مشاكل الشباب النفسية

ابى اصبح اكبر اعدائى

انا عندى 16 سنة و بكره ابويا كره العمى لانه بنى ادم مش تمام
الحكاية ابتدت من 4 سنين تقريبا لما كنت فى بزور جدتى مع امى و رجعت لقيت المتصفح متسجل عليه مواقع اباحية المهم سالتو ايه الحاجات دى قالى فى ايه قولتلو فى حد دخل على حاجات مش كويسة وهو كان اعد فى البيت لوحده اصلا المهم مردش عليا روحت موريها لامى وزعلت منه واعد يقولها ده صاحبى ادانى المواقع دى و مكنتش اعرف انها كده و انا زعلت معاه خلاص و بقيت الاقى صور بنت عنده على الموبايل ووريتها لامى راحت متخانقة معاه وقالها انه كان بيحمل حاجات على الموبايل ودى اعلانات نزلت مع الحاجات وكده وامى عشان ملهاش فى الكمبيوتر كانت بتصدقه المهم حصلت بعديها حورات كتير من ورايا زى ان امى لاقيته بيكلم البنت دى على الشات وبيقولها انا كلب خلاص متزعليش وبقيت افتح الابتوب بتاعو الاقيه داخل على مواقع اباحيةو كان بيعد يكلم البنت اللى صورتها على الموبايل فى التليفون وامى اتصلت بيها وقالتلها سيبينا فى حالنا راحت البنت اتصلت بابويا و قالتله مراتك بتشتمنى و كده راح ابويا مزعق لامى ومرة تانية راح ضارب امى بسبب الموضوع ده و مرة تانية امى لقيت معاه وصل موبيليا و قعد يقولها مش بتاعى ومسكها ضربها وامى قعدت تنادى عليا عشان الحقها روحت جارى عليه وماسكه من رقبته ولازقه فى الحيط واخوش على الاكونت بتاعه على الفيس بوك الاقى التايم لاين بتاعته كلها صور اباحية ومعظم اللى عنده ستات مش كويسين و مشترك فى صفحات اباحية ولما وريتها لامى قالها دى اعلانات وباعت رسايل مغازلة لستات على الفيس انا مش عايز اضيفه عندى عشان صحابى ميشوفوش الفضايخ االى فى البروافيل بتاعو يعنى من الاخر تقدروا تقولا انى مستعر منه والاقيه على طول داخل على مواقع جواز بيدور على لاجئات سوريات و كنا قاعدين فى فرح و فى ترابيزة جمبينا فيها سوريات راح مديهم تليفونو سجلولوا عليه رقم تليفون و طبعا دلوقتى هو ساقط من نظرى وقرفان ابص فى وشه و مبحبش اكل معاه على ترابيزة واحدة ولا انام جمبه على سرير ولا اركب معاه العربية كل علاقتى بيه ان مصدر للمال فقط علاقته بيا بقى كلها ضرب بالاقلام اخر مرة ضربنى بالالم عشان زعقت لاختى الصغيرة عشان بوظت حاجة فى الكمبيوتر وانا قايلها متلعبش فى الحاجة دى راحت واقعة على الارض ومنهارة راح جاى مزعقلى و ضاربنى بالام و اعد عمال يدعى عليا واقوله ربنا يسماحك وهو يقولى ربنا يلعنك و يولع فيك و مبيخلنيش اتفرج على التلفيزيون ولما اجيب اى حاجة اتفرج عليها يقولى ايه الخرا اللى انت جايبه ده هات الريموت مع ملاحظة انى ببقى جايب برنامج اغانى او مسلسل وعلى طول بيتهمنى انى مليش لازمة و مش بعمل حاجة مفيدة واعدتى على الكمبيوتر هتعجزنى بدرى مع انى يوميها الصبح غسلت السجاجيد عشان اوفر عليه الفلوس و اوقات بيبقى طالع عينى فى حاجات بعملها واجى اعود على الكمبيوتر شوية يقولى قوم اعمل حاجة مفيدة الزفت ده مش هايطير مع ملاحظة انى فى اجازة و واحنا راكبين معاه العربية يعود يشتم شتايم ابيحة مش مراعى ان فى بنت فى العربية سنها 7 سنين بالفعل سالت على معنى كلمة ابيحة ابويا بيقولها وهو سايق الصراحة العيشة معاه بقيت تقرف و انا علاقتى بيه انه مصدر للمال بس و اقسم بالله العظيم انى لو جالى مصدر للمال و الاقى بيت اعود فيه هسيبلهوم البيت وامشى ومش عايز اعرف حد من البيت ده بدعى انى اخلص دراسة و ااجر بيت واعيش فيه واتجوز واشوف شغلى وحياتى مع ملاحظة ان احنا عيله متوسطة و ميسورة ماديا يعنى مفيش اى ضغوط مالية على ابويا انا بدعى كل يوم انى اتجوز و اعيش فى بيتى ومشوفش وشه تانى و بحقد على كل صاحبى اللى ابهاتهم ميتة شايفهم على طول مبسوطين وبيضحكوا

