السلام عليكم ورحمه الله
انا دلوقتي في سنه تالته ثانوي وباخد مصروف 150 جنيه شهريا والسنه القادمه ان شاء الله اكون بالجامعه والمصروف شامل المواصلات وبعض الملابس والكوتشهات ولو فيه حاجه خاصة عاوز اجيبها لي مثلا نضاره ساعه ماكينات حلاقه أو حاجات من دي بحوش واجيبها من مصروفي
وحاسس ان مصروفي حالياً قليل اخد كام في الجامعه؟؟ انا بفكر في 500 جنيه هل كويس ولا كتير؟ انا مش عاوز اركز على الحاله الاجتماعيه لكن مصروفي الوسط كام مع مراعاه اني اى شئ بحتاجه لنفسي بجيبه من مصروفي؟؟ شكراً ليكم وجزاكم الله خيرا
هموم الشباب
اخد مصروف كام بالجامعه؟
اضيف بتاريخ: Thursday, November 8th, 2012 في 17:40
كلمات مشاكل وحلول: الجامعة, مشاكل الشباب
200جنيه هتكون كافيه لو انت اهلك مرتاحين ماديا (للعلم انا بتكلم علي جامعه خاصه ومواصلات ومستلزمات الكليه وبعض المستلزمات الخاصه ).
ولو الماديه علي القد يبقي تقلل شويه وتشتغل فالاجازات حتي لو مش عشان الفلوس فعشان الخبره .
انا في اولا جامعه باخد 500 جنيه مصاريفي بس هدومي وكل حاجه تانيه علا ابوي وال500 مش بيكفو حاجه الجامعه الخاصه كل حاجه فيها غاليه
انا في 3 ثانوي و باخد 20 في الاسبوع و بيخلصو في يوم بكون خارج فيه و بشتغل في الاجازة مع ابويا و بيشتغلني و بيديلي 200 في الشهر
500 جنية لية يا عم ؟؟ انا فى اولى ثانوى وبشتغل فى الصيف عشان شايف المصاريف الى ابويا غرقان فيها وبكسف اقولوا على حاجة
انا شايف انك مش المفروض تتكلم عن المصروف انا ف سنك كنت بنزل فالصيف اشتغل اربع شهور و اصرف منهم على الجامعة مواصلات لحلوان و اكل و كتب جامعية و لبس و ف احيان كنت بنزل الشغل اثناء الدراسة دا انا بعد التخرج مكنش معايا ادخل كورس انجليزي ولما طلبت من ولدتى 150 جنية سلف قالى مش معايا وروحت اشتغلت ف محل حلويات بياع و بيعت موبايلى عشان ادخل الكورس ….
والله كل واحد بقي يعرف ظروف اهلو المادية وهو الي يقدر وكلك نظر بس تسمحلي اقولك حاجة انت المفروض مش صغير يعني راجل كدة وتقدر تعتمد علي نفسك لية متشتغلش وتساعد نفسك بنفسك وتعتمد علي نفسك الحق نفسك وكون نفسك اهلك مش هيفضلو عيشنلك طول العمر
انا بايد راى الاستاذ امجد
انك لازم تفاتح والدك ووالدتك وعرفهم واعرض عليهم الموضوع وحسسهم وانت بتتكلم انك مش بتفرض عليهم المبلغ ده والا هتعلن عليهم الحرب لا حسسهم بانك مقدر مسئولياتهم هم كمان وانهم عندهم اخوات مثلا غيرك والمصاريف الشهرية ومصاريف المعيشة بشكل كامل ولا تستهين بهذه المصاريف
وحط فى دماغك النقاط دى اوى واحفظها كويس جدا
اولا تاكد انهم نفسهم يجيبولك كل اللى نفسك فيه وزيادة ولكن ظروفهم المادية هتحكمهم وقد تمنعهم من توفير حاجات كتير ليك
ثانيا افهم كويس اوى ان زى ما انت بتقول ان ليك متطلبات ملابس وساعة وكذا وكذا هم برضو عليهم التزامات غيرك كتير ومن ضمنها مصاريفك برضو فى الجامعه والكتب والملازم والطعام والمسكن باحتياجاته من كهرباء ومياه و …
ثالثا راعى انك لو ضغط عليهم وحسستهم انك اضايقت لو رفضوا طلبك انك هتتسبب فى حالة نفسية سيئة جدااااا وقد تضطر ان والدك يعمل حاجات غلط عشان يوفرلك احتياجاتك فاتق الله واسعد بما لديك خير ان تضطر والدك انه يعمل اى حاجه غلط وبتحصل كتير وانا موظف وبشوف زمايلى كتير بيخدوا فلوس مش بيستحقوها ولما اكلمهم يقولوا اصل العيال وطلباتهم والدنيا غالية فلا تستهين بكل كلمة قولتهالك
اخيرا ادعو الله لك ولكل اخوانى ان يرزقهم الله واهلهم الرزق الحلال الوافر الذى يعينهم على شراء ما يتمنون واعتذر عالاطالة
500 جنسه ده حضرتك لو اتخرجت من كلية الطب واصحبت دكتور مش حتقبض الخمسمائة جنية
ماهو لو حضرتك عايز الحل لازم تقولنا وبصرارحه بصراحه بصراحه ومتتكسفش وانت بتقول باباك بيشتغل ايه علشان نقدر نقولك تاخد مصروف كام لانو لو بباك عامل نظافة مثلا يبقى حرام عليك تاخد مصروف من اصلو وتعتمد على نفسك فى الصيف وتشتغل وتحوش مصروف يكفيك طول السنه ولو بباك بيبيع خضار على ناصية الطريق مثلا يبقى بيكفى 100 جنيه اما لو بباك سباك مثلا يبقى حاول فى الاجازه تتعلم منو مهنة السباكه وتصرف على نفسك بس انا اشك انك هتقول الصراحه بباك بيشتغل ايه وهتتكسف المشكل بئى فى رسالتك انى محسيتش فيها انك راجل وبتعتمد على مصروف بباك انا مش ضد انك تاخد مصروف ان ضد الشاب الى يقول اخد مصروف قد ايه ده بيبقى واحد صغير اوى ههه وانت ايه الى عرفك ان انت هتروح الجامعه
عزيز بص كل بيت وله دخله ومصروفاته وده الى بيحدد الاول فاتح ولدك او ولدتك فى الموضوع وعرفهم انك دخل مرحلةجديدة بعنى نظام جديد ومصروفات اكتر مبلغة 500 ف الشهر مع كل ما تقوله قد يكون معقول جدا ولكن ناقش الامر اولا مع والديك.
والله كل شخص يخلف عن الاخر…انت شوف يلزمك كام كل شهر….احسبها بالورقه والقلم وحدد انت