انا شاب 13 سنة انا منطوي جدا وخجول ده بسبب بابا مش بيخليني اعمل الحاجة اللي عايزها هو حالتنا ميسورة وانا مش ناقصني حاجة الحمد لله لكن مش بيخليني اروح لصحابي ولا لعائلتي مخليني منطوي جدا انا عندي طاقة عايز اطلعها ومش عارف وده بيخليني عصبي جدا لما اروح لعمتي يقوللي هتيجي امتي واسئلة من دي بقي واروح لبنت خالتي يقوللي لا مينفعش هي بتجيلك علطول وعند خالي هتيجي امتي بقي مش معقول انا زهقت جدا لدرجة اني عايز اكذب عليه هو عايز الناس تكذب عليه علي فكرة هو مفيش تفاهم معاه هو صعب جدا اي حد مستحيل يتفاهم معاه هو ده طبعه خلاص وعمره ما هيتغير وحتي لو قلت لحد من قرايبي يكلمو هييجي ويضربني انا عشان بطلع مشاكلنا بره وكمان لما بهزر مع ماما يزعقلي ويقوللي اسكت بقي ويزعقلي مع العلم ان انا حساس جدا واي كلمة يخليني منهار جدا والله بملا الغرفة دموع ومحدش فاهمني وماما عارفة الموضوع ده هو عايز يربيني بطريقته الوحشة دي ليه عشان خاطري ردو عليا انا عايز حل
مشاكل الشباب النفسية
ابي سبب عصبيتي وانطوائي
اضيف بتاريخ: Saturday, September 7th, 2013 في 06:26
كلمات مشاكل وحلول: الشباب, شاب, مشاكل الشباب
ابني العزيز انت راجل لاتتاثربمايحصل من اباك القاسي وكون لك شخصيةواثبت وجودك باخلاقك العالية واحترامك لابوك وامك وتقديرك لهم ودوام على دراستك بالجدوالمثابرةوالاجتهاد من طلب العلا سهر الليالي وبالصبروالتحمل حتى تحقق امانيك واحلامك في المستقبل بكدا تغيير من معاملة اباك لك وتجده اصبح يفتخرفيك امام الناس وبيعطيك الثقةوالامان اللي كان حارمك منه ومع الايام تجد اباك ياخد رايك في امور البيت اوالحياة لانك صرت رجلا والمثل يقول اذاكبر ابنك خاويه وربي يوفقك ويسترعليك ويصلح حالك مع ابيك
اولا (خجول) و(انطوائى) تقدر تغيرهم من غير متحتاج لاى حد الا ربنا اول خطوة الرجوع لله سبحانه وتعالى والانتظام فى الصلاة وساعتها ربنا هينزل عليك القبول فى الارض من الناس ثانى شئ لازم تقتنع انك (مش خجول) و(مش انطوائى) .. مجرد اقتناع وبعدها تتصرف على الاساس دا مع الكل صدقنى هتلافى اختلاف كبير .. اما بالنسبة لموضوع والدك فالصراحة فى سنك دا معتقدش انك تقدر تعمل حاجة فعالة الا انك تصبر .. الاوضاع بتختلف والدنيا بتدور وانت مش هتفضل صغير كتير .. يعنى بختصار لازم تستغل سنك دا انك تزود فى قوتك مش تزود ضعفك عشان لما تكبر اكتر تبقى جاهز لاى تحدى ..