اولا السلام عليكم جميعا
ثانيا انا مش اعرف اتكلم في ايه بس المشكلة اني حاسس اني مش سليم من جوايا كل حاجة واقفة ادامي
يعني واحد زيي شاف حاجات كتير في حياته بجد لازم يتعب اوي من جواه
انا شاب في بداية العشرينات يتيم من وانا عندي 5 و9 سنين يعني والدي توفى وانا عندي5 ووالدتي 9
كان ليا 3 اخوات اولاد واحد كبير خالص والتاني اوست وفي واحد كان اكبر مني ب3 سنين وده توفي
يعني تحسوا ان العيلة عمرها قصير شوية ههههههه طبعا الاعمار بيدي الله ونعمة بالله
بعد ما والدتي ماتت عيشت فى حياة الترحال من خالة لعم لجد كده يعني ……
وطبعا مستحيل حد يستحمل حد كنت بتعامل معاملة مش كويسة منهم مع اني كنت ذكي ومطيع بس
كنت بتاخد بزنب غيري ديما المهم عمي اخو ابويا يعني المفروض اكتر واحد خايف عليا طردني من
بيته الي هو اساسا بيت جدي وانا ليا حق فيه طردني وانا 14 سنة واخواتي اخدوا بيتنا وطردوني
ومن وانا عندي 14 سنة انا عايس في سكن بره بدرس وبشتغل علشان اصرف علي نفس
انا الحمد لله دلوقتي في اخر سنة فى الكلية او بمعنى اصح اخر ترم فى الكلية مع العلم اني كنت
متفوق في دراستي لحد فى الثانوية العامة وسبب اني جبت مجموع قليل فى الثانوية اني كنت بمتحن
وانا قاعد عند اصحابي عايش ترحال يعني مش كنت بنام وكده يعني طبعا انا طولت عليكم فى الحديث
بس للاسف دي مجرد عناوين من الحاجات الي عشتها .
اكتر حاجة وجعاني دلوقتي اني حبيت واحدة من حوالي 6 سنين وبجد حبتها اوي لدرجة انها مش
بتغيب عن عيني هي عارفة اني بحبها ومش عارف هي بتحبني ولا لا
والدتها كانت تعرف اني بحبها والدتها كانت زي والدتي وبتعاملني زي ابنها واكتر وبسبب خلاف بسيط مش
بكلمها دلوقتي وطبعا الي بحبها بردوا المشكلة اني مش قادر اجي على كرامتي واصلحهم ومش قادر استحمل
البعد وطبعا زي ما حكيت فى البداية اني كنت متبهدل اوي وانا صغير يعني مش شوفت حنان من اي حد
ومصدقت اني لقيت حد بجد يحسسني اني موجود
وانا بجد بحبها اوي وحترم والدتها اوي ووالدها بردوا انا حاسس اني بقيت لوحدي في اوضة ضلمة مش فيها نور
هي كانت النور الي جوايا لاي حاجة بعملها كنت بشتغل علشان ابقى حاجة كويسة علشان اقدر اتقدملها دلوقتي كل
حاجة حاسس انها راحت ……………. مش عارف اعمل ايه واسف تاني مرة اني طولت عليكم بس بجد دي مجرد
عناوين للمشكلة
شوف ياحبيبي الاعماربي الله عزوجل ماحدش ياخذ اللي قدره الله له من العيش في هالحياةولك في رسول الله الريم اسوةحسنة فقدكان يتيم الابوين وهوصغير وكفله عمه ابوطالب حتى نشاوترعرع حتى صاررجل وقصته موجودةارجع لهاالسيرةالنبوية لابن هشام وربك ماينسى ولايضيع احدابدا فوض امرك لله واعتمدعلى نفسك جدواجتهد في دراستك والمستقبل امامك وربنابيكرمك وبيعوض صبرك خير خلي بالك من نفسك وراعي ربنا عشان ربنايرعاك ويحفظك
اول شي لاتقل الدنيا مقفلة في وجهي وقول الحمدلله ع اي شي واحمدربك على اصغر شي ربي يزيدك من عنده واصبر ماراح يجي مع الصبر الا الفرج وثاني شي. لاتياس من الحياة وعن حبيبيتك كلم امها وصارحها بحبك عشان يمكن تساعدك وتتزوج وتعيش معاها احلى حياة وتنسيك الماضي الظلم. ولك مني الدعوااااات اختك في الله زوز&&
بص يا صاحبى مش لوحدك كتير غيرك وانا منهم عندنا مشاكل بس انا واخدها ببساطه ودايما مع اى مشكله بضحك وعمرى ابدا ما احب ابين ضعفى ادام حد … اعتقد ان الظروف ال انت مريت بيها خلتك اقوى وبتعرف تتعامل حاول بكل الطرق انك متضيعش البنت من ايدك لكن من غير ما تحسس حد انك محتاج عطف او شفقه منه هى لو بتحبك وفيه نصيب هتتحدى اى ظرف عشانك مهما كان ال هيحصل خليك كبير واخرج من اى مشكله برضو كبير
السلام عليكم ربنا يصبرك يا خوي و بقولك انو هي لو كانت بجد بتحبك توقف جنبك و ما رح تتركك لوحدك و انت ما تهين نفسك و كرامتك و انشالله تكون حبيبتك هي النور اللي بيضوي حياتك و يجعلها شمعة منورة و ادعي لربنا يكرمك في الشغلانة دي …….موفق
ربنا يوفقك في حياتك أنا نسخة مبسطة منك بس مشاكلي متغيره عن مشاكلك بشوية مهما حسيت بوحدة وعدم مبالاة من اللي حواليك مهيبقاش أصعب من انك تحس انك فاشل نصيحة مني ليك اركن قلبك على جنب شوية وميهمش يا سيدي حاسس انك لوحدك طول عمرك تعالى على نفسك شوية الفترة اللي جايه وربنا هيكومك ببنت الحلال بس نصيحة مني ليك اوعى تفقد كرامتك أو تتنازل عشان حد أياً كان كمل تعليمك وأهم شئ رضا ربنا ونظرة الناس ليك حط لنفسك سياسة وامشي عليها ومتتنازلش عن حق حد أخده منك مهما كان.
