انا شاب فى الجامعة فى سنه تانيه فى احدى كليات المحترمه ولكنى امر بمشكله تورقنى كتيرا وهى انى طيله عمرى وانا لم احلم بشى والا يتحقق وماتمنيت امنيه والا تحققت الا امنيه وحلم واحد لم يتحقق وهى الحب حتى الان لم الاقى الفتاه التى تبادلنى الحب الزى اتمناه احببت فتايات كتيره ولكن حب من طرف واحد لم اصارح اى فتاة بحبى لها خوفا من ان تصدنى او تكسفنى ولكنى كنت اعول املا كبيرا على التحاقى بالجامعة انى هلاقى الحب الزى افتقدته ولكن بدون جدوى مرت سنتين وانا زى منا والفتاه الوحيده اللى احببتها من كل قلبى وكنت اريد انا اصارحها لم تقبلنى بسبب موضوع لم اكن ليا زنب فيه ورفض حتى ان اكلمها بدون ان تسمعنى او اشرحلها ايه اللى حصل انا تعبان اوى كل اصحابى بيحبو ويتحبو الا انا انا ببقى ماشى مع اصحابى كل واحد مع حبيبته وانا وحيد بحس بالوحدة دايما انا تعبان جدا من الموضوع ده انا مش عايزه واحده علشان امشى معاها بالعكس انا عايز واحده تحبنى زى منا بتمنى ويبقى هدفى الوحيد انى افضل معاها طول العمر اتمنى مساعدتك بردودكم لانى بجد تعبان اوى بسبب الموضوع ده عايز حل يخرجنى من اللى انا فيه اانا ببقى ماشى فى الدنيا وحيد مش لاقى حاجه يبقى ليا هدف علشانه مش لاقى حد يحبنى لشخصى الانسان الوحيد اللى واثق انو بيحبنى بجد هى امى نفسى الاقى حد يحبنى ويبقى ليا هدف اسعى علشانه
هموم الشباب
حياتي كلها مملة بدون حب
اضيف بتاريخ: Friday, January 7th, 2011 في 19:32
كلمات مشاكل وحلول: الجامعة, الحب, حل, شاب, فتاة, كليات, مشاكل الشباب, هموم الشباب
اخي مالح تلاقي انا هيك وكتير هيك وهاد شي صغب صعب والله لح طق الله يفرج وكل يلي ردو قالو صلا وصيام وكلشي عم نعمل كلشي بس حب مافي
بص يا سيدى انا زييك برده نفسى احب واتحب بس ان شاء الله ربنا يرزقك بواحده تحبها وتستقر معاها وبعدين احسن حاجه الاصحاب حاول تصاحب بنات على مبدا الصداقه وممكن تعجب بواجده وهى تبادلك نفس الشعور بس شكلك واد محترم
بص انا هقولك علي حاجه — انا زيك كده بس انا لسه طالب في ثانوي عام — حبيت قريبتي 10 سنين واتجرحت ومش قادر انساها ومش عارف احب تاني لأني خجول شويه واخاف اقول بنت اني معجب بيها لا تكسفني ولا حاجه —- انا بردو عايش وحيد في حياتي مليش حد اشكيله همي مفيش حد يبقي معايا يحبني زي ما احبه —- بس كل اللي عليك انك تفكك من الحب وتشوف انت موهبتك ايه وبتحب ايه واعمل لنفسك هدف علشان تحققه — والحب هيجيلك هيجيلك متقلقش بس استني لما تلاقي انسانه طيبه زيك تحبك وتحبها
فكك من بنات الجامعة دول رقاصات ثق بنفسك انت بس وهتلاقي البنت بتندهلك بعنيها بتقولك في نظرة عينها انا بحبك هي دي الي تروحلها وتفاتحها بس المهم الدخله تكون ذكيه
