شاب عندى 18سنة اعيش منذ طفولتى عند خالى بسبب فقدان الوالد والوالدة اعيش وحيدا رغم اننى مع ابناءخالى نعيش جميعا سويا فى بيت واحد ولكننى لا اتكلم مع احد نهائيا واجلس وحدى دائما ولا يوجد لى اصحاب ولا احب الخروج من البيت الا للدراسة او المسجد فقط وافضل دائما الجلوس فى حجرة فى الظلام واقعد فى احد زوايا الحجرة واخاف ان احد يرانى او احد يتحث معى او يكون موجودا وانا اغير ملابسى حتى طريقة نومى بنام منكمش وغير مفرود واحيانا انام على بطنى واكون عايز اهرب من الحياه فى النوم بحس دايما انى مش عايز الدنيا وبفضل دائما الصمت ولما امشى فى الشارع احس ان الناس كلها بتتفرج عليا وحتى فى الاكل اكل لوحدى مش بحب اكل مع اى حد خالص وفى المدرسة كنت اقعد لوحدى مش بحب اخطلط بحد وفى حصة الالعاب كل زملائى يلعبون وانا ارفض النزول من الفصل واجلس لوحدى فيه والان فى الحياه العملية حاسس انى انسان غريب ومش عارف اعيش زى الناس وخالى عاوز يذهب بى لدكتور وانا دايما خايف من الدكتور وخايف من كل الناس لما بجلس بكون لوحدى دايما ودايما بخاف من النور وبحب الانفراد فى الظلام اشعر ان واقف وحدى فى صحراء واسعة لا نهاية لها اعمل ايه .
ياابني حرام عليك تعمل كدا في نفسك تنعزل عن الناس وتحب العيش في الظلام وتجلب لنفسك القلق والتوتر والاكتئاب اخرج من عزلتك دي وشارك خالك واولاده حياتهم وانت بقيت واحد منهم وخالك ده زي ابوك رحمه الله ويحبك ويعتبرك زي واحد من اولاده ويشعر بالالم والحزن على الوضع اللي انت فيه وكمان اولاد خالك اخواتك اخرج العب معاهم وشاركهم افراحهم وهمومهم صدقني انا زيك كده فقدت ابوي وامي وكنت لسه شاب زيك كده وتحملت مسوولية نفسي واخواتي البنات صغار وعشنا في بيتنا ورفضنا نروح لحد من اقاربنا والحمدلله خلصت دراستي واشتغلت وتوظفت واخواتي بنات كبروا ويدرسوا وامورهم عال العال ولاعمرنا شعرنا باننا ايتام او منتظرين شفقة واحسان من احد وربنا يسترعلينا ويكرمنا بكل الخير وربك ماينساش احد اطلب الرحمة والمغفرة لابويك رحمهما الله وعش حياتك ياابني واخرج للدنيا واصبر وتحمل وكن راجل بمعنى الكلمة محافظ على دينك وخلاقك وتربيتك وكرامتك واجتهد في دراستك وتحقيق طموحك في الحياة وربنا معاك ولن يضيعك دام انك متوكل عليه وواثق من نفسك وراضي بقضاء الله وقدره والموت علينا حق كلنا حنموت واياك والاحباط والياس في حياتك اطردهم عنك وكن متفايل بالخير دوما وربنا معك ويؤفقك ويسترعليك ويكرمك ان شاءالله