دايما بحس انى الناس بتبصلى ودايما خايف منهم وبخاف من افكارهم يقولوا ايه عليا بخاف انى الناس تقول عليا حاجه غلط مع انى طبيعى وتصرفاتى طبيعيه الشعور ده من ايه وايه علاجه لو سمحتوا جاوبونى مع العلم انى اشعر احيانا انى لا اخاف من احد ولا اخشى شىء واحيانا العكس الرجاء الرد
دا اسمه القلق الاجتماعي وله اسباب كتير وعشان تتخلص منه لازم تقرأ في زيادة الثقة بالنفس وتنمية الشخصيه … ولما تنظر للناس عامة لا تنظر لهم كمجموع ولكن انظر لكل فرد لوحده .. لو كان في شخص واحد اللي قدامك اكيد مش هتكون مكسوف منه .. فاعتبر ان الناس دي كلها زي شخص واحد والطريقة دي هتخفف الخجل و كمان تأكد ان القلق دا انت السبب فيه لان الناس بنسبة كبيرة جدا مش بياخدوا بالهم ولا بيركزوا في حد و انت زيك زيهم فكن واثق في نفسك ومفيش حد احسن منك ولا انت اقل من حد .. لان كل الناس سواء و متتحرجش حتي لو اخطأت امام حد لان دا شئ عادي وكل الناس بتغلط ومفيش حد بيركز في حاجه ، انت اللي كبرت الفكرة دي في دماغك وبايدك تلغيها بالثقة والعزيمة واتوكل علي الله وعيش براحتك
دي عدم ثقه بنفس ممكن تكون تراكمات نفسيه العب رياضه وحاول تأكل كويس وحط تحتها ميت خط الأكل ليه تأثير جامد علي نفسية الانسان فيه حل كمان بس مش بفضله اوي انك تاخد ادوية رهاب الاجتماعي بس طبعا لازم تروح لدكتور