انا عندى مشكلة عدم وجود اصدقاء ولا بنت او حد اصاحبة لان الناس شايفانى دايما بارد وعلطول بيقولولى كلمة ( بيض ) عليا وحتى صديقى اللى كنت مفكرة صديقى ظهر فى وقت الجد وعمرى ما حبيت الا واحدة وكلمتها واكتشفت انها بتكلم واحد صاحبى وتقولة انها بتضحك عليا ودايما الناس شيفانى ضعيف وانا مبحبش حد يدوس على كرامتى والمشكلة الاكبر ان ممكن صحابى (يطرقولى ) ويغمزوا لبعض علشان امشى وانا بكون بولع فى نفسى بس مش مبين
انا دلوقتى بجد كرهت اصحابى وحاسس انى شخص منبوذ ولية انامش عارف ؟؟؟يمكن علشان مخلص زيادة عن اللزوم
او علشان كثير الضحك والهزار
انا وصلت بيا الحال دلوقتى انى ممكن لو حد استفزنى اقتلة ومش هكون حاسس باللى بعملة
وكمان البنات نفس النظام معظمهم مش بيحبنى لشخصى مش عارف لية
فياريت حد يقولى الحل وياريت يكون حل اقدر اعملة ومش كلام مواضيع منتديات المتكرر دة
اقتباس “كمان البنات نفس النظام معظمهم مش بيحبنى لشخصى” انت جيت على الجرح لكن ببساطة المعاملة أخذ وعطاء وكل الناس عندها مشاكل لو شفت بروفايل صحابك على الفيسبوك هتلاقي العجب
بتقول مش عايز كلام المنتديات المتكرر…امال انت عايز الناس تقولك ايه؟؟؟…اللي يقولك بيض قوله البيضة بتلف وترجع لصاحبها…ده الكلام اللي انت مش هتلاقيه فأي منتديات…وهو حل على فكرة تقدر تعمله بس ساعتها هتبقى بيضة مأخدتش دقيقة عالنار؛ وطبعا انت عارف ان البيضة بتحتاج عشر دقايق على الاقل عالنار علشان تمسك نفسها وكل دقيقة بتعدي عليها بينشف الصفار بتاعها لغايت لما توصل للدقيقة العاشرة وتكون استويت…لو جربت تاكل بيضة مبقلهاش دقيقة عالنار…هتعرف ليه الناس مش شايفة فطعمك غير صفار…لو فاكر ان هروبك من النار هيشيل ريحة الصفار اللي فيك تبقى غلطان…النار هي الحاجة الوحيدة اللي تقدر تشيل الزفارة…لو فضلت تهرب منها صفارتك عمرها ما هتستوي…لو خايف من النار افتكر انك مش هتفضل طول عمرك تستوي…كل بيضة بتاخد وقتها علشان تستوي واول ما تاخد وقتك عالنار هتعرف الناس طعمك من غير زفارة!
شوف يااخي لازم تكون واثق من نفسك وفخور باخلاقك وتربيتك وكرامتك تحافظ عليهم جيدا وتحسن الاختيار للاصدقاء والاصحاب ابعد عن رفقاء السوء فلاخيرفيهم وصاحب الرفقاء الصالحين المحترمين والصديق المخلص هو من صدقك ونصحك ايضا احمدالله انك ماتعرف طريق البنات فدول مايجي منهم الا البلاوي والمصايب اوعك تصدق احد منهن او تثق فيها وكمان كثرة الهزار والضحك مع الاصدقاء تقلل من قدر الراجل وتوقعه في المهالك خليك عاقل وذكي وراجل بمعني الكلمة وكل تصرفاتك متزنة وعقلانية وليس الشديد بالصرعة وانما الشديد اللي يمسك نفسه عند الغضب دعك من المشاجرات والخصام مع اصدقاؤك او الناس الاخرين وعالج الامور بالحكمة والعقل والترؤي هكذا يكون الرجال يااخي وفقك الله واصلح حالك ويسر لك الامور وبارك الله فيك