انا شاب 19 سنة في اولي كلية عندي تعب نفسي جامد جدا ومشاكل نفسية مخلياني عقلي مش مظبوط اوي واصغر من سني بكتير دايما بحس اني مش مظبوط. انا شخصية ضعيفة جدا وعندي كمية ضعف وجبن وعدم ثقة بالنفس بطريقة غير عادية. مبعرفش اواجه اي حد خالص بمعنى اصح علي طول ساكت بحاول بقدر الامكان ابعد عن اي مشكلة مع حد في الجامعة او في الشارع او في المترو والمواصلات دايما ساكت ومبتكلمش لدرجة بقيت حاسس اني مش من حقي اصلا اني اعترض علي اي حاجه مضايقاني من حد عندي كمية ضعف وجبن الجرأة اللي عندي مش ضعيفة وبس دي تكاد تكون منعدمة اصلا.
طبعا دا مأثر عليا في الدراسة بمعنى ان مستوايا الذهني بقي علي قدي جدا وذكائي قل جدا بدرجة غريبة بمقيتش اعرف افكر ونسبة تركيزي ضعيفة جدا سواء في المحاضرات او في اي موضوع عادي، ادراكي للاشياء بقي قليل جدا بقيت حاسس اني عندي فصام في الشخصية فعلا حاسس اني مش مظبوط نهائي بس طبعا بحاول علي قد ماقدر مابينش، لكن طبعا باين من تصرفاتي اني انطوائي جدا ومعنديش ثقة في نفسي.. المهم
اتجهت للتدخين وابتديت اشرب سجاير بقالي تقريبا 5 شهور في الفترة دي كنت مستقر نفسيا الي حد ما من ساعت ما ابتديت اشرب سجاير في الجامعة وفي البيت بقيت اهدي درجة بسيطة من الاول مش عارف ايه العلاقة. بس بحس اني بالسجاير بتخليني متزن نفسيا شوية ببطل اكلم نفسي وانا قاعد لوحدي وببتدي احس اني طبيعي شوية حتي بتساعدني شوية علي تقبل الايام اللي بمر بيها وبتساعدني كمان علي المذاكرة. الخلاصة اني بقيت مستريح وانا بدخن.
المهم اني مستمريتش علي كدة للاسف لاني تعبت منها وحاليا صدري وقلبي تعبانين وضربات قلبي سريعة دا طبعا خلاني اضطر اني ابطلها مؤقتا بس فعلا مش مستريح من ساعت ما بطلت وحالتي ساءت جدا ولاحظت اني من غيرها فعلا مش مستقر نفسيا لانها بتساعدني اني اتقبل الوضع اللي انا فيه وبخرج همي فيها دا غير انها بقت عادة بالنسبالي. من الناحية الصحية انا قادر ابطلها عادي جدا بس نفسيا فعلا مش قادر ابعد عن التدخين نهائي كل اللي في دماغي اني ابطلها مؤقتا لحد ما اخف شوية عن كدا وصدري يرجع عادي بس مش متخيل اني ممكن صدري ميستحملهاش تاني واني اضطر ابطلها علي طول فعلا نفسيا مش هعرف فانا دلوقتي نفسي اني ارجع ادخن بسبب التعب النفسي اللي عندي دا وف نفس الوقت مش مستحملها اعمل ايه بالظبط.؟!
مشاكل الشباب النفسية
تعبان نفسيا وابتديت ادخن ومش عاوز ابطل
اضيف بتاريخ: Saturday, November 4th, 2017 في 10:06
كلمات مشاكل وحلول: الجامعة, الحب, الدراسة, بنت, شاب, مشاكل
السلام عليكم وزحمة الله وبركاته
الحل سهل جدا
عليك ذهب الي دكتور نفسي بس كده
اه العلاقه التدخين بلحاله النفسيه
انا كان عند خجل شوي
كان الحل هو
عند انظر او مواجهة الناس تنظر اليه نظره عاديه اوقل منك
اذي يعني تقول في نفسك هذا الانسان لا يساوي شئ امامك وتقوله بقوي في نفسك وعزه
جربه مش هتخسر حاجه
بس كده الكلام ده فترت العلاج
حتي لا تكون مستكبر