السلام عليكم انا شاب في السابعة عشر من العمر اصبحت يائسا وزهقت من الحياه انا عندي تأخر بلوغ ولحد الآن ما قولتش لوالدي أو رحت لدكتور حاسس أني هافضل كده ومش هتعالج المشكله الكبيره أني بحب بنت أصغر مني بسنتين هي بنت عمتي وجارتنا كمان يعني من السهل جدا اني أقرب منها واخليها تحس أني بحبها بس أنا ما قربتش منها خالص بقول أخلص من المشكله بتاعتي الأول لأني ما أعرفش في لها علاج ولا ما لهاش البنت دي بتيجي في خيالي في كل لحظه وما بتفارقش خيالي وحاسس أن لو ربنا سهل وحصل نصيب معاها هاقدر أسعدها وعمري ما هزعلها لأني بحبها بجنون وتعتبر هي الحاجه الوحيده الكويسه اللي فاضلالي في الحياه وحاسس أن لو البنت دي أتجوزت من غيري ممكن أموت من الزعل أرجو أن تساعدوني بأي نصيحه وأرجو من الإداره عرض المشكله وشكرا
مشاكل الشباب النفسية
شاب في سن المراهقة ويائس من الحياة
اضيف بتاريخ: Tuesday, February 10th, 2015 في 10:11
كلمات مشاكل وحلول: بنت, سن المراهقة, شاب
ايه هي الاعراض التي تعاني منهايااخي خلينا واضحين وصرحاءمع بعضا عشان اقدرافيدك لحل مشكلتك انت شاب في سن 17سنة ودي مرحلة مابعدالبلوغ ولازم تعرف علاماتها وهي بروز شعر الشنب والدقن +شعرالابطين +شعرالعانة+خشونةفي الصوت +نمو الذكر ونموالخصيتين اذاتاخرت هذةالعلامات في الشاب ولم تظهر فلازم تذهب لطبيب مختص في امراض الذكورة وكذلك طبيب الغددالصماء ليتم تشخيص الحالة عندك ومتابعةالعلاج وقديكن عندك ارتفاع اوانخفاض في الهرمونات الذكورية وده عامل لخبطة في اكتمال علامات البلوغ والطبيب يعمل لك فحص اكلينكي لمتابعة علامات البلوغ وتحاليل للهرمونات وعمل اشعة مقطعيةواشعةرنين مغناطيسية ونشاءالله اكون افدتك ومافي داع للقلق مع متابعةالعلاج مع الطبيب ترجع طبيعي وربنايوفقك
لازم تروح لدكتور علي الاقل عشان تتطمن علي نفسك و لو مكسوف تقول لوالدك روح اي مستشفي جامعي قريبة ليك و اقطع تذكرة كشف بخمسة جنيه عند اي دكتور تناسلية و شوف هيقولك ايه لو الموضوع صغير يبقي الحمد لله و لو الموضوع كبير يبقي لازم تعرف اهلك لأنهم ملهمش اي هدف في الحياة غير انك تبقي كويس و بخير و لو انت خبيت عليهم يبقي اذيتهم قبل ما تكون اذيت نفسك
قول لباباك ياخدك لدكتور مفيش فيها حاجه ده والدك مش واحد صاحبك وعمره ما هيفضحك أو يتريق عليك بالعكس قلبه هيبقى عليك
ثم ان في معلومه عرفاها وهي ان البنت بتبلغ قبل الولد في نفس السن أستهدى بالله ولو قلقان قول لوالدك وربنا يوفقك