انا شاب 27 سنة فئة أ (لقيط) تربيت فى دار ايتام واشتغلت بكل مكان وكل شىء الى ان علمت نفسي وحصلت على بكالوريوس تجارة دائما فى حالى وشخصية منطوية جدا ليس لى اى اصدقاء بحب القراءة جدا وبحب الجلوس لوحدي فى الظلام اتعرضت كتير لسخرية من الناس فى الدراسة والشغل لمجرد ان احد يعرف اني لقيط وكنت اترك الشغل وابحث عن غيره وناس كتير بتنظر ليا على انى ابن حرام وناس كتير كانت ينظروا لى على انى ضعيف عشان مليش اهل لدرجة انى اتعرضت لمحاولة اغتصاب فى المدرسة فى المرحلة الابتدائية حاولت اهرب لاكتر من مكان عشان اعرف اعيش بدون ما حد يسخر منى او يستغلنى لدرجة ان نفسيتي تعبت وكل يوم ببكي فى الظلام مش عارف اعمل وانا دايما محافظ على الصلاه وقراءة القرأن وفى حالى وبحب كل الناس لكن مش عارف اتأقلم مع المجتمع مش عارف اعيش بين الناس فى كل مكان حد يسألنى عن البطاقة وبلاقي تمييز وسخرية انا اسف للاطالة لكن حبيت افضفض معاكم ياريت تقلولى على اى حل مهما كان انا راضي بيه
مشاكل الشباب النفسية
سخرية الناس منى بسبب تربيتى فى دار ايتام
اضيف بتاريخ: Monday, February 26th, 2018 في 20:11
كلمات مشاكل وحلول: الابتدائية, الدراسة, شاب, مشاكل
لا تعير كلامهم أي انتباه وانسى الماضي اختلط بالناس وعادي هي دنيا .. ولا تحكي عن نفسك وحيد لأن ربنا معك وبسمع دعائك وحزنك واللي جوا صدرك ادعيلو ييسرلك طريقة تكون مرتاح فيها نفسيا والله ويهدي بالك ويعطيك اللي بتتمناه وما بعرف إذا ممكن تغير أوراقك أو تزورها وبعدها تروح لشغل تاني بس إذا كان بهاد الموضوع خطر كبير وسجن ف انسى الفكرة وتقبل مروري دمت بخير
يااخي العزيز بارك الله فيك ليس هذا ذنبك وانما ذنب اللي عمل فعلته وتخلي عنك وتركك تواجه المتاعب والصعاب في هذة الحياة كن واثق ان الله عزوجل معك ولن يتخلى عنك ابدا وخليك متوكل عليه وواثق من نفسك ومعتز بدينك واخلاقك وعملك ونجاحك في هذة الحياة تفرض على الناس احترامهم وتقديرهم لك الانسان ليس باهله ولاحسبه ولانسبه ولكن باخلاقه وعمله وده هو الاساس دع اللي يسخر منك ويتستهزا ولاتعيريه اي اهتمام وبص لمستقبلك ونجاحك في حياتك وافتخر واعتز بدينك واخلاقك وعملك لكن ده مايمنع انك تسال دار الايتام اللي عشت فيها وتربيت فيها وتعرف منهم مين الشخص اللي جابك وانت طفل صغير لتلك الدار اكيد هذة المعلومات موثقة ومقيدة عندهم اسم الشخص اللي اتى بك وعنوانه والتاريخ ورقم بطاقته وبكده تستدل على الخيط اللي يوصلك لحقيقة تعرف مين اهلك في قصص مشابهة تماما لقصتك حدثت لاناس اتولدوا بطريقة غيرشرعية قامت الام ووضعت هذا اللقيط عندباب مسجد لاجل تتخلص من العار اللي لحق بها وجاء احد المارة وخذه وسلمه لدار الايتام وكبر الطفل هذا في تلك الدار وعاش بها الى ان اصبح شابا بالغا ويافعا ولايدري عن اهله ابن مين هو ولكن بعد فترة طويلة ظهرت الحقيقة جات سيدة في الاربعين من العمر واعطت دار الايتام معلومات عن طفل رضيع ومواصفاته واخبروها بان شخص احضر ولدرضيع حصله عند احد المساجد في الحي الفلاني ونفس المواصفات تنطبق على الولد اللي تركته تلك المراة قبل 23سنة وتعرفت علي الشخص واعترفت له بانها امه وراح ليعيش معاها ولااريدك تفقد الياس من العثور على اهلك فانت اكيد ابن ناس وهتتعرف عليهم في يوم من الايام