لازم تبقى اقوى من كده …انا زيك والله بعاني بسبب المشكلة دي والناس بيستغلوني بس ساعات بصبر نفسي وبقول اني مراهقة بس الي زيي وزيك محدش بيحس بيهم وكل الناس بيعتبروهم سخفى …مش عرفين ان دي مشكلة صعبة.,والمشكلة اني طيبة وبلاقي الناس بيعاملوني بخباثة عشان كده انا عيزه اساعدك واساعد كل الناس حاول تختار صح …هو ده حل المشكلة وربنا يوفقك الحمدلله لقيت حدزييي
ههه انا كنت فكرت ان انا اللي كاتب الكلام دهـ .. لانه للأسف نفس المشكلة عندي
بس الفرق اني حبيت واحدة بس ومن طرف واحد بردهـ ومش قادر اقول لها لسببين
1_لانها قريبتي ومعنديش الجرأة 2_لاني حاسس انها بتحب واحد تاني اصلا
بص اعمل زي اشغل نفسك واتقرب لربنا احسن حاجة في الدنيا دي انك تقرب لربنا والله العظيمـ
وان شاء الله تلاقي اللي تحبك باذن اللــه
وانا معاك والنبي 🙁 🙁
لا نعلم ما يخبيه القدر في طياته لنا و من يعلم ماذا يخبئ المستقبل لك انا متاكدة انا الكتيرات يتمنونك لاتياس
اريد ان اقول لك شيئا بسيطا بالطبع الحب ده شئ جميل جدااا بس مش فى كل الاوقات بس عايز اقولك سوف ياتى اليوم الذى تلتقى بمن تستحق حبك و تستحقكها انت لابد ان تصارح من تحب حتى تعرف انك تحبها وتعشقها ونصيحه من عاشق ولهان ان احببت فعليك ان تصالح من احببت بحبك حتى تبادلك هذا الشعور وحتى ان لم تبادلك ذلك الشعور فانت قد عرفت مامدى حبها او كرهها او قبولها لك وخيرا اتمنى لك التوفيق وشئ اخير اذا اراد الله شيئا وقال له كون فيكون
تقريبا انا زيك .لازم الاول تشوف مستقبلك اللي هيتبني علية كل شئ واللي بناء عليةهتختار شريكة حياتك وهتعيش معاهابقية حياتك وكبر دماغك عن كل دة لانك سواء عشت قصة حب او لا هتتزوج اللي مكتوبالك.وحط ربنا قدامك في اي قرار هتتخذه
انا حسا بيك اوي انا اصغر منك انا حلوة وصفاتى حلوة كل الناس العرفنى بيحبونى الحاجة الوحيدة البطلبها من ربنا ان ولد يحبنى بجد مش يضحك عليا نفسى اجرب احساس الحب نفسى اتحب قبل لما اموت
السلام عليكم
لسه نصيبك مجابش
طول مانت بدور ع الحب هتتصدم
هو بيجى قجاه
حاول تركز ف دراستك ونجاحك وربنا هيرزقك بالحب الصادق الانت عايزوه بس خليك فريب من ربنا دائما
اكيد هتلاقى الانسانة اللى هتحبك بجدعلى فكرة فى حاجة اصل البنت اللى هتحبهاانت اللى هتؤقلها بحبك مش هى وعايز تعرف هى بتحبك ولالا اكيد هتحس انت ده وكمان اكيد هتعرف من عنيه الفت نظرها بلبسك وأدبك 0000الخ وربنا يوفقك
زملكاوى بجد كلام فلة والله بس فنون جميلة محترمة بردو 😀
وصاحب المشكلة لو كل اللى مدايقك انك مش لاقي واحدة تحبها تعالا حبنى انا 😀
مش بتريق انا بتكلم جد انا احترمتك اوى ,,
الاخت ” زهراء ”
مينفعش طبعاً انتى تكلميه لأن كدا هتنزلى من نظره وكمان هتقللى من قيمتك
وهو لو بيحبك بجد هييجى يكلمك
