انا احمد شاب مسلم عمرى21 سنة عمرى محبيت واحدة باستثناء اعجاب طفولى ببنت عمى ولما كبرنا بقت بالنسبة لى زى اختى ودلوقتى وانا فى مرحلة الشباب والحب حاسس بتناقض غريب جويا _حاجة فيا بتقولى ابعد عن علاقات الحب دى لانها حرام واصبر وعف نفسك والدليل انى عمرى مهقبل ان اختى او اى بنت تقربلى تبقى على علاقة بحد_وحاجة تانية بتقولى انت شاب ولازم تحب وتتحب والا هتكون انسان معقد ومش هتعرف تختار شريك حياتك وبعدين دة مش حرام طالما انك مش هتعرف بنت علشان تتسلى دة انت هتحبها بجد وهترتبط بيها بعدين ___انا بجد مش عارف اعمل اية لما اكون مع الحاجة الاولى بقول انا مسلم ملتزم ولما اكون مع الحاجة التانية بقول انا شاب ولازم اعيش حياتى ومبقاش معقد_لدرجة انى بقيت حاسس انى عندى انفصام فى الشخصية **
مشاكل الشباب النفسية
هل انا مريض نفسيا او ملتزم دينيا؟
اضيف بتاريخ: Thursday, September 23rd, 2010 في 12:47
كلمات مشاكل وحلول: الشباب, بنت العم, دين, شاب, علاقات الحب, مسلم, مشاكل الشباب, مشاكل نفسية, ملتزم
ربنا يبار فيييييييييك يارب ويكون كل الشباب المسلمين زيك كده انت انسان رائع ولازم تتأكد زى ما عفيت نفسك ربنا هيكرمك بواحده عفيفه ومحترمه وزوجتك اسمها مكتوب على اسمك من قبل ما تتولدوا اصلا استناها وربنا يكرمك يارب
اخي الكريم
انت حقا انسان ملتزم دينيا وصادق مع نفسك
اولا احيك علي التزامك الديني
ثانيا ابشرك انك سوف تنال زوجه وانسانه جيده لانك تراعي الله وتتقيه لذا سوف تنال انسانه مثلك لاتفعل هذا
ثالثا
نعم تاتي احيانا الي الفرد منا بعد ان يقول انا ملتزم ولن افعل شئ لا ارضاه علي اهلي وساوس من الشيطان وانا لن افعل خطئ ولن العب ولن اغضب الله لكن صدقني بفضل الله
يجد الانسان نفسه لا يمكنه فعل هذا الامر ابدا
الحب ليس حرام ولا خطاء انما يجب ان يكون في الاطار الصحيح له وان يتوج بالحلال
ادعوا الله لك بالثبات ولنا ايضا ان يثبتنا جميعا امين
انا حاب احيكيلك انه انت انسان صح ورائع ومش مريض ولا شي لانه العلاقة مع بنت حرام لكن الحب شي جميل انت حب واختار من غير علاقة يعني خلي قلبك وعيونك يلي يحبو ولما ترتاح لبنت معينه اخطبها وساعتها هيزيد حبك ليها
انت كدة صح بس مع احترامى ليك انت لية قافل على نفسك زمنا دة عايز الحب والتفاهم انت انسان محترم بس لازم تتجوز يبقى هتتجوز ازاى فى المنام ممكن تتعرف على بنت وتتجوزها بس مش معنى كدة انك تقفل عليها او حد من الاقارب يشفولك واحدة بنت حلال وقرب منها وافهموا بعض وربنل يكرمك
انت اكيد صح ,كل الحكاية ان الحياة المحيطة بينا هى اللى متناقضة ,يعنى المجتمع بيديك الحق انك تعمل اى حاجة كشاب و ده مسهل اوى الطريق على الشيطان انه يدفعك للخطأ بدعوى انك مش حتعمل حاجة غلط بدليل ان الناس مش حتنتقضك لكن بالله عليك كام حاجة المجتمع النهاردة مش بينقضها و انت متأكد تمام التأكد انها غلط ؟ زى لبس البنات او شرب السجاير او العلاقة المفتوحة بين الخطيب و خطيبته دون اى حدود …كلها حاجات غلط لكن مقبولة جدا للمجتمع فعشان كدة سيبك من الناس و من اصحابك خصوصا اللى اكيد حينتقضوك لكن خليك ارجل منهم و اثبت على موقفك و صدقنى البنت بتحب الراجل اللى عنده مبادىء و قوى فيها ,اما البنت اللى بتقيس الراجل بعدد علاقاته فدى متناسبكش اصلا فاتقى الله و ان شاء الله حيعوضك خير اوى
نعم صراع الملك والشيطان فللملك لمة على القلب وللشيطان لمة على القلب فإن أتاك شيطانك فلتعلم أن من تيقنت بأنهم قريباتك سواء أخت وغيره أيضا شابات وستختار هي أيضا شريك حياة بتلك الطريقة التي تشعرها بأنها شابة ويجب أن تحب وتنحب. لكن تذكر أن من ترك شيئا مخافة الله عوضه الله بخير منه ولا توجد عقد ولا يحزنون كل ما في الأمر أنه طبيعي أن لا يكون الإنسان طبيعيا عندما يعتزل الفساد الذي أستشرى في كل المجتمع ولا احسبك تود أن تدخل في قول الله ” ودوا لو تكفرون كما كفروا فتكونون سواء” فأصحاب المعاصي لا يهتأ لهم بال حتي يصير بقية الخلق مثلهم. فتخير طريقك وكن مع الذين أنعم الله عليهم بالهداية للطريق وفقنا الله وإياكم وثبتنا في زمان الفتن.
لالالالالالا اكيد ملتزم دينيا سدقنى انت كده صح وبارك الله فيك مش علشان مش عاوز تغضب ربنا يبقى انت معقد بالعكس سيبك من اللى حواليك عيش زى ماربنا قالك لانهم قالو عليا كده لما حبيت وعاملت ربنا فى حبى ده اللى بحبو نفسه سابنى حس انى معقده وخنقه كل حاجه اقولو حرام وحبيته 3 سنين من غير ما اقابله ولا مرةهو ماستحملش كده وسابنى وكل حد يقول عليا غريبه ومعقده بس زى مانت قولت ماترضاش ده على اختك او قريبتك وان شاء الله اكيد ربنا هايرزقك بالزوجه الصالحه وربنا اكيد هايسعدك فى حياتك طول مانت بتخافه ..انت كده صح او تتغير وربنا يثبتك ويرزقك بالزوجه الصالحه ااااااااااااااامين