لازم تكلمها وتصالحها وتصالحها وتصالح مامتها اهم حاجه علشان يبقي في حد جمبك واكيد لازم تقرب من ربنا اوي وهو اللي هيصلحلك كل حاجه ادعي ل ربنا انو يصلحلك امورك واشتكيله وهو هيخرجك من اللي انت فيه بس صالحها الحب مافيهوش كرامه
اولا ازيك بس انا عندى رائ انك تتقدملها وهما المفروض يقفو جنبك مش انت بتقول انهم كويسين طيب المفروض يساعدوك وهيا لو بتحبك هتقف جنبك دانت حتي وحيد ولا ليك حامه ولا حد دانت عريس لقطه ولو مردوش انا موجوده اهو واجيبلك الشقه كمان لو عايز ههههههههه اصل الحموات دلوقتي فزاع اوى وبيغيرو علي ولادهم اوى لدرجه رخمه
بسم الله الرحمن الرحيم
بدايتا الله يعينك على على ما انت فيه ولكنه الاختبار فاصبر على ماكتبه الله لك ثانيا بالنسبة للانسانة اللى بتحبها قوى فيها ايه انك تتكلم معاها بما انك بتقول ان المشكلة مش كبيرة وانت كده مش بتوس على كرامتك ممكن هيه تكون مستنية منك كده وانت مش واخد بالك توكل وربنا يوفقك ولا تجعل لليأس مكان فى حياتك ولن اجتهد حتى تحقق ذاتك التى تبحث عنها وتنتظرك
انا حاسس بيك انا برضة والدى متوفى ربنا معاك بجد
كل المشاكل بتتحل بالتفاهم
ـ بس حاول انك تتعامل معاها بحنان
ـ متبررش لنفسك انك مشفتش حنيه من اهلك
لو انت عاملتها بحب هتقابلك بحب و هتعملك اللي انت عايزه
اتعرفت عليها من على النت مع انى لا اؤمن بالطريقه دى للتعارف لكن حظى كان كده . وكان الموضوع بالنسبه ليا فى البدايه عادى وسطحى لكن بعد ماقابلتها واتتعاملت معاها حبينا بعض جدا ومتمسكين ببعض فوق الوصف لكن المشكله الكبيره اللى بتقابلنى هو انى ماعنديش شقه ولسه متخرج ووالدتى رافضه انى اعيش واتجوز معاها مع انى ابنها الوحيد على بنتين وانا مش قادر اضغط عليها وفى نفس الوقت ماحدش عاوز يساعدنى لا هى ولا ابويا اعمل ايه وحاسس فعلا انى لوحدى مش قادر اعمل حاجه غير انى بشتغل اى شغل حلال يجيب فلوس وخلاص لكن اللى جاى رايح برضه ومفيش فى ايدى حاجه غير الدعاء لربنا اسألكم الدعاء بالتوفيق لى ولامثالى من الشباب المهمومين وللمسلمين جميعا اللهم امين
اولا انت ربنا معاك ان شاء الله ينورلك طريقك
الراجل لازم يكون هو القائد
يعني انت تتكلم معاها و تشرحلها وجهة نظرك بهدوء
و هي هتتفاهم معاك
بس نصيحه من مجرب (مش مخرب عشان بتفرق دي)انك تخلي نور حياتك هو ربنا
لان مهما ان كان هي انسانه
ربنا يهديهالك بس ادعي ربنا و اشكيله همك و ان شاء الله تكون حبيبتك هي الانسانه اللي تعوضك عن كل اللي فاتك
بالتوفيق