مشاكل وحلول ذات صلة

اضيف بتاريخ: Thursday, July 18th, 2013 في 13:30

كلمات مشاكل وحلول: , ,

12 رد to “ابى اصبح اكبر اعدائى”

  1. مجنون نسوان
    22/02/2016 at 10:44

    اتفق مع الاخ عمرحامد والاخ الانسان الطيب في كل ماقالوه للاخ صاحب المشكلة هو راي الصواب والصحيح اتمنى انه يعمل بكل مافيه لاجل صلاح حال حالهم واستقرارحياتهم

  2. المقاتله المقتوله
    31/05/2014 at 23:39

    لقد تأثرت جدا بمشكلتك و لكن لدي رأي و هو ان لا تترك اختك ضحية معرضة لان تصبح سيئة السمعة بسبب والدها فكر بأختك و حاول التقرب منها و ادعو ربك الا يرد عمل والدك المشين في اختك انا اسفة لاني اقول هذا اعرف انه مؤلم جدا و لكن منذ الوهلة الاولي التي قرأت فيها مشكلتك فكرت بهذا و حاول ان تشعر بأنك مسئول عن والدتك و اختك و تقرب من الله حتي لو لم يفدك كلامي كثيرا لكن اتمني ان تكن قد استفدت منه و لو قليلا.

  3. ابواميرة
    26/11/2013 at 23:26

    ابني الغالي حفظك الله وبورك فيك من ابن خلوق ومحترم يخاف الله ويتقيه استمرعلى ماانت فيه ولايضرك مايفعله هذاالاب الغير اخلاقي ولايستاهل ان يكون ابا اوقدوة لكم انتم ابناءوه ولاخيرفيه اطلاقا لاني اعتقدانه امامختلا عقليا اوالعياذبالله ديوث يريد نشر الرذيلةوالفاحشة في بيته وامام زوجته واولاده وخطره كبير احذروامنه ولاتتهاونوافي مايفعله من تصرفات غير اخلاقية من كلام مع البنات ومشاهدةصورهن اومشاهدةالافلام الاباحية ولابدمن حمايةانفسكم واعراضكم منه فمن هذة النوعية من الناس تاتي المصايب والفضايح وكم من اسر تشردواوامهات تطلقن وواولاد وبنات انحرفوا بسبب هذةالنوعيةمن الاباء الغير ملتزميين لاديناولااخلاقيا ولااجتماعيا وانته الان ماشاءالله تبارك الله اصبحت رجلا في سن 16سنة تقدرالاعتمادعلى نفسك والدفاع عن نفسك وعن امك من كل ماتتعرضواله من هالاب الخبيث اللعين السافل الواطي المنحط الذي لايستحق الابوة وغيراهل لها وتقدروالتخلص منه بفضحه اذالم يرتدع ويترك هذةالاخلاق القبيحةوالمحرمةوهناك عدةطرق للتخلص منه وحمايةانفسكم من شره وشرافعاله الخبيثةوالمحرمة 1-ترك البيت له فورا وذهابكم انتم وامكم للعيش مع احداقارب الام كالخال اوالخالة اوالجدوالجدة 2- ابلاغ الشرطةالاداب عنه وانه يتاجر في اعراض بنات الناس وتقديم الادلةوالصور اوتسجيل محادثاته مع هولاءالبنات وتقديمهاكاادلة ضده ممكن توديه للسجن والاشغال الشاقة 3-اذاكان مختلا عقليا وهذامااعتقده فمن حقكم التاكد من صحةقواه العقلية وطلب الطب الشرعي لاجراءالفحص اللازم عليه واتهامه باختلال العقل والتصرف تصرفات غير طبيعية وايداعه احدى المصحات النفسية كي يرجع له عقله ويلاقي العنايةوالاهتمام هناك وربي يحمكيكم من شروره ويصلح احوالكم ويسترعليكم جميعا

  4. omar ahmed
    29/08/2013 at 21:06

    الأخ الحبيب /
    اشعر بما تشعر به من معاناة وضيق في العيش بسبب والدك .. والدك مخطىء خطئاً شنيعاً.
    وانت لم تفعل شىء خاطىء لكن أأمل لإبن عاقل وذو خلق مثلك ورجل (وانت حقيقة كذلك) ان يحاول معالجة المشكلة بطريقة سياسية رائعة.
    سأخبرك بخطوات تفعلها ومتأكد اذا نفذتها بشكل كامل لن تحل المشكلة فقط بل ستجد والدك هذا مثل صديقك وهو من سيسعى لذلك.

