انا خاطب بنت عمى وبحبها جدا بس حاسس ان هي متغيره معايه اخر فتره وانا الصراحه بيبقي اسلوبي عليها قاسي جدا بزعق وبتنرفز جدا وعصبي وهي عارفه ده واوقات بتستفزني وكل يوم يحصل مشكله مابينا مش بيعدي يوم الاما بيحصل مصيبه وخناقه وانا من جوايه بحبها ولما بتبعد عني ببقي تعبان نفسيا جدا ولما بتكلمنى مش بحن ليها خالص وببقي قافل منها ومن تصرفاتها بس بيني وبين نفسي ببقي مخنوق مش عارف انا كده اتجننت ولا ايه ولا نسيب بعض احسن ولا ايه انا خايف اظلمها بصرف النظر ان هي بنت عمى وحببتي بس عشان انا عندى اخوات بنات وخايف عليهم انا مبقتش فاهم اخر مشكله احنا فيها دلوقت تقريبا كده جبنا اخرنا من بعض علي فكره بقلنا 4سنين بنحب بعض 3قبل الخطوبه خلاص خللنا من كتر الحب انا بيتهيقلي ان الموضوع ده قصر علينا بالسلب مش بالايجاب احنا بنتخانق علي اتفه الاشياء انا تعبت حد يشفلي اي حل بعد ازنكم عشان انا اتخنقت من نفسي
انت مش بترتاح لمن بتكلمها يبقى مش بتحبها.. انت بس اتعودت عليها و عندك احساس بالالتزام بها…. واصاين اخركوا و انتو مخطوبين امال لمن تتجوزوا و تربعنوا هتعملوا ايه؟ هي كمان باين انها مش بتحبك… مجرد هرمونات و تستلطاف و افتكرتوه حب…. اهم حاجة هي انك لمن تكلمها و لو كنت في جحيم فلازم تحس بالراحة
القرار يعود اليك و صدقني حكاية تظلمها ديه انت هتظلمها اكتر لو كملت معاها من غير حب و تفاهم
بالتوفيق
ببساطه الامور مش متعقده زي ما تتخيل واللي معقدها هو تراكم المشاكل بينكم وانكو بتسيبو مشاكل تعدي من غير ما تحلوها مع بعض وبتعدو لبعض وخلاص لمجرد ان في حب بينكم بس اللي بيحصل ا كل مشكله اتسابت ومتحلتش بدل م بتقربكم من بعض لا بتخلق جدار بينك وبينها ده غير طريقتكم انت عايز تفهمني ان واحده بتتعامل بالطريقه اللي انت بتعاملها دي وبردو بتيجي علي نفسها وتكلمك بدل ما انت الراجل اللي تتنازل وتصالحها وتفرحها بحاجه ببساطه كل المشاكل اللي بينكم دي تخلص في قعده رومانسيه وخروجه كويسه من غير مشاكل سوا وهديه بسيطه منك توضحلها اهميتها عاندك حسسها بالامان واحساساك وحبك بيها من الاخر حس بيها وحسسها بيك من تاني وهتمحي كل اللي فات..تقبل احترامي 🙂