ولو مش جه يبقى خلاص طالما مش قادر يواجهك يبقى هيعرف يواجه اهله بالأرتباط بيكى ازاى !!؟
بالنسبة للأخ صاحب المشكلة : يارب مش تزعل من كلامى وخاصةً لما قلت حلوه كلمة كليه محترمه دى
انا مش بتريق والله بس بضحك على اساس ان كل الكليات محترمه
مفيش كليه قليله أدب الا كلية ” فنون جميلة ” 😀
اانا متلك كل مرة لااجد الحب الى انتظره واما وجدته كان من طرف واحد.والأن انا معجبة بشخص اراه كل يوم نتبادل النظرات فقط ,وعندما اراه جسمي كله لا احس به الى درجة صرت لا انام واتمنى لو اراه في كل وقت فماذا افعل وليس لي الجرئة ان اكلمه
حلوه كلمة كليه محترمه دى ههههه
عامةً انا من سنك على فكره
بس انت ليك صحاب بتمشى معاهم
انا بقى ليا صحاب اه انما مش فى الكليه
يعنى بروح الكليه لوحدى وارجع لوحدى شفت بقا ان فى ناس اكتر منك بس عايش وبدأتها بضحك كمان هههه
عادى ياعم بكره ربنا يسهلها واذا مكنتش هاخد الحياه بالشكل دا مش هعرف اعيش
قرب من ربنا وصلى وادعيه باللى انت عايزه
جايز كل دا عشان ربنا بيحبك ومش عايز يخليك تعرف حد حالياً ويلهيك عن دراستك
اعمل زيي :
– بقول مش ممكن اعرف حد ويخدعنى ؟ طب وقتها هتجرح اكيد وهتعب لأ بلاش كدا احسن
– ياترى لو حبيت دلوقت هتفضل تحبنى من سنه تانيه لغاية التخرج ؟ مش عارف لأ كدا احسن
– لو الحب جه عندى ياترى امسك فيه ولا اسيبه وعادى ؟ بقول ربنا يسهلها ومش هدور عليه مهما كان عشان طول مابتدور على حاجه اكيد مش هتلاقيها
سبيها على ربنا بس انت قرب من ربنا وهو هيكرمك
والبنات مش كل حاجه فى الحياة
انا عارف والله ومقدر ظروفك
بس قدر الله وماشاء فعل ودا نصيييييييييييب
– خليك كويس كدا وقرب من ربنا والبس كويس واهتم بنفسك وخليك واثق من نفسك ومش تخلى حاجه زى دى تبقى عيب او نقص فيك
ربنا بيقدملنا اللى فيه الخير
والخير لسه مجاش
ان شاء الله حبيبى تبقى كويس وربنا هسيعدك وتلاقى بنوته قمرايه كدا تحبك وتحبها وتسعدك وتكون محترمه وبنت ناس وتتجوزوا ويبقى عندكم اطفال ربنا يباركلكم فيها
ودلوقت احلم لأن الحلم مش بفلوس ومش محتاج حاجه غير دماغ تفكر وبس
احلم كدا وقول اللى نفسك فيه
احلم انك شفت انسانه وحبيتم بعض
احلم بجمالها واخلاقها
وهتعملوا ايه وهترحوا فين لما تخروجوا وانتم مخطوبين وكلام من دا
عشان بس تحس انك عايش وتبقى عارف هتعمل ايه ههه ربنا يبارك فيك يارب ويسعدك ويسعدنا جميعاً
السلام عليكم ورحمه الله وبركاته ….
والله حضرتك انا مش عارف حضرتك مشكلتك انك وحيد
بس اقولك والله الحياه حلوه ومن كلامك انك فى 2 كليه يعنى حوالى 20 سنه
والله الدنيا حلوه اول حاجة صلى لربنا وصوم وادى الفرائض
وادعى ربنا انه ينولك اللى فى بالك وخير وان شاء الله
تلاقى الشخص اللى يحبك اكتر ما انت تحبه … ويخاف عليك اكتر ما انت تخاف عليه
والله المستعاااااااان
السلام عليكم