زهقت من حياتي بجد لا املك اصدقاء ولا استطيع الخروج للترفيه عن نفسي وياما حاولت اكون اصدقاء بفشل علطول وطول منا قاعد عمال قاعد علي الكمبيوتر والنت والتليفزيون اصحي من النوم افتح الجهاز بعد كدة اكل بعد كدة ربنا يفرجها بجد والله مش عارف اعمل ايه ارجوكم ساعدوني انا زهقت من حياتي زهقت وحزنت وبقو دايما في نفسي انا ليه كدة انا ليه انسان معقد في كل حاجة وهل انا السبب ام عائلتي ارجوكم ساعدوني انا بجد زهقت من الحياة
اخي العزيز كم سنة عندك وهل تعاني من مشاكل صحية ام لا عايزك تعرف ان وجود الاصدقاء مهم جدا في حياة الانسان ولاحديقدر يعيش بدون اصدقاء اواصحاب اصرارك على الجلوس في البيت مش كويس ويعود عليك بالاضرار الكبيرة من القلق والعزلة والاكتئاب والوحدة والانطواء والهموم والمتاعب لازم تخرج للحياة وتشوف الناس وتتعايش معهم وترفه عن نفسك امامك المجال متسع والخطوات كثيرة ومنها 1- ذهابك للمسجد لاداء الصلاة في وقتها جماعة مع اخوانك المسلمين وقراءة القران الكريم تشعر بالطمانينة والسكينة وتحضر مجالس الذكر من دروس دينية ومحاضرات وتستفيد منها في دينك ودنياك واخرتك 2- ابحث لك عن عمل شريف اليد العاملة خير من اليد العاطلة ومافيش احلى من الرزق الحلال والسعي فيه ربنا بيؤفقك وبيسهل امرك لاتقنط او تياس ابدا العمل هيساعدك على ايجاد اصدقاء وزملاء لك يكونوا خير عونا لك بعد الله في هذة الحياة وتتواصل معهم وتسال عنهم وهم يسالوا عنك 3- عايزك تقرا كثير في الكتب المفيدة التي تقوي افكارك وتحفز طموحك وتشجعك على اكتساب المعرفة والاطلاغ على ماذا يحصل في المجتمع وماذا يجب على الانسان ان يفعل لمواجهة الصعاب والمتاعب التي تعترض طريق حياته وكيف يتغلب عليها ويصنع نفسه من جديد 4- استغل وقتك على النت بدخول على مواقع تجلب لك الخير والنجاح والربح الوفير مثل دخول على المسابقات التي تنتشر على شبكات النت او دخول الاستمثارات والمرابحة من خلال شركات عالمية موثق بها ولها سمعة طيبة وارباحها مضمونة وكثيرا من الشباب دخلوا هذا المجال واستفادوا منه واصبحوا اليوم من الاثرياء ومن اصحاب الملايين صدقني بعرف شباب عمرهم مااشتغلوا ولايعرفون يفكون الخط وسبحان الله صاروا يملكون الملايين وحياتهم تغيرت للافضل والسبب انهم لم يعرفوا الياس او الاستسلام ابدا غامروا بشي قليل مما يملكونه من المال في هذة الصفقات المربحة من خلال النت وتحسنت احوالهم فوق ماتتصور الحياة كفاح ومغامرة والواحد يستفيد من تجارب الاخرين ويسعى لتطوير نفسه وصدقني لن تخسر شيئا وسوف تذكر كلامي لك وتدعيلي بالخير والله يؤفقك ويكرمك ويجعلك فرجا مماانت فيه ويرزقك من حيث لاتحتسب كن واثق من نفسك ومتوكل على الله عزوجل ولن تندم ابدا
انت لازم تبطل قاعدة البيت دي الصحاب مش حيجوا يخبطوا عليك ويقوللك نتصاحب لكن اخرج طب تخرج تروح فين ؟
١) اول حاجة مسجد المنطقة بتاعتك حتلاقي اكيد ان شاء الله صحبه طيبة ولو رحت وملقتش شباب غير المسجد لحد متلاقي مسجد تاني في تجمع من شباب يبقي هو ده وداوم عالصلاة فيه وواحده واحده بتلاقي بتتعرف عناس لما يلاقوك بتيجي المسجد علي طول حيحبوا يتعرفوا عليك .ودي البداية
٢) لو فشلت في الخطوة الاولي قدامك التانية عليك وعلي الجمعيات الخيرية لو انت من مصر وبالتحديد اسكندرية في جمعيات زي (رسالة _مصر الخير_شباب بيحب الخير) ده في جمعيات كتير انت لو ماشي فالشارع ولقيت جمعية خيرية بيحتاجوا دايما متطوعين.
٣) الخطوة التالته لا تياس لسه في كتير انزل اشتغل والله اقسم لك اجمل تجربة حتمر بيها انت تعليمك ايه لو جامعي انزل اشتغل في مطعم او محل ملابس اي حاجة بس تشتغل في حاجة تتعامل مع الناس تكسب جرآه رهيبة صدقني انا كنت شغال كاشير ووالله كونت صداقات جميلة والله وتجربة التعامل مع الجيست (العميل) ادتني ثقة في نفسي عالية
٤) الخطوة الرابعة بقا اقرا كتب وثقف نفسك ولان الكتاب خير جليس استغل وقتك صح لانك الناس حتحبك لما تلاقي ليك شخصيتك وفكرك ويحسوا انت بتفدهم مش تبقي معندكش فكره عن اي حاجة واعمل ليك شخصية ومتصحبش بردو اي حد وخلاص صاحب اللي يفيدك لانك لو خدت اللي يضرك مش حتدوم الصحبيه دي لان البداية غلط. لازم يكون عندك مواضيع تتكلم معاهم وشوف فيديوهات مضحكة عاليوتيوب تحسن نفسيتك. وادعي ربنا دايما يرزقك بالصحبة الطيبة وفاز من قال (يا رب) .
ربنا يوفقك ان شاء الله .(الصداقة احيانا هبه من الله فمتحزنش ربنا شايلك حظك في حاجة تانية )