مشاكل الشباب النفسية

مظلوم محدش فاهمني

بسم الله الرحمن الرحيم

اولا بشكركم على سعة صدركم وثانيا اتمنى تتحملوني شويه
انسان بسيط جدا وسيم بفضل الله متفوق دراسيا وحساس جدا واتخرجت من سنه ونص تقريبا مشكلتي ان اهلي كانو بيفرقوا بيني وبين اخويا هو واخد كل حاجه وكان معانا فلوس واتصرفت على فرحه واشتروله شقه في مكان راقي وشقه تانيه يتجوز فيها وسفروه من سنين واشتغل واتجوز وخلف ربنا يزيده كمان وكمان بس دلوقتي انا لوحدي قالولي هو هيساعدك تسافر وخطبت على اساس انى هسافر ليه لكن قالي ان مش هينفع ياخدني عنده واشوف اي مكان تاني اسافر فيه…طبعا اهل خطيبتي لما عرفوا فسخوا الخطوبه ةدا اثر عليا جدا .. وحاجات كتير اوي خصلت من دي وجعتني ودلوقتي حاسس اني لوحدي حاسس اني يتيم اهلي على طول في صفه واذا احتاجو حاجه بياخدو مني مع ان بشتغل شغل بسيط واخر الشهر مش معايا ولا جنيه بس بياخدو مني واقولهم طب اطلبو منه يقولو هو في غربه ولازم نحافظ على فلوسه الكلام دا خلاني احس بحرمان شديد وسيبت الشغل عشان محدش يطلب مني وانا معييش ولما بيطلبو واقولهم مفيش معايا يلوموني ويطالبوني اشتغل واسافر اقولهم اخويا سابني… طب ساعدوني انتم اسافر يقولو استلف انت وسافر ولما اقولهم على اللى انا حسيتو يضحكو عليا وعلى مشاعري ويقولو انى مبفهمش مع العلم انى بسمع الكلام ومطيع اكتر من اخويا اللي بيعلى صوته ويتكبر عليهم بماله
انا محنوق وكل يوم اقعد في اوضتي لوحدي ابكي مش عارف اعمل ايه حاسس اني بموت
اسف اني طولت بس حسيت ان هنا المكان الي اقدر افضفض فيه حسيت انكم اصحابي واخواتي

مشاكل وحلول ذات صلة

اضيف بتاريخ: Tuesday, February 27th, 2018 في 17:11

كلمات مشاكل وحلول: , , , , ,

2 رد to “مظلوم محدش فاهمني”

  1. فيكتور ريزنوف
    22/04/2018 at 09:28

    انت مظلوم فعلاً لانك العقل المدبر للعيلة كلها والجسر الي بيمشوا من عليه اعتبرها ميزة مش عيب واذا كان على الشقة الي انت زعلان عليها فأغلب الشباب في سنك بيتجوزوا في الشقة الي اتربوا فيها

  2. عبد الجليل محمد
    01/03/2018 at 16:57

    اسمع اخي الكلام سهل لكن عن تجربه ارجع شغلك ولو طلبوا منك اعطيهم بطيب خاطر وان شاء الله عزوجل القرش الذي تخرجه باليمين ستاخذه بالشمال اضعاف اصبر والله عزوجل موجود ولاتخاف المهم صلي وارجع له وادعي فالدعاء والصبر مفتاح الفرج

اترك رداً أو حلاً لهذه المشكلة