    انا شاب مثلك عندي 24 عام ولم اتزوج بعد, اعيش مع والدي ووالدي والله صديقي .. والحمد لله والدي لم يفعل معي مثل هذه المشاكل لكن الدافع مشترك لجذب قلب الاب وانت تستطيع ان تجعله يعتبرك صديقه الوفي.

    أولاً .. انسى (او تناسى) تماماً امر المواقع الاباحية والبنت التي تحدثه واياك ان تخبر والدتك مرة اخرى عن ذلك لأن هذا يجعلك عدواً له ويغتاظ منك كما هو الحال الان.

    ثانياً .. (انت على الحق) لكن ارجوك ان تتنازل وتذهب وتعتذر له بشكل عام عن اي تقصير في حقه او اي شىء بدر منك يضايقه وهذا لا يعيبك (لأنه والدك) وليس صديق او اي انسان آخر.

    ثالثاً .. اسعى دائماً ان تلبي طلباته وقل له انك تحت امره واسأله كل فترة (هل تريد اي شىء يا والدي؟) (واتمنى لإنسان عاقل ورجل مثلك ان يتفهم هذا الموضوع وانا اعلم انه صعب عليك لكن صدقني انت بيدك الحل بصبر قليل منك).

    رابعاً .. اذا كانت هناك تصرفات منك تضايقه (حتى وان كانت صحيحة) ارجو الا تحاول عملها امامه في هذا الوقت.

    خامساً .. حاول ان تقنع والدتك واخوتك ان يردوا السيئة بالحسنة اليه ولا يتعاملوا معه بالعنف واقنعها انه ترك ما يفعله وحاول ان تجعلها تتقرب منه.

    الآن بعد اسابيع قليلة ستجد والدك هذا تحول الى والد حنون عليك وصديق وفي اليك .. ورجاءاً لا تخبر احد سواء والدتك او غيرها على ما يفعله من معاصي (واعمل نفسك كأنك مشفتش حاجة او معرفتش حاجة والأهم انه ميعرفش بالفعل انك عارف حاجة).

    خامساً .. اذا سارت الخطة بالنجاح المطلوب لها ستبدأ المرحلة الأخرى وهي بداية حل مشكلة المعاصي التي يفعلها والدك وعلاقته السيئة بالبيت .

    – حاول التحدث مع والدك بالمزاح احياناً وان تستشيره في مواضيع تخصك حتى ولو لم تكن تحتاج الى استشارات (لتتعود على الحديث معه وتفتح مجال الحديث).

    – حاول ان تظهر له انك عاقل ولست طفل وتستطيع تحمل المسؤولية (وهذا ليس بالكلام بل بالعمل) (يجب ان يرى هذا في تصرفاتك في كل شىء) (أريدك ان تلفت اعجابه بتصرفاتك في الامور والمواقف)

    – يمكن ان تدخل اليه بموضوع الالتزام بالصلاة وتصلي معه بالمنزل لتشجيعه واذا كان هو فعلا صديق وفي لك سيتشجع لعمل هذا معك.

    – حاول ان تقرأ سيرة او قصة من حياة الصحابة والتابعين في امر المعاصي والذنوب (وهناك كثير منها) وانتم مع بعض في اي مرة (بالسيارة مثلاً) احكيها له كقصة.

    لاحظ ان هذا كله انت وهو فقط بدون تدخل اي شخص بينكم ولا والدتك .. اريده ان يضع كل ثقته فيك انت فقط حتى تستطيع انت تغييره.

    لو نجحت في جعله يلتزم بالصلوات ويبدأ الدين يتدفق لقلبه ستستطيع بعد ذلك خطوة بخطوة الدخول اليه بطريق غير مباشر في موضوعه ولا تدخل اليه من منطلق انك تعلمه او تصحح له طريقه لأنه سيعز على نفسه ان ابنه من يفعل ذلك .. لكن ادخل له من باب الصداقة ومعرفة رأيه في امر ما (من هذه الامور) ونقاش بناء.

    واسأل الله ان تقرأ كلامي وتحاول تنفيذه واهم شىء اوصيك به (الصبر ثم الصبر ثم الصبر) .. مهما غضب عليك في هذه الفترة امتص هذا الغضب وقابله بالحسنى الى ان يلين لك قلبه ويصبح صديقك.

    وللعلم انا افعل هذا مع والدي منذ سنوات عديدة والحمد لله الامور تسير على اكمل ما يرام .. بارك الله في والدي واسأل الله ان يرقق قلب والدك ويبعده عن المعاصي والذنوب ويبارك فيه ويجمعكم جميعاً في الجنة.

  5. محمد / محاسب
    23/08/2013 at 11:11

    الأخ الفاضل صاحب المشكلة – اكيد ابوك بيحبك وامك واختك – هي مشكلة المواقع الاباحية انت احرجته وكشفت هويته – مفيش حل غير انك تحاول تتجنت الكلام في هذه المشكلة وحاول تقرب ليه وتسمع كلامه وتحبه وتسمع كلامه وحاول بلاش تتسبب ليه مشاكل من الناحية ديت – وربنا سبحانه وتعالي يتوب علينا وعليه ويهدينا ويهديه – كل عام وانتم بخير

  6. هايدى
    23/08/2013 at 05:07

    كل بيت وفيه مشاكله ماتفتكرش انك انتا الوحيد اللى عندك مشاكل يعنى انا والدى متوفى من قبل مااتولد (ماشفتوش)بس تخيل حجم المشاكلللى عندى ان عندى عمامى وخدين حقنا ووخدين فلوسنا وكل شويه يجوا يضربو فيا عشان انا متفوقه دراسيا وعايشين ف منطقه مش كويسهواحنا 2بنات ومالناش اخ وبيحصلنا تحرش كتير وعاوزين نروح منطقه امان بس مش معانا فلوس تكفى للعيشه لانى اخوات بابا واخدين فلوسنا وميراث بابا كله يعنى تخيل انا عايشه ازاى بس الحمد لله ع كل شىء انا بس حبيت اقولك ان تبقى مش طايق باباك احسن بكتير من انك تبقى عايش زيي ماتفتكرش ان وفاه الاب دى حاجه كويسه دى بتخلى الناس كلها تاكلك لحم وترميك عظم وخاصه لو ككانو بنات زينا ع العموم ربنا يوفقك وقوم صلى لربنا وقول الحمد لله انك حالك احسن من ناس كتير

  7. Ehab
    12/08/2013 at 00:40

    شبيهه جدا بمشكلتي لاكن بدون مواقع اباحيه لأن ابوي متدين شوي

    لاكن انا ابوي متزوج ع امي واحده اصغر منه بـ 20 سنه ~~” اهبل الله يبعدنا عنه

    و غير كدا علاقه اخواتي الشقهه بيه عادي بيروحو ليه و كدا لاكن انا لا ( احنا تلاته انا الوسطاني 16 سنه في عمرك )

    اوقات لما يكون في مناسبه بروح معاهم بيقعد يزعقلي ع اي حاجه و دايما بيعامل كل اخواتي احسن مني

    لاكن عادي بقيت ابعد عنه بشكل شبه كامل و ربنا يهديه و يبعده عني !!

    و ربنا معاك و ان شاء الله تخلص دراستك و تبعد عنه

  8. صل علي النبي :)
    10/08/2013 at 03:40

    السلام عليكم ورحمة الله وبركاته ..

    قال الله تعالي ( وإن جاهداك علي أن تشرك بي ما ليس لك به علم فلا تطعمها وصاحبهما في الدنيا معروفا .. )

    فمن باب أولي انك تحسن اليه فيما هو دون الشرك ..
    وريه اخلاقك وأدبك واتعامل معاه بأدب وتوب الي الله بعد ما ضربته في الحيطة عشان ما يعملش اولادك فيك كدة انت كمان وكما تدين تدان ..

    وممكن تعمل برنامج انتي بورن بتاع المواقع الاباحية او تحاول تكلمه عن اضرارها وعقاب اللي بيعمل حاجة زي دي .. وممكن تجيبله الموضوع بطريقة غير مباشرة عشان ما يضركش او يمد ايده عليك ..

  9. توتا
    05/08/2013 at 02:09

    نفس مشكلتك بس من غير المواقع الاباحيه يلا ربنا يخدهم فى يوم واحد

  10. zitch
    04/08/2013 at 05:38

    بص انا من نفس نك و عندي نفس المشكله دي بس انا و امي و اختي واقفينله و ميقدرش يمد ايده علي حد فينا عشان هوه السبب اننا مش طايقينه وهوا عارف هوا بيعمل ايه بس اهم حاجه والدتك واختك..حاول تكون انتا الراجل وعوضهم عن الراجل الي اتجنن ده…اختك في السن ده لازم تشوف صوره راجل حلوه قدامها عشان متتعقدش و الموضوع ممكن يقلب معاها بعقد نفسيه كبيره احنا في غني عنها خليك مكان ابوها و حاول تفرحها و تعوضها عنه…واوعي تسيبه يمد ايده علي والدتك اقطعهاله…و لو كلمك اقفله الصنف دا بيكش من اي حاجه عشان انه يتفضح قدام ابنه دي حاجه مش قليله…وومتنساش تصلي و تدعيله ربنا يهديه…خد نصيحتي و مش هتندم انا زي اخوك

  11. الانسان الطيب
    24/07/2013 at 02:54

    طبعا فهمت من كلامك أنك انت الوحيد اللى مفكر ان انت بس اللى عندك مشاكل بالدرجة ديه لكن اللى عايز أقولهولك أن كل بيت وفى مشاكله سواء أكبرت أو صغرت وسواء اختلفت الاشخاص أو اختلفت الاسر فتلك هى الحياة فصدقنى ان الله يضع اسباب ليجعلك تحلم بهدفا تريد تحقيقه ولو أن الحياة كانت هكذا ميسورةوكل االلى تحبه تلاقيه لكانت الحياة بدون معنى..
    أخى العزيز….
    طبعا مش حتصدقنى اذا قولتلك أن كل ده ولو كان مش طبيعى الا انه وارد مش كل الرجالة زى بعضها متنساش نبيك صلى الله عليه وسلم قال كل ابن ادم خطاء وخير الخطائين التوابين
    اى انه لا يوجد انسان على وجه الارض بلا خطأ مهما صغر أو كبر
    أما عن الحل………
    ؟أولا أخى دائما داوم على الدعاء بأن يهديه الله ويرجع لبيته ويحبكم كمثل أى أب
    ثانيا حاولوا معه في أوقات الرخاء ان تكلموه باللين وذكر أيات من القرأن الكريم وحسسوه بأن البيت كله عايزوه مش كرهه لأن خد بالك عندما تظهر مشاعر الكره لشخص ما في مكان تجعله يظهر كل صفات تجعله وتحسسه بأنه مالك الناس في المكان ده تلك طبيعة انسانية..
    ثالثا لا تفكر بهذا التفكير أنك تريد أن ترحل من البيت بل انت في موقف وعليك ان تتعامل معه وعدم الهروب منه
    رابعا كن محترما لأبيك وتقبل لصفاته مهما كان الامر ومهما وصل وحاول جاهدا بالدعاء والافعال لتغيير سلوكه
    وكل سنة واانت طيب
    أخوك الانسان الطيـــــــــــــــــــــــــــــب
    وشكرا
    والسلام عليكم ورحمة الله وبركاته

  12. الله يهديلك ابوك
    19/07/2013 at 00:38

    معلش اصبر عليه و ده اكيد اختبار من ربنا و مهما عمل يظل ابوك حتى لو هو حارمك من حاجات كتيرة و هو اللي خالك تكرهه بالشكل ده ولو انا كان عندي اب زيه اكيد هاعمل زيك لو فكرت بالمنظور الي انا عايشه خصوصا واضح ان مش عارف حاجه في دينه ولكن لو فكرت في ديني و طبقت ديني يعني احاول على قد ما اقدر ابر بيه و اطيعه في غير معصية ربنا يمكن تكون سبب في هدايته و ادعيله على طول بالهداية و اتأكد انك لو عملت الي ربنا والرسول قالوا عليه حتفوز في النهاية و احمد ربنا انك مش زيه ولو نفسك بتقولك انها مش اقدر تطيعه فارغمها على ذلك مش عشان ابوك ولكن عشان ترضى ربنا و عشان امك و اختك فهم ما عندهمش غير ربنا ثم انت و ليس الواصل بالمكافئ انما الواصل الذي إذا قطعت رحمه وصلها ، وبالنسبة لموضوع حقدك على اصدقائك فربنا ما اعطى حد حاجة الا و حرمه من حاجة تانية( ممكن يكون صاحبك ابوه كويس لكن هو فقير او مريض او معاق مثلا ) و ادعي ربنا يدمها على صحابك و يرزقك بيها ( نعمة الاب الصالح )و حاول تغير نفسك للاحسن عشان تستحمل ابوك لحد ما ربنا يهديه و اسف اني طولت عليك

اترك رداً أو حلاً لهذه المشكلة