بسم الله الرحمن الرحيم
انا شاب عندى 22 والحمد لله خلصت جامعه السنه دى وانا بكالريوس ارشاد سياحى وبحضر نفسى علشان دراسات عليا والحمد لله برضو بشتغل من وانا ف تانيه جامعه ولحد النهارده على العلم انى بعد فتره الجامعه انا تقدمت للجيش ودخلت الجيش طول فتره الجامعه وانا بحلى انى اقابل انسانه محترمه واحبها وارتبط بيها وتكون هى ليه كل دنيتى وحياتى اللى جايه وينتهى الحب دا بالجواز على سنه الله ورسوله بس للاسف طول الفتره دى مقابلتش الانسانه دى انا الحمد لله بصلى وبعرف ربنا كويس اوووى لشان كدا مكنتش بحب اعرف بنات وخلاص على العلم انى من اوائل الدفعه يعنى التانى على الدفعه والبنات دايما بتقرب منى بس كنت بشوف فيهم معرفه مصلحه ومذاكره مش اكتر انا كنت عارف دا كويس ورغم كدا كنت بعمل ليهم اللى هم عايزينه من ملخصات وغيرها ومحاضرات وكل حاجه الحمد لله انا بحب الناس كلها حتى زميلى اللى طلع الاول علينا كان بيذاكر الملخصات بتاعتى انا ناجح ف شغلى ودراستى بالناس اللى حوليه بتحبنى كلها لانى بيقولوا عليه طيب اوى زياده عن اللزوم بس انا عمرى مافكرت انى اغير طريقتى دى ف التعامل بالطيبه والنيه الكويسه مع الناس كلها بس للاسف يمكن دا الشئ الوحيد اللى انا مفتقده وهو الحب انا عارف انى طولت عليكم بس ملقتش مكان افضفض فيه غير هنا لانى برضو بعد الجامعه كل واحد من اصحابى شاف حياته وبنتقابل صدفه ومكالمات التليفون قليله اوى مابينا دلوقتى بس انا عارف ان ربنا شايلى حاجه كويسه بس انا نفسى احب واتحب زى اى شاب على فكره انا شكلى ومظهرى كويس جدا يعنى بجانب الشغل والدراسه انا برضو مهتم بنفسى جدا جدا بس برضو بقول الحمد لله على كل شئ واتمنى انى اقابل الانسانه دى وانا اوعدها انها هاتكون كل حاجه واغلى حاجه ف حياتى لانى هاحبها اوى اوى واسف على الاطاله
مع سلامه الله وامنه
شكرا ليكم جداٍّ
مشاكل الشباب النفسية
شاب جامعى اعانى من عدم الحب والوحده
اضيف بتاريخ: Saturday, December 15th, 2018 في 21:12
كلمات مشاكل وحلول: الجامعة, الحب, بنات, بنت, حب
اخي الحبيب ربنا يكرمك بابنة الحلال الصالحة التي تستاهلك وتقدر مشاعرك وتسعدك طوال حياتك انت شاب كويس ومحترم والف من يتمناك ياعزيزي وتاكد ان ربنا سوف يكرمك ان شاء الله طالما انك تخاف الله عزوجل وترغب في الحلال استمر في طريق حياتك وابعد عن العلاقات المحرمة ولاتتاثر بالشباب الاخرين الذين لهم علاقات مع البنات وحافظ على دينك وخلاقك وتربيتك وسمعتك وثق تماما ان ربك سوف يؤفقك طوال حياتك ويرزقك من اوسع ابوابه بكل الخير اللي تتمناه في هذة الحياة