مشاكل الشباب النفسية

نفسي اغير من نفسي

انا عندي 19 سنة بس المشكلة اني اهلي كانو مقفليين عليا من وانا صغير يعني مكنتش بنزل مثلا الشارع كتير مكانش ليا اصحاب اخرج معاهم لوحدي كل الخروجات بتكون مع اهلي وبس والناس كانت بتقول عليا هادي ومقفل وكدة بس لما كبرت شوية وبقا عندي حوالي 17 ابتديت اخرج لوحدي برة مع اصحابي وكدة بس المشكلة اني مليش اصحاب كتير اخرج معاهم هما يمكن واحد او اتنيين بس وانا حاسس اني انطوائي اوي ومش بعرف اتعامل مع الناس لحد دلوقتي .. هل ممكن لو بقا عندي اصحاب كتير وخرجت معاهم وروحت وجيت وشاركت في مجالات الحياة المختلفة شخصيتي تتغير انا نفسي بجد اغير من نفسي وابقي اجتماعي ومبقاش ضعيف الشخصية وابقي روش كدة بس طبعا في الحدود …. ممكن يحصل ده وانا داخل علي العشرين ولا كدة خلاص شخصيتي اتكونت ومينفعش اني اغيرها مهما حاولت ؟؟

مشاكل وحلول ذات صلة

اضيف بتاريخ: Friday, August 31st, 2018 في 14:53

كلمات مشاكل وحلول: , , ,

3 رد to “نفسي اغير من نفسي”

  1. فاعلة الخير
    28/09/2018 at 16:41

    بمجرد وصولك لسن 21 هتلاقى نفسك اتغيرت تماما و شخصيتك اختلفت بس حاول متشغلش نفسك بالموضوع ده دلوقتى و ركز فى بناء مستقبلك و الاعتماد على نفسك فى كل شىء

  2. ابوالبتول
    04/09/2018 at 22:21

    لاحول ولاقوة الابالله ياابني سبب المشكلة التي تعاني منها هم الاهل سامحهم الله لانهم منعوك من ممارسة حياتك وطفولتك من الصغر ظنا منهم بان ده هو لحمايتك وخوفهم عليك وده اعتقاد خاطئ يقع فيه الكثير من الاهل مع ابناءهم ويولد لديهم حالة من الانعزال والانطواء والابتعاد عن الناس وياثر على نفسيته عند ما يكبر ويصل الى مرحلة الشباب والمراهقة مثلك الان لازم تخرج وتمارس حياتك ويكون لك اصدقاء ورفقاء تشاركهم المرح والتسلية وقضاء اوقات جميلة وممتعة انت الان اصبحت شاب في سن النضوج وتحسن التعامل وتعرف تميز الصح من الغلط فلابد ان تحسن الاختيار للاصدقاء وتكون واثق من نفسك ومعتز بخلاقك وتربيتك وتهتم وتركز في دراستك ومستقبلك فهى الضمان الوحيد لنجاحك في هذة الحياة بعد توفيق الله لك اتمنى لك كل الخيروالتوفيق والنجاح في حياتك وان يسر الله امورك ويبارك فيك ويصلح احوالك ويسعدك

  3. TueGk
    31/08/2018 at 23:44

    لوكنت معتزل اهل بيتك كمان واخواتك وما تروح مدرسة ولا لك زملاء يمكن لكن منعك من نزول الشارع لا اعتقد انه يفرق او يغير كثير ، وفيه ناس كثرة الخروج والاختلاط لم تغير اي شيء فيهم وشخصياتهم كما هي لا يعرفوا يتكلموا ولا يتصرفوا واغلب اوقاتهم ساكتين هكذا طبيعتهم وهم يرتاحو للي يعملوه ويحبو طريقتهم

اترك رداً أو حلاً لهذه المشكلة