتى اخدمها اعمل ايه
بص ياسيدي ادخل لها الاودة بالعافية و اقعد جمبها و بوس قورتها و خدها في حضنك و قولها الكلمتين اللي انت كاتبهم فوق، و فهمها ان موضوع الخلفة او حتي عجزها ده شئ بيد الله سبحانه و تعالي حتي لو اجتمع الاطباء علي انها مش هاتخلف او هاتفضل عاجزة، اطلبوا انتوا الاثنين من ربنا و اتمسكوا ببعض اكثر علشان هي بتحبك اوي و خايفة ان عجزها ده يبقا ثقيل عليك او مش مخليها مكتمله في عنيك، و فهمها انكوا هاتتجوزوا مش داخلين سبق.
و جميلة اوي قصة الحي اللي مابنكوا صدقني كان نفسي اعيش قصة الحب اللي انت عايشها، اتمسك بيها علشان الحب اللي انتوا فيه ده مش هتلاقيه عمرك مع غيرها. فحافظ عليه و الف مبروك مقدما
ماشاء الله تعالى, انت انسان طيب فعلا لن تجد هذه المسكينة شخص يتقبلها غيرك وانها ستوافق لا تقلق وبالنسبة للاطفال يمكنك فيما بعد ان تتزوج باخرى وتبقى قصة الحب الرائعه هذه بينك وبينها الى الابد ان شاء الله تعالى
ما شاء الله علي الوفاء وربنا يكثر من امثالك ولكن اريد ان اوضح لك انك تمر ايضا بحالة صدمة وغير مدرك لارض الواقع لو حدث الزواج فبعد ان تفق من احلامك ستجد انك تريد زوجة تتمتع بها وزوجة تقوم علي خدمتك وليس عب عليك وستشتاق بمرور الوقت الي الاطفال وتحس بالتعاسة لذلك انصحك ان تعيد تفكير وتعطي لنفسك وقت لتفكير مرة اخري واعلم ان اذا مازلت مصمم علي رايك وموقفك ان بعد مرور فترة من الوقت اذا عودت الحديث وموضوع الارتباط الي خطيبتك سوفي توافق باذن الله
انا مصدومة جدا بارك الله فيك ربي يجعل كل الشباب مثلك
بالتاكيد خطيبتك الان لا تريد رويتك لانها منهارة وتشعر ان حياتها انتهت وخلاص انتهى الامر ولكن ستهدا بمرور الايام وستقابلك وتقدر وقوفك معها
صدقني لن تنسى لك هذا الموقف
انت بالفعل إنسان رائع …خطيبتك انا اتفهمها بصراحه لانه لو كنت مكانها بسوي نفس الشي بس صدقني حاول معها لاتباس لانها من حبهاا لك تسوي كذا وبالاخير بترجع لك وإن شاء الله ربي يشفيها ويجمع بينكم ع خير
بارك الله فيك وجمع بينكما ان شاء الله الواحد كان حاسس أن الشباب اللي زيك أنقرضوا بس رجعتلنا الأمل تاني
علفكرا اللي زيك خلصوا من زمان بس انا بنصحك انك تكمل معاها وخليك جمبها علشان دا اكتر وقت هي محتاجاك فيه
والله انك ابن حلال وشهم واحي فيك رجولتك وشهامتك وقلبك الكبير وتاكدانواللي صارمع خطيبتك هوامتحان من الله عليكماالايمان بالقضاءوالقدر وتوودلها بالزيارةوالاطمنان عليها والسؤال عنهاوعن احوالها وصدقينى هي مرحلة نفسية وتزول وترجع خطيبتك تبادلك الحب والمشاعروالعواطف وعمرهاماتنسى وقفتك معهااثناءالازمة والشفاءبيدالله عزوجل يااخي اذامافي علاج له ببلدكم ممكن تلاقيه بدولة اخرى وانت كثرخيرك ماقصرت معها ومن حقك تشوف حالك مع امراةاخرى دام هذي رغبتهافهي تريدلك السعادةوالخير وهذاقمةالوفاءمنها وربي يمن عليهابالشفاءالعاجل هي وكل مرضى المسلمين ولايحرمكمامن بعض ويجزل لك الاجروالثواب على ماقدمت معها
السلام عليكم ورحمة الله وبركاته
ياسلام على القلب الكيير :))
خليك جنبها وباذن الله بعد فتره ستوافق هى بس فى فتره الصدمه من اللى حصل لها
لك الاجر والثواب عند الله لان ده ابتلاء لك ولها
وفقك الله