بسم الله الرحمن الرحيم
بداية يا جماعه انا طالب جامعى من مصر ف كلية من كليات القمه . اعيش فى حى شعبى
مشكلتى انى خجول ومش بعرف ازاى اعمل علاقات اجتماعيه ودايما وحيد . وما يزيد من مشكلتى انى اشعر بالانعزال عن من هم حولى من جيران واقارب .
عائلتى مفككة جدا ولا يوجد ود بينهم ولا يسألون عن بعضهم البعض ولا يتقابلون الا فى الاحزان حتى الافراح قليلا ما يودون بعضهم استطيع ان اقول انهم يكرهون بعض ويحقدون على بعض
علاقتى بزملائى فى حدود الكلية والدراسة فقط .
لم اعرف اصحابا حقيقيين منذ الطفولة و اشعر بالاكتئاب و الحزن والوحدة وعايز اكون ناجح اجتماعيا ويكون ليا شأن .
قد اكون ناجح على المستوى الدراسى لكن يكاد الاكتئاب ان يقتلنى مش عارف اعمل ايه ارجو ان تدلونى اعمل ايه لانى فى اشد الحاجة الى رايكم و جزاكم الله خيرا .
والسلام ختام
مشاكل الشباب النفسية
قتلنى الملل والخجل و الاكتئاب وعائلتي مفككة
اضيف بتاريخ: Saturday, September 7th, 2013 في 11:31
شوف يااستاد كلواحدمناعندواللي مكفيه وزيادةمن الهموم والمشاكل مع الاهل والاقارب وده مش انته وبس غيرك كثيرون اووووووووي لكن العاقل الحكيم مايخليش الظروف دي تاثرعليه في شغله اودراسته اوتعاملاته مع الاخرين اذاكانواالاهل والاقارب اوالاصدقاءغلطانين في حق بعضهم ماابقاش زيهم لالالاغلط لازم اكون احسن منهم وماتصرف مثلهم ابدا عامل الجميع بكل صدق وصراحةوامانة وصدقني كل الناس حتحبك وتمدح فيك وفي اخلاقك وحسن تعاملك معهم وربي يسعدك ويوفقك
شوف يا قمر انا 20 سنه ..انا نشات من صغرى ف ظروف أزبل مليون مره من ظروفك .والحمد لله قدرت ابقى ف الجامعه اللى بحبها …مبدأيا انا معاك ان الاجتماعيه حلوه …انت لو حاببها يبقى لازم تسعى ليها ..بس ف البدايه ..الناس بتصاحب الانسان ليه لما تلاقيه واثق من نفسه ..من كلامه ..له صفات كل الناس بتحبها فيه ..وكمان كويس ف لبسه واسلوبه وتعليمه …ده عشان تلاقى صداقات ..اما بالنسبه للأهل ف إنت مش محتاج لحد عشان تعيش ..او مش محتاج لناس حقوده وناس ميتعرفش صلة الرحم …يبقى من الاحسن بعدهم عنك ..واصبر وكون شخصيتك وصدقنى يوم ما هتبقى واثق من نفسك وتكون ملامح شخصيتك هتتفاجئ بناس كتير حوليك
انا شايفة انك فى فترة الاجازة تشتغل وانت بتدرس لو مش هيبقى فى تعب عليك وتكون صداقات فى العمل وتقدر بردو تكون صداقات فى الجامعة حاول تاخد الخطوة وقول لنفسك انا مش خجول وثق فى نفسك عشان تقدر تاخد الخطوة وتروح تتعرف على ناس كويسين الحاجة التانية ممكن تشترك فى جيم او تمارس رياضة تكون لعبة جماعية زى كورة القدم هتقدر تكون صداقات كتير من كورة القدم او اى رياضة فيها مشاركة وفريق وتعاون عشان تعمل صداقات وان شاء الله ربنا يوفقك ويوفق الجميع
اولا كل عائله فيها مشاكل ومش كل افراد العائله بيحبو بعض
يعنى مش انت لوحدك اللى عندك مشكله تفكك العائله او انهم مش اجتماعين 95% من العائلات المصريه كده ..فحاول مش تفكر بحساسيه اووى فى النقطه دى
ثانيا : انت لسه فى الكليه يعنى بيتكون فيها اجمل صداقات وصحاب الكليه هما اللى بيدومو معاك لباقى عمرك فالفرصه لسه فى ايدك لان انت لسه فى الكليه فحاول تتشوف مثلا فلان ده محترم وكويس روح اتعرف عليه هو هيعرفك على باقى اصحابه وحاول مش تخلص محضرتك وعالبيت على طول لا فيها ايه لما تقعد مع زمايلك شويه مدام انت مش وراك حاجه وهتقعدو باحترام …وحاول مش تحط فكره انك مش اجتماعى دى فى دماغك ..لان كل البشر اجتماعيين بس بنسب مختلفه انت ممكن تكون نسبتك قليله شويه فنحاول